កីឡាជាតិ
ស្រី ដានី កូនខ្មែរ-បារាំង ក្លាយជាអ្នកចាំទីថ្មីរបស់ក្លិបភ្នំពេញក្រោន
×![]()
ដោយ: ថ្មីៗ
ក្លិបភ្នំពេញក្រោន រកបានអ្នកចាំទីថ្មី បន្ទាប់ពីការចាកចេញរបស់ ស៊ូ យ៉ាទី ទៅកាន់ក្លិបបឹងកេតអង្គរ។ យោងតាមសេចក្តីប្រកាសព័ត៌មានកាលពីថ្ងៃទី៣១ ខែមីនា ម្ចាស់ការពារតំណែងជើងឯកមួយនេះ ទទួលបានកីឡាករខ្មែរ-បារាំង ស្រី ដានី ក្នុងកិច្ចសន្យារហូតដល់ចប់ឆ្នាំ២០១៥ ។
ដានី អាយុ២០ឆ្នាំ ដែលមានឪពុកជាជនជាតិខ្មែរ និងម្តាយជាជនជាតិបារាំង បានមកធ្វើតេស្តិ៍តាំងពីខែកុម្ភៈ មុននឹងក្លាយជាកីឡាករខ្មែរ-បារាំង ទី៤ របស់ក្លិបភ្នំពេញក្រោន បន្ទាប់ពីខ្សែបម្រើ ប៊ិន ធារី ខ្សែការពារ កុក បូរីស និង ខ្សែបម្រើ វ៉ា សុខថន។
កើតនៅក្នុងក្រុង Lorient នៅក្នុង Brittany នៅក្នុងភាគពាយព្យនៃប្រទេសបារាំង ដានីបានចូលរួមជាមួយក្រុមបាល់ទាត់ CEP Lorient តាំងពីអាយុ១៣ឆ្នាំ ហើយបាននៅរហូតដល់ជួយឲ្យក្លិបឈ្នះជើងឯកតាមតំបន់របស់លីគបារាំង (French Regional League)ផងដែរ។ អ្នកចាំទីរូបនេះ ក៏បានលេងឲ្យក្រុម La Guideloiseមុនពេលមកធ្វើតេស្តសាកស្បងក្នុងប្រទេសកម្ពុជា។
លោក Sam Schweingruberគ្រូបង្វឹករបស់ភ្នំពេញក្រោន បានមានប្រសាសន៍បន្ទាប់ពីការចុះហត្ថលេខាជាមួយអ្នកចាំទីវ័យក្មេងរូបនេះថា៖ «ដានី នៅក្មេងនៅឡើយ ហើយមានឆន្ទះខ្ពស់។ គេមិនដែលបានលេងបាល់ទាត់កំរិតអាជីពពីមុនមែនពិត ប៉ុន្តែគេមានមូលដ្ឋានគ្រឹះដូច្នេះខ្ញុំសង្ឃឹមថាគេអាចរៀនសូត្របានលឿន និង ជំរុញឲ្យអ្នកចាំទីយើងកាន់តែប្រសើរជាងមុន»៕
© រក្សាសិទ្ធិដោយ thmeythmey.com
