×![]()
ភ្នំពេញ ៖ បន្ទាប់ពីបាត់មុខមួយរយៈធំពីទូរទស្សន៍CTN តារាចម្រៀងនិងជាតារាសម្តែងនាងលីលី បានវិលមកវិញ ក្នុងតំណែងពិធីការិនី។អ្វីដែលជាការកត់សម្គាល់នោះ គឺនាងលេងខ្លួនសិចស៊ីជាងមុន ដែលមើលទៅអ្នកណាៗក៏លួចសរសើរសាច់ដ៏សខ្ចីរបស់នាងដែរ។
ការទន្ទឹងរង់ចាំទ្រនំថ្មីរបស់តារាសម្តែងវ័យក្មេង និងជាអ្នកបង្ហាញម៉ូដ កញ្ញាលីលី ពិតជាសម្រេចតាមបំណងមែន ដោយការងារថ្មីនេះនឹងជួយឱ្យនាងកាន់តែទទួលបានការចាប់អារម្មណ៍ថែមទៀត។ កម្មវិធីនោះ មានការបង្ហាញគំនិតច្នៃប្រឌិត ចំណេះដឹងថ្មី ឬស្ទីលប្លែកៗនៅវគ្គទី១ វគ្គទី២ និងមានបទសម្ភាសន៍ដោយផ្ទាល់ជាមួយតារាប្រុសស្រីល្បីឈ្មោះនៅក្នុងព្រះរាជាណាចក្រកម្ពុជា ដល់ផ្ទះ ដែលធ្វើឱ្យនាងកក់ក្តៅយ៉ាងខ្លាំងថាជាកម្មវិធីមិនពិបាកទទួលបានការចាប់អារម្មណ៍ទេ។លីលី និយាយថា មិនពិបាកឱ្យនាងក្លាយខ្លួនជាពិធីការិនីលេចធ្លោក្នុងពេលដ៏ខ្លីទេ ពិសេសនៅពេលនឹកដល់កម្មវិធីថ្មី២ ដែលកំពុងរៀបចំដំណើរការ ហើយតម្រូវឱ្យនាងចេញធ្វើពិធីការិនីតែម្នាក់ឯងមួយកម្មវិធី និងមួយកម្មវិធីទៀតជាមួយពិធីករមួយរូប។ លីលី បញ្ជាក់ថា នាងនឹងប្រឹងប្រែងក្តោបក្តាប់តំណែងនេះមិនឱ្យរបូតទេ ដោយក្នុងអំឡុងពេលនេះ នាងក៏ប្រឡូកអាជីពដើរម៉ូដក្នុងក្រុមខេមបូឌា ស៊ុពើម៉ូដែល និងសម្តែងរឿងភាគឱ្យទូរទស្សន៍CTN ផងដែរ ដើម្បីបង្កើនភាពលេចធ្លោ។
ទន្ទឹមនឹងការលេចមុខជាថ្មីនេះ អ្វីដែលជាការកត់សម្គាល់នោះ គឺ លីលី លេងខ្លួនសិចស៊ីជាងមុន ដែលមើលទៅអ្នកណាៗក៏លួចសរសើរសាច់ដ៏សខ្ចីរបស់នាងដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
