ជាតិ
រូបភាពពីហ្វេសប៊ុកលោក ប៉ា សុជាតិវង្ស
×![]()
ដោយ: ថ្មីៗ
នៅក្នុងឆ្នាំ២០១៦នេះ សាលារាជធានីភ្នំពេញ គ្រោងពង្រីកកំណាត់ផ្លូវជាតិលេខ៤ និងសង់ស្ពានអាកាសសម្រាប់ថ្មើរជើងឆ្លងកាត់ពីលើផងដែរ។ នេះបើយោងតាមហ្វេសប៊ុកផ្ទាល់របស់លោកប៉ាសុជាតិវង្ស អភិបាលរាជធានីភ្នំពេញ។
គម្រោងស្ថាបនាពង្រីកកំណាត់ផ្លូវជាតិលេខ៤នេះ គឺចាប់ពីរង្វង់មូលចោមចៅ ដល់ផ្លូវទំនប់កប់ស្រូវ។ គម្រោងនេះ នឹងពង្រីកជា៨គន្លងសម្រាប់រថយន្ត និងទោចក្រយានយន្ត ធ្វើដំណើរទៅមក។ នេះបើផ្អែកតាមហ្វេសប៊ុករបស់លោក ប៉ា សុជាតិវង្ស ដែលសរសេរបន្ថែមយ៉ាងនេះថា៖«គម្រោងនឹងស្ថាបនាផ្លូវសម្រាប់៣ខ្សែរថយន្តទៅ ៣ខ្សែរថយន្តមក និងផ្លូវសម្រាប់ទោចក្រយានយន្ត១ខ្សែទៅ ១ខ្សែមកសងខាង ព្រមទាំងដាក់លូប្រអប់ និងលូចំហសងខាង និងតម្លើងបង្គោលភ្លើងបំភ្លឺផ្លូវព្រែកជា២»។
សាលារាជធានីភ្នំពេញ ក៏គ្រោងសង់ស្ពានអាកាសសម្រាប់ថ្មើរជើងឆ្លងកាត់ពីលើផងដែរ ដើម្បីសម្រួលសុវត្ថិភាពធ្វើដំណើរ របស់អាជីវករនៅផ្សារជម្ពូវ័ន្ត ប្រជាពលរដ្ឋ និងសិស្សានុសិស្ស នៅតំបន់នោះ។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានបញ្ជាក់ប្រាប់សារព័ត៌មានថ្មីៗតាមទូរសព្ទថា សាលារាជធានីភ្នំពេញ នៅមិនទាន់កំណត់ពេលជាក់លាក់បើកការដ្ឋានសាងសង់នៅឡើយទេ ព្រោះស្ថិតនៅក្នុងដំណាក់កាលលើកគម្រោង និងត្រូវធ្វើការសិក្សាបន្តទៀត៕
គម្រោងស្ថាបនាពង្រីកកំណាត់ផ្លូវជាតិលេខ៤នេះ គឺចាប់ពីរង្វង់មូលចោមចៅ ដល់ផ្លូវទំនប់កប់ស្រូវ។ គម្រោងនេះ នឹងពង្រីកជា៨គន្លងសម្រាប់រថយន្ត និងទោចក្រយានយន្ត ធ្វើដំណើរទៅមក។ នេះបើផ្អែកតាមហ្វេសប៊ុករបស់លោក ប៉ា សុជាតិវង្ស ដែលសរសេរបន្ថែមយ៉ាងនេះថា៖«គម្រោងនឹងស្ថាបនាផ្លូវសម្រាប់៣ខ្សែរថយន្តទៅ ៣ខ្សែរថយន្តមក និងផ្លូវសម្រាប់ទោចក្រយានយន្ត១ខ្សែទៅ ១ខ្សែមកសងខាង ព្រមទាំងដាក់លូប្រអប់ និងលូចំហសងខាង និងតម្លើងបង្គោលភ្លើងបំភ្លឺផ្លូវព្រែកជា២»។
សាលារាជធានីភ្នំពេញ ក៏គ្រោងសង់ស្ពានអាកាសសម្រាប់ថ្មើរជើងឆ្លងកាត់ពីលើផងដែរ ដើម្បីសម្រួលសុវត្ថិភាពធ្វើដំណើរ របស់អាជីវករនៅផ្សារជម្ពូវ័ន្ត ប្រជាពលរដ្ឋ និងសិស្សានុសិស្ស នៅតំបន់នោះ។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានបញ្ជាក់ប្រាប់សារព័ត៌មានថ្មីៗតាមទូរសព្ទថា សាលារាជធានីភ្នំពេញ នៅមិនទាន់កំណត់ពេលជាក់លាក់បើកការដ្ឋានសាងសង់នៅឡើយទេ ព្រោះស្ថិតនៅក្នុងដំណាក់កាលលើកគម្រោង និងត្រូវធ្វើការសិក្សាបន្តទៀត៕
© រក្សាសិទ្ធិដោយ thmeythmey.com
