ជាតិ
×![]()
ដោយ: ថ្មីៗ
ស្ទូឌីយោទូរទស្សន៍ថ្មី PNN នឹងបើកដំណើរការក្នុងត្រីមាសទីពីរ ពោលគឺចាប់ពីខែមេសា ឆ្នាំ២០១៥ ខាងមុខ។ នេះបើតាមការបញ្ជាក់ក្នុងសេចក្តីប្រកាសព័ត៌មានរបស់ទូរទស្សន៍ដែលអះអាងថាខ្លួនមានsស្ទូឌីយោទំហំធំជាងគេនៅក្នុងប្រទេសកម្ពុជា។
មានទីតាំងក្នុងខណ្ឌជ្រោយចង្វា ជាយរាជធានីភ្នំពេញ ស្ទីឌីយោរបស់ទូរទស្សន៍ PNN ដែលចាប់ដំណើរការពីខែមេសា ខាងមុខ មានបុគ្គលិកជាង៣០០នាក់ បំពេញការងារទៅតាមជំនាញ និងផ្នែករៀងៗខ្លួន។
ទីតាំងទាំងមូលរបស់ទូរទស្សន៍ PNN ដែលគ្រប់គ្រងដោយក្រុមហ៊ុន LYP Group របស់លោក លី យ៉ុងផាត់ សមាជិកព្រឹទ្ធសភានៃគណបក្សប្រជាជនកម្ពុជាត្រូវបានសាងសង់ឡើងដោយចំណាយទឹកប្រាក់អស់ជាង១០លានដុល្លារអាមេរិក ហើយ១០លានដុល្លារអាមេរិកផ្សេងទៀត ត្រូវបានចំណាយលើផ្នែកបច្ចេកទេស។
លោក Glen Felgate អគ្គនាយកស្ថានីយទូរទស្សន៍PNNដែលធ្លាប់មានប្រវត្តិគ្រប់គ្រងទូរទស្សន៍ CTN និងក្រុមហ៊ុនព័ត៌មាននៅមីយ៉ាន់ម៉ា បានបញ្ជាក់ថា៖ «នេះជាការវិនិយោគដ៏ធំមួយ ដែលយើងជឿជាក់ថានឹងលើកកម្ពស់គុណភាពវិស័យផ្សព្វផ្សាយនៅក្នុងប្រទេសកម្ពុជា ឲ្យឈានឡើងមួយកម្រិតទៀត ។ លើសពីនេះ ការផ្សាយរបស់ស្ថានីយទូរទស្សន៍ PNN នឹងគ្របដណ្តប់ទូទាំងប្រទេស»។
ក្នុងបទសម្ភាសមួយជាមួយសារព័ត៌មានថ្មីៗ លោក ប៉ែន បូណា ដែលបានចាកចេញពីតំណែងនិពន្ធនាយកវិទ្យុបារាំង RFI ទៅកាន់តំណែងដូចគ្នាក្នុងទូរទស្សន៍ PNN បានអះអាងថា ទូរទស្សន៍ថ្មីរបស់លោកត្រូវតែខុសប្លែកពីបណ្តាញទូរទស្សន៍ដែលមានស្រាប់៕
មានទីតាំងក្នុងខណ្ឌជ្រោយចង្វា ជាយរាជធានីភ្នំពេញ ស្ទីឌីយោរបស់ទូរទស្សន៍ PNN ដែលចាប់ដំណើរការពីខែមេសា ខាងមុខ មានបុគ្គលិកជាង៣០០នាក់ បំពេញការងារទៅតាមជំនាញ និងផ្នែករៀងៗខ្លួន។
ទីតាំងទាំងមូលរបស់ទូរទស្សន៍ PNN ដែលគ្រប់គ្រងដោយក្រុមហ៊ុន LYP Group របស់លោក លី យ៉ុងផាត់ សមាជិកព្រឹទ្ធសភានៃគណបក្សប្រជាជនកម្ពុជាត្រូវបានសាងសង់ឡើងដោយចំណាយទឹកប្រាក់អស់ជាង១០លានដុល្លារអាមេរិក ហើយ១០លានដុល្លារអាមេរិកផ្សេងទៀត ត្រូវបានចំណាយលើផ្នែកបច្ចេកទេស។
លោក Glen Felgate អគ្គនាយកស្ថានីយទូរទស្សន៍PNNដែលធ្លាប់មានប្រវត្តិគ្រប់គ្រងទូរទស្សន៍ CTN និងក្រុមហ៊ុនព័ត៌មាននៅមីយ៉ាន់ម៉ា បានបញ្ជាក់ថា៖ «នេះជាការវិនិយោគដ៏ធំមួយ ដែលយើងជឿជាក់ថានឹងលើកកម្ពស់គុណភាពវិស័យផ្សព្វផ្សាយនៅក្នុងប្រទេសកម្ពុជា ឲ្យឈានឡើងមួយកម្រិតទៀត ។ លើសពីនេះ ការផ្សាយរបស់ស្ថានីយទូរទស្សន៍ PNN នឹងគ្របដណ្តប់ទូទាំងប្រទេស»។
ក្នុងបទសម្ភាសមួយជាមួយសារព័ត៌មានថ្មីៗ លោក ប៉ែន បូណា ដែលបានចាកចេញពីតំណែងនិពន្ធនាយកវិទ្យុបារាំង RFI ទៅកាន់តំណែងដូចគ្នាក្នុងទូរទស្សន៍ PNN បានអះអាងថា ទូរទស្សន៍ថ្មីរបស់លោកត្រូវតែខុសប្លែកពីបណ្តាញទូរទស្សន៍ដែលមានស្រាប់៕
© រក្សាសិទ្ធិដោយ thmeythmey.com
