ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ស្វាយរៀងបំបាក់ថាយហ្គឺរ ៦-១ ស៊ីម៉ាក់ផ្តល់មេរៀនអាស៊ីអឺរ៉ុប ៥-១
28, Feb 2016 ,
9:11 pm
រូបភាព
រូបថត សហការផ្តល់ដោយ Masayori Ishikawa/KPTStudio
×
ដោយ:
រួបរួម
ការប្រកួតបញ្ចប់សប្តាហ៍ទីពីរនៃក្របខណ្ឌមិត្តហ្វូនខេមបូឌានលីកឆ្នាំ២០១៦នាថ្ងៃអាទិត្យនេះ មានការស៊ុតបាល់បញ្ចូលទីរហូតដល់១៣គ្រាប់ ដោយព្រះខ័នរាជស្វាយរៀង បំបាក់ភ្ញៀវ ខេមបូឌានថាយហ្គឺរ ៦-១ ស្របពេលដែលមជ្ឈមណ្ឌលកំចាត់មីនស៊ីម៉ាក់ ទទួលជ័យជម្នះរហូតដល់ទៅ ៥-១ លើអាស៊ីអឺរ៉ុប។
នៅលើទីលានខេត្តស្វាយរៀង ក្រុមម្ចាស់ផ្ទះព្រះខ័នរាជស្វាយរៀង បាននាំមុខ ៣-០ នៅតង់ទីមួយ ហើយបន្ថែមបាន៣គ្រាប់ទៀតនៅក្នុងតង់ទីពីរ មុនពេលដែល ខេមបូឌាន ថាយហ្គឺរ វាយបកបាន១គ្រាប់វិញ។ សម្រាប់ម្ចាស់ផ្ទះ ខ្សែប្រយុទ្ធកូរ៉េខាងត្បូង Lee Jong Ho រកបាន៣គ្រាប់ ខ្សែប្រយុទ្ធរវ៉ាន់ដា Atuheire Kipson រកបាន២គ្រាប់ ហើយសុក សំណាង បន្ថែម បាន១គ្រាប់ ខណៈ១គ្រាប់របស់ថាយហ្គឺរ សម្រេចបានដោយខ្សែប្រយុទ្ធជប៉ុន Tomoki Muramatsu។
សម្រាប់ជំនួបនៅពហុកីឡដ្ឋានជាតិ បន្ទាប់ពីនាំមុខអាស៊ីអឺរ៉ុប ២-១ ក្នុងតង់ទីមួយ ស៊ីម៉ាក់ បន្ថែមបាន៣គ្រាប់ទៀតនៅក្នុងតង់ទីពីរដើម្បីបញ្ចប់ការប្រកួតជាមួយនឹងជ័យជម្នះ ៥-១ ។ ខ្សែប្រយុទ្ធនីហ្សេរីយ៉ា Okereke Timothy រកបាន៣គ្រាប់ កីឡាករអាហ្វ្រិកខាងត្បូង Matthew Rhoda និង ហុង មករា រកបានម្នាក់១គ្រាប់សម្រាប់ស៊ីម៉ាក់ ខណៈ ខ្សែប្រយុទ្ធនីហ្សេរីយ៉ា Obi Ugochukwu សម្រេចបាន១គ្រាប់សម្រាប់អាស៊ីអឺរ៉ុប។
ជ័យជម្នះដ៏ធំធេងនាំឲ្យស្វាយរៀងឡើងឈរលើកំពូលតារាងដោយមាន៦ពិន្ទុពេញស្មើបឹងកេតអង្គរ និងក្រសួងការពារជាតិ។ ភ្នំពេញក្រោនឈរលេខ៤បណ្តោះអាសន្ន ខណៈស៊ី ម៉ាក់ ឡើងទៅលេខ៥ដោយមាន៣ពិន្ទុ ណាហ្គាវើល និងវេស្ទើន ទើបបាន១ពិន្ទុ ស្របពេលដែលអាស៊ីអឺរ៉ុប និងខេមបូឌានថាយហ្គឺរបរាជ័យទាំងពីរប្រកួតនៅដើមរដូវកាល។
ពីរគ្រាប់បន្ថែមទៀតសម្រាប់ស្វាយរៀងរបស់ Atuheire Kipson បាននាំឲ្យគេមានគ្រាប់បាល់បញ្ចូលទីសរុប៥គ្រាប់ ខណៈ Okereke Timothy របស់ស៊ីម៉ាក់ មាន៤គ្រាប់។ កីឡាករ ដែលមានគ្រាប់បាល់បញ្ចូលទី៣គ្រាប់រួមមាន សុក សំណាង, Lee Jong Ho របស់ស្វាយរៀង ចាន់ វឌ្ឍនាកា, Samuel Gbenga របស់បឹងកេត និង Booysen Shane របស់ ភ្នំពេញ ក្រោន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ទាត់
Cambodian League 2016
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម