ពីនេះ ពីនោះ
«ខ្លួនជាអ្នកក្រ កុំត្រដរចង់ធ្វើសេដ្ឋី» បើយល់ខុសក្លាយជាសុភាសិតរារាំងឆន្ទៈតស៊ូ
×![]()
ភ្នំពេញ៖ «ខ្លួនជាអ្នកក្រ កុំត្រដរចង់ធ្វើសេដ្ឋី» គឺជាសុភាសិតមួយដែលជនប្រុសស្រីគួរនាំ គិតពិចារណា ជាពិសេសសម្រាប់អ្នកសិក្សាទាំងឡាយ។ ចំពោះសុភាសិតមួយនេះ អ្នកពិចារណាអាចនឹងមានការភ័ន្តច្រឡំចំពោះអត្ថន័យ ថាសុភាសិតមួយនេះ មានបង្កប់គំនិតអវិជ្ជមាននិយម ប្រសិនបើអ្នកបកស្រាយ ធ្វើការបកស្រាយក្នុងន័យអវិជ្ជមាន។
តាមរយៈសុភាសិតមួយនេះ គេអាចមើលឃើញថា សុភាសិតនេះមានអត្ថន័យពីយ៉ាងដែលត្រូវបកស្រាយ។ ក្នុងអត្ថន័យទីមួយ សុភាសិតនេះដូនតា លោកចង់អប់រំកូនខ្មែរ យ៉ាងច្បាស់ ថា ប្រសិនបើខ្លួនកើតមកជាកូនអ្នកក្រ ស្ថិតក្នុងស្ថានភាពគ្រួសារក្រីក្រ មានព្រឹកខ្វះល្ងាច មានល្ងាចខ្វះព្រឹក ឬអាចនិយាយបានថា ជាបុគ្គលស្ថិតនៅក្នុងគ្រួសាមានទ្រព្យសម្បត្តិមធ្យមក្ដី គួរកុំនាំគ្នាត្រដរ បង្ហាញគេឯងហាក់បីដូចជាខ្លួនឯង គឺជាកូនអ្នកមាន មានលុយឡូយឆាយ នោះអី។ ត្រង់នេះ ដូនតាលោកបានគិត និងបានបង្កប់ការអប់រំ យ៉ាងមានអត្ថន័យ ដល់កូនចៅជំនាន់ក្រោយ ឲ្យចេះគិតពិចារណា ចេះប្រមាណខ្លួន ចេះ ស្គាល់ខ្លួនឯងឲ្យបានច្បាស់ មុននឹងធ្វើខ្លួនប្រៀបដូចសេដ្ឋី។
ចំណែកករណីមួយទៀត សុភាសិតនេះអាចមានន័យមួយផ្សេងទៀត ដែលជាចំណុចអវិជ្ជមាន គួរតែគិតពិចារណាផងដែរ។ ចំណុចនេះគឺនៅត្រង់ថា ក្នុងអត្ថន័យនៃសុភាសិតនេះ ហាក់មានបំណងបង្អាក់ឆន្ទៈមនុស្ស ឲ្យលះបង់ការតស៊ូ និងការខិតខំប្រឹងប្រែងទៅវិញ។ ជាក់ស្ដែងនៅពេលនិយាយថា «ខ្លួនជាអ្នកក្រ កុំត្រដរចង់ធ្វើសេដ្ឋី» ស្ដាប់ហើយ គឺក្នុងន័យប្រាប់ថា ប្រសិនបើអ្នកកើតនៅក្នុងត្រកូលអ្នកក្រ គ្រួសារក្រីក្រ កុំបាច់ត្រដរចង់ក្លាយជាសេដ្ឋី។ ព្រោះទោះបីខំប្រឹងបែបណាក៏មិនអាចទៅរួចបាននោះដែរ។
ក្នុងមូលហេតុនៃអត្ថន័យទាំងពីរខាងលើ គេអាចយកឃ្លាសុភាសិតនេះ មកនិយាយបានប្រសិនបើ អ្នកបកស្រាយយកអត្ថន័យទី១មកបកស្រាយដើម្បីអប់រំមនុស្ស។ ព្រោះថា វាគឺជាអត្ថន័យអប់រំដ៏ល្អមួយ សម្រាប់មនុស្សជំនាន់ថ្មី ដែលចូលចិត្តធ្វើខ្លួនហឺហាសប្បាយចាយលុយឪពុកម្ដាយ មិនខ្វលពីទុក្ខលំបាករបស់លោកដែលខិតខំស្វែងរក។ ប៉ុន្តែប្រសិនបើយកមកបកស្រាយក្នុងអត្ថន័យទី២ សុភាសិតគឺមិនគួរលើកយកនិយាយឡើយ។ ព្រោះថា គ្រប់មនុស្សកើតមក គ្មានអ្នកណាម្នាក់មានពីកំណើតនោះទេ។ ចំណែកភាពមានបានគឺអាស្រ័យទៅលើការខិតខំប្រឹងប្រែង ត្រដរប្រឹងរកប្រឹងខំ។ យ៉ាងណាមិញជីវិតមហាសេដ្ឋី ក្នុងលោកគឺមិនមែនសុទ្ធតែកើតចេញពីត្រកូលមហាសេដ្ឋី ប៉ុន្តែកូនអ្នកក្រ អ្នកបម្រើគេក៏មាន។ ហេតុនេះហើយចង់ធ្វើជាមហាសេដ្ឋី គ្មានអ្វីដែលថាមិនប្រឹងប្រែង មិនតស៊ូ។ ចំណែកកូនអ្នកក្រដែលត្រដរចង់ធ្វើជាសេដ្ឋីក៏មិនខុសនោះដែរ។ តែអ្វីដែលសំខាន់ គឺការតស៊ូ និងត្រដរនោះ មានផែនការ និងការតាំងចិត្តខ្ពស់ មិនមែនគ្រាន់តែជាការស្រមើស្រមៃ។
ជារួមមក សុភាសិតដូនតាខ្មែរមួយនេះ ថ្វីដ្បិតថាល្អ ប៉ុន្តែវានឹងក្លាយជាអវិជ្ជមានភ្លាមប្រសិនបើអ្នកបកស្រាយ ធ្វើការបកស្រាយតែមួយផ្លូវ។ ហេតុនេះការបកស្រាយក៏ត្រូវពិចារណាច្រកដែលអត្ថន័យរបស់សុភាសិតនេះគួរមាន គួរបកស្រាយ ហើយធ្វើការបកស្រាយទៅតាមលម្អាន ដែលអាចធ្វើទៅបាន៕
តាមរយៈសុភាសិតមួយនេះ គេអាចមើលឃើញថា សុភាសិតនេះមានអត្ថន័យពីយ៉ាងដែលត្រូវបកស្រាយ។ ក្នុងអត្ថន័យទីមួយ សុភាសិតនេះដូនតា លោកចង់អប់រំកូនខ្មែរ យ៉ាងច្បាស់ ថា ប្រសិនបើខ្លួនកើតមកជាកូនអ្នកក្រ ស្ថិតក្នុងស្ថានភាពគ្រួសារក្រីក្រ មានព្រឹកខ្វះល្ងាច មានល្ងាចខ្វះព្រឹក ឬអាចនិយាយបានថា ជាបុគ្គលស្ថិតនៅក្នុងគ្រួសាមានទ្រព្យសម្បត្តិមធ្យមក្ដី គួរកុំនាំគ្នាត្រដរ បង្ហាញគេឯងហាក់បីដូចជាខ្លួនឯង គឺជាកូនអ្នកមាន មានលុយឡូយឆាយ នោះអី។ ត្រង់នេះ ដូនតាលោកបានគិត និងបានបង្កប់ការអប់រំ យ៉ាងមានអត្ថន័យ ដល់កូនចៅជំនាន់ក្រោយ ឲ្យចេះគិតពិចារណា ចេះប្រមាណខ្លួន ចេះ ស្គាល់ខ្លួនឯងឲ្យបានច្បាស់ មុននឹងធ្វើខ្លួនប្រៀបដូចសេដ្ឋី។
ចំណែកករណីមួយទៀត សុភាសិតនេះអាចមានន័យមួយផ្សេងទៀត ដែលជាចំណុចអវិជ្ជមាន គួរតែគិតពិចារណាផងដែរ។ ចំណុចនេះគឺនៅត្រង់ថា ក្នុងអត្ថន័យនៃសុភាសិតនេះ ហាក់មានបំណងបង្អាក់ឆន្ទៈមនុស្ស ឲ្យលះបង់ការតស៊ូ និងការខិតខំប្រឹងប្រែងទៅវិញ។ ជាក់ស្ដែងនៅពេលនិយាយថា «ខ្លួនជាអ្នកក្រ កុំត្រដរចង់ធ្វើសេដ្ឋី» ស្ដាប់ហើយ គឺក្នុងន័យប្រាប់ថា ប្រសិនបើអ្នកកើតនៅក្នុងត្រកូលអ្នកក្រ គ្រួសារក្រីក្រ កុំបាច់ត្រដរចង់ក្លាយជាសេដ្ឋី។ ព្រោះទោះបីខំប្រឹងបែបណាក៏មិនអាចទៅរួចបាននោះដែរ។
ក្នុងមូលហេតុនៃអត្ថន័យទាំងពីរខាងលើ គេអាចយកឃ្លាសុភាសិតនេះ មកនិយាយបានប្រសិនបើ អ្នកបកស្រាយយកអត្ថន័យទី១មកបកស្រាយដើម្បីអប់រំមនុស្ស។ ព្រោះថា វាគឺជាអត្ថន័យអប់រំដ៏ល្អមួយ សម្រាប់មនុស្សជំនាន់ថ្មី ដែលចូលចិត្តធ្វើខ្លួនហឺហាសប្បាយចាយលុយឪពុកម្ដាយ មិនខ្វលពីទុក្ខលំបាករបស់លោកដែលខិតខំស្វែងរក។ ប៉ុន្តែប្រសិនបើយកមកបកស្រាយក្នុងអត្ថន័យទី២ សុភាសិតគឺមិនគួរលើកយកនិយាយឡើយ។ ព្រោះថា គ្រប់មនុស្សកើតមក គ្មានអ្នកណាម្នាក់មានពីកំណើតនោះទេ។ ចំណែកភាពមានបានគឺអាស្រ័យទៅលើការខិតខំប្រឹងប្រែង ត្រដរប្រឹងរកប្រឹងខំ។ យ៉ាងណាមិញជីវិតមហាសេដ្ឋី ក្នុងលោកគឺមិនមែនសុទ្ធតែកើតចេញពីត្រកូលមហាសេដ្ឋី ប៉ុន្តែកូនអ្នកក្រ អ្នកបម្រើគេក៏មាន។ ហេតុនេះហើយចង់ធ្វើជាមហាសេដ្ឋី គ្មានអ្វីដែលថាមិនប្រឹងប្រែង មិនតស៊ូ។ ចំណែកកូនអ្នកក្រដែលត្រដរចង់ធ្វើជាសេដ្ឋីក៏មិនខុសនោះដែរ។ តែអ្វីដែលសំខាន់ គឺការតស៊ូ និងត្រដរនោះ មានផែនការ និងការតាំងចិត្តខ្ពស់ មិនមែនគ្រាន់តែជាការស្រមើស្រមៃ។
ជារួមមក សុភាសិតដូនតាខ្មែរមួយនេះ ថ្វីដ្បិតថាល្អ ប៉ុន្តែវានឹងក្លាយជាអវិជ្ជមានភ្លាមប្រសិនបើអ្នកបកស្រាយ ធ្វើការបកស្រាយតែមួយផ្លូវ។ ហេតុនេះការបកស្រាយក៏ត្រូវពិចារណាច្រកដែលអត្ថន័យរបស់សុភាសិតនេះគួរមាន គួរបកស្រាយ ហើយធ្វើការបកស្រាយទៅតាមលម្អាន ដែលអាចធ្វើទៅបាន៕
Tag:
សុភាសិតខ្មែរ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
