ក្នុងពិធីខួបអនុស្សាវរីយ៍ លើកទី៧៩ ថ្ងៃកំណើតនគរបាលជាតិកម្ពុជា នាថ្ងៃទី១៦ ឧសភា លោក ស សុខា បានបញ្ជាឱ្យមន្ត្រីថ្នាក់ក្រោម បន្តខិតខំបម្រើការងារជូនពលរដ្ឋ ពង្រឹងសន្តិសុខ សណ្ដាប់ធ្នាប់សង្គម ។ រដ្ឋមន្ត្រីមហាផ្ទៃ បានសង្កត់ធ្ងន់ថា មន្ត្រីនគរបាលនីតិកាលទី៧ ត្រូវតែមានសីលធម៌ និងវិជ្ជាជីវៈ។ 

 

លោកសង្កត់ធ្ងន់បែបនេះ៖ «សូមឱ្យមន្ត្រីរបស់យើងដែលមានវត្តមាននៅទីនេះ ចាប់ពីថ្នាក់ដឹកនាំជាន់ខ្ពស់ ដល់ថ្នាក់ក្រោមតូចបំផុត សូមឱ្យយើងដើរតួជាអ្នកបម្រើប្រជាពលរដ្ឋ មិនមែនជាម្ចាស់ប្រជាពលរដ្ឋ បញ្ជាឱ្យពួកគាត់ធ្វើអ្វីតាមតែចិត្តនោះទេ!»។ 

 

ជាមួយគ្នានេះ លោក ស សុខា បានណែនាំមន្ត្រីថ្នាក់ក្រោមឱ្យកែលម្អចំណុចខ្វះខាត លើសេវាបម្រើប្រជាពលរដ្ឋនានា ដើម្បីបង្កើនគុណភាព និងភាពរីកចម្រើន៕