ពីនេះ ពីនោះ
×![]()
ដោយ: ថ្មីៗ
ទី១. ពាក្យ «និង» មានន័យថា សម្រាប់និយាយតពាក្យ ឬតឃ្លារបះពីមួយទៅមួយ ដែលមានដំណើរសេចក្តីថា ទាំង, ព្រមទាំង, ផង, នេះ។ ឧទាហរណ៍៖ អ្នកនិងខ្ញុំ, គោនិងក្របី, សុខនិងទុក្ខ, យកចាននិងផ្តិលមកផង។ ល។ 
ទី២. ពាក្យ «នឹង» មានន័យថា សម្រាប់និយាយនាំមុខកិរិយាសព្ទប្រាប់អនាគតកាលទៅខាងមុខថា មុខជា, ប្រាកដជា, គង់តែ។ ឧទាហរណ៍៖ ស្អែកនឹងទៅផ្ទះអ្នក, យើងគង់តែនឹងបានជួបគ្នាទៀតក្នុងថ្ងៃណាមួយពុំខាន។ ប្រើក្នុងន័យមួយទៀតមានន័យថា ស្ងៀម, មិនកម្រើក, មិនប្រែប្រួល, មិនឡើងមិនចុះ។ ឧទាហរណ៍៖ អង្គុយនឹងថ្កល់ និងទឹកនឹង គឺទឹកដែលមិនឡើងមិនស្រក ឬមិនហូរ។ ល។
ទី៣. «ហ្នឹង» មានន័យថា ហ្នឹងហើយ, ហ្នឹងឯង, ដំណើរហ្នឹង។ ពាក្យនេះប្រើសម្រាប់តែនិយាយប៉ុណ្ណោះ មិនមែនប្រើសម្រាប់សរសេរឡើយ។
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
