សេដ្ឋកិច្ច
អន្តរជាតិ
ធនាគារពិភពលោកសរសើរកម្ពុជាពីវិស័យដឹកជញ្ជូនល្អ និងការលើកដាក់ទំនិញរហ័ស
×![]()
ភ្នំពេញ៖ របាយការណ៍សន្ទស្សន៍វិស័យដឹកជញ្ជូន និងការលើកដាក់ទំនិញប្រចាំឆ្នាំ២០១៦ របស់ធនាគារពិភពលោកបានបង្ហាញថា កម្ពុជាស្ថិតនៅលំដាប់ទី៤ ក្នុងចំណោមប្រទេសចំណូលទាបដែលមានវិស័យដឹកជញ្ជូន និងការលើកដាក់ទំនិញប្រសើរជាងគេលើពិភពលោក។ ក្នុងចំណោមសមាជិកអាស៊ាន សន្ទស្សន៍ការដឹកជញ្ជូនកម្ពុជាស្ថិតនៅកម្រិតមួយប្រហាក់ប្រហែលហ្វីលីពីន និងព្រុយណេ ហើយនៅខ្ពស់ឆ្ងាយពីមីយ៉ាន់ម៉ា និងឡាវថែមទៀតផង។
វិស័យដឹកជញ្ជូន និងការលើកដាក់ទំនិញនៅកម្ពុជាមានការរីកចម្រើន និងកាន់តែប្រសើរឡើងជាបន្តបន្ទាប់ ហើយកម្ពុជាក៏ត្រូវបានគេចាត់ចំណាត់ថ្នាក់នៅលេខរៀងទី ៧៣ ក្នុងចំណោមប្រទេស ១៦៧ ទូទាំងពិភពលោក។ នេះបើយោងតាមបាយការណ៍ស្តីពីសន្ទស្សន៍វិស័យដឹកជញ្ជូន និងការលើកដាក់ទំនិញប្រចាំឆ្នាំ២០១៦ របស់ធនាគារពិភពលោក។
បើយោងរបាយការណ៍ដែលត្រូវបានចេញផ្សាយថ្ងៃ ២៨ មិថុនានេះ សន្ទស្សន៍នៃការដឹកជញ្ជូននិងការលើកដាក់ទំនិញរបស់កម្ពុជារំកិលឡើង ១០ លេខ បើប្រៀបធៀបជាមួយសន្ទស្សន៍ឆ្នាំ ២០១៤ ។ អ្វីដែលសំខាន់ កម្ពុជាក៏ស្ថិតក្នុងចំណោមប្រទេសចំណូលទាបចំនួន ១០ លើពិភពលោកដែលមានវិស័យដឹកជញ្ជូន និងលើកដាក់ទំនិញប្រសើរជាងគេថែមទៀតផង។
តាមពិតទៅ របាយការណ៍ធនាគារពិភពលោកនេះ ចង្អុលបង្ហាញពីការវិវត្តនៃការដឹកជញ្ជូននិងការនាំចេញ នាំចូលជារួមរបស់ប្រទេសនីមួយៗ។ ហើយវាត្រូវបានគេចងក្រង គណនា និងវាយតម្លៃដោយពឹងផ្អែកដោយសូចនាករចំនួន៦ ។ សូចនាករទាំងនោះរួមមាន៖ ការបង្កើនប្រសិទ្ធភាពនៃការគ្រប់គ្រងពន្ធគយ និងត្រួតពិនិត្យនិងឆែកឆេរទំនិញតាមព្រំដែន, គុណភាពនៃពាណិជ្ជកម្ម និងហេដ្ឋារចនាសម្ព័ន្ធសម្រាប់ការដឹកជញ្ជូន, ភាពងាយស្រួលក្នុងការរៀបចំការប្រកួតប្រជែងតម្លៃការដឹកជញ្ជូន, គុណភាពនិងសមត្ថភាពនៃសេវាដឹកជញ្ជូន, សមត្ថភាពក្នុងការតាមដានការចែកចាយទំនិញ, និងការដឹកនាជញ្ជូននិងចែកចាយទំនិញទៅដល់គោលដៅបានទាន់ពេលវេលាផង។
ដូច្នេះមានន័យថា ការកើនឡើងនៃសន្ទស្សន៍នេះ បង្ហាញថា គុណភាពនៃការដឹកជញ្ជូន និងការលើកដាក់ទំនិញរបស់កម្ពុជាកាន់តែប្រសើរឡើង ហើយវាក៏ជួយលើកស្ទួយការដឹកជញ្ជូនផលិតផលសម្រាប់ការនាំចេញ និងការផ្គត់ផ្គង់ទំនិញនៅក្នុងតំបន់និងទីផ្សារពិភពលោក។
ត្រលប់មកវិញ ក្នុងចំណោមប្រទេសមានចំណូលទាបចំនួន ១០ ដែលមានសេវាដឹកជញ្ជូន និង ការលើកដាក់ទំនិញប្រសើរជាងគេលើពិភលោក កម្ពុជាស្ថិតលំដាប់លេខរៀងទី៤ ។ ក្រៅពីនេះ ប្រទេស អ៊ូហ្កង់ដា ស្ថិតនៅលេខរៀងទី ១, តង់ហ្សានី នៅលេខរៀងទី ២, រវ៉ាន់ដា ស្ថិតនៅលេខរៀងទី៣, ប៊ួគីណាហ្វាសូ លេខរៀងទី៥, មូសំប៊ិក លេខរៀងទី៦លល, តូហ្គោ នៅលេខរៀងទី ៧, កូម័រ លេខរៀងទី៨, នីហ្សេលេខរៀងទី៩ និងប៊ូរុនឌី លេខរៀងទី១០ ។
បើប្រៀបធៀបជាមួយសមាជិកអាស៊ានវិញនោះ សន្ទស្សន៍កម្ពុជាស្ថិតនៅខ្ពស់ជាងប្រទេសឡាវ និងមីយ៉ាន់ម៉ា ហើយស្ថិតនៅកម្រិតប្រហាក់ប្រហែលជាមួយឬក្រោមប្រទេសហ្វីលីពីន និងព្រុយណេបន្តិចបន្តួចប៉ុណ្ណោះ ។ យោងតាមរបាយការណ៍ខាងលើ ខណៈដែលកម្ពុជាសិ្ថតនៅលេខរៀងទី ៧៣ ហ្វីលីពីនស្ថិតនៅលេខរៀងទី ៧១ ហើយប្រ៊ុយណេ លេខរៀងទី ៧០ ។ ចំណែក ប្រទេសដែលមានសន្ទស្សន៍ប្រសើរជាងកម្ពុជានោះ មាន សិង្ហបុរីមានលេខរៀងទី ៥,ម៉ាឡេស៊ី ៣២, ថៃ លេខរៀង ៤៥, ឥណ្ឌូនេស៊ីលេខរៀង ៦៣, និងវៀតណាម ស្ថិតនៅលេខ ៦៤។ ចំណែកមីយ៉ាន់ម៉ា និងឡាវ ស្ថិតនៅលេខរៀងទាបជាងកម្ពុជាឆ្ងាយពោលគឺ មីយ៉ាន់ម៉ាស្ថិតនៅលេខរៀងទី ១១៣ ខណៈដែលឡាវ ស្ថិតនៅលេខរៀង ១៥២ ។
ជារួម អ្វីដែលគួរឲ្យចាប់អារម្មណ៍នោះ សន្ទស្សន៍នៃការដឹកជញ្ជូន និងការលើកដាក់ទំនិញរបស់កម្ពុជាស្ថិតនៅកម្រិតមួយខ្ពស់ឆ្ងាយពី ប្រទេសមីយ៉ាន់ម៉ា ដែលត្រូវបានគេចាត់ទុកជាគូប្រជែងរបស់កម្ពុជាក្នុងទីផ្សារផលិតផលកាត់ដេរនាពេលអនាគត។ ហើយសន្ទស្សន៍កម្ពុជានាឆ្នាំ ២០១៦នេះ ក៏ស្ថិតនៅខ្ពស់ឆ្ងាយពីបង់ក្លាដែសដែលជាគូប្រជែងដ៏ធំមួយរបស់កម្ពុជាក្នុងវិស័យកាត់ដេរថែមទៀតផង៕
វិស័យដឹកជញ្ជូន និងការលើកដាក់ទំនិញនៅកម្ពុជាមានការរីកចម្រើន និងកាន់តែប្រសើរឡើងជាបន្តបន្ទាប់ ហើយកម្ពុជាក៏ត្រូវបានគេចាត់ចំណាត់ថ្នាក់នៅលេខរៀងទី ៧៣ ក្នុងចំណោមប្រទេស ១៦៧ ទូទាំងពិភពលោក។ នេះបើយោងតាមបាយការណ៍ស្តីពីសន្ទស្សន៍វិស័យដឹកជញ្ជូន និងការលើកដាក់ទំនិញប្រចាំឆ្នាំ២០១៦ របស់ធនាគារពិភពលោក។
បើយោងរបាយការណ៍ដែលត្រូវបានចេញផ្សាយថ្ងៃ ២៨ មិថុនានេះ សន្ទស្សន៍នៃការដឹកជញ្ជូននិងការលើកដាក់ទំនិញរបស់កម្ពុជារំកិលឡើង ១០ លេខ បើប្រៀបធៀបជាមួយសន្ទស្សន៍ឆ្នាំ ២០១៤ ។ អ្វីដែលសំខាន់ កម្ពុជាក៏ស្ថិតក្នុងចំណោមប្រទេសចំណូលទាបចំនួន ១០ លើពិភពលោកដែលមានវិស័យដឹកជញ្ជូន និងលើកដាក់ទំនិញប្រសើរជាងគេថែមទៀតផង។
តាមពិតទៅ របាយការណ៍ធនាគារពិភពលោកនេះ ចង្អុលបង្ហាញពីការវិវត្តនៃការដឹកជញ្ជូននិងការនាំចេញ នាំចូលជារួមរបស់ប្រទេសនីមួយៗ។ ហើយវាត្រូវបានគេចងក្រង គណនា និងវាយតម្លៃដោយពឹងផ្អែកដោយសូចនាករចំនួន៦ ។ សូចនាករទាំងនោះរួមមាន៖ ការបង្កើនប្រសិទ្ធភាពនៃការគ្រប់គ្រងពន្ធគយ និងត្រួតពិនិត្យនិងឆែកឆេរទំនិញតាមព្រំដែន, គុណភាពនៃពាណិជ្ជកម្ម និងហេដ្ឋារចនាសម្ព័ន្ធសម្រាប់ការដឹកជញ្ជូន, ភាពងាយស្រួលក្នុងការរៀបចំការប្រកួតប្រជែងតម្លៃការដឹកជញ្ជូន, គុណភាពនិងសមត្ថភាពនៃសេវាដឹកជញ្ជូន, សមត្ថភាពក្នុងការតាមដានការចែកចាយទំនិញ, និងការដឹកនាជញ្ជូននិងចែកចាយទំនិញទៅដល់គោលដៅបានទាន់ពេលវេលាផង។
ដូច្នេះមានន័យថា ការកើនឡើងនៃសន្ទស្សន៍នេះ បង្ហាញថា គុណភាពនៃការដឹកជញ្ជូន និងការលើកដាក់ទំនិញរបស់កម្ពុជាកាន់តែប្រសើរឡើង ហើយវាក៏ជួយលើកស្ទួយការដឹកជញ្ជូនផលិតផលសម្រាប់ការនាំចេញ និងការផ្គត់ផ្គង់ទំនិញនៅក្នុងតំបន់និងទីផ្សារពិភពលោក។
ត្រលប់មកវិញ ក្នុងចំណោមប្រទេសមានចំណូលទាបចំនួន ១០ ដែលមានសេវាដឹកជញ្ជូន និង ការលើកដាក់ទំនិញប្រសើរជាងគេលើពិភលោក កម្ពុជាស្ថិតលំដាប់លេខរៀងទី៤ ។ ក្រៅពីនេះ ប្រទេស អ៊ូហ្កង់ដា ស្ថិតនៅលេខរៀងទី ១, តង់ហ្សានី នៅលេខរៀងទី ២, រវ៉ាន់ដា ស្ថិតនៅលេខរៀងទី៣, ប៊ួគីណាហ្វាសូ លេខរៀងទី៥, មូសំប៊ិក លេខរៀងទី៦លល, តូហ្គោ នៅលេខរៀងទី ៧, កូម័រ លេខរៀងទី៨, នីហ្សេលេខរៀងទី៩ និងប៊ូរុនឌី លេខរៀងទី១០ ។
បើប្រៀបធៀបជាមួយសមាជិកអាស៊ានវិញនោះ សន្ទស្សន៍កម្ពុជាស្ថិតនៅខ្ពស់ជាងប្រទេសឡាវ និងមីយ៉ាន់ម៉ា ហើយស្ថិតនៅកម្រិតប្រហាក់ប្រហែលជាមួយឬក្រោមប្រទេសហ្វីលីពីន និងព្រុយណេបន្តិចបន្តួចប៉ុណ្ណោះ ។ យោងតាមរបាយការណ៍ខាងលើ ខណៈដែលកម្ពុជាសិ្ថតនៅលេខរៀងទី ៧៣ ហ្វីលីពីនស្ថិតនៅលេខរៀងទី ៧១ ហើយប្រ៊ុយណេ លេខរៀងទី ៧០ ។ ចំណែក ប្រទេសដែលមានសន្ទស្សន៍ប្រសើរជាងកម្ពុជានោះ មាន សិង្ហបុរីមានលេខរៀងទី ៥,ម៉ាឡេស៊ី ៣២, ថៃ លេខរៀង ៤៥, ឥណ្ឌូនេស៊ីលេខរៀង ៦៣, និងវៀតណាម ស្ថិតនៅលេខ ៦៤។ ចំណែកមីយ៉ាន់ម៉ា និងឡាវ ស្ថិតនៅលេខរៀងទាបជាងកម្ពុជាឆ្ងាយពោលគឺ មីយ៉ាន់ម៉ាស្ថិតនៅលេខរៀងទី ១១៣ ខណៈដែលឡាវ ស្ថិតនៅលេខរៀង ១៥២ ។
ជារួម អ្វីដែលគួរឲ្យចាប់អារម្មណ៍នោះ សន្ទស្សន៍នៃការដឹកជញ្ជូន និងការលើកដាក់ទំនិញរបស់កម្ពុជាស្ថិតនៅកម្រិតមួយខ្ពស់ឆ្ងាយពី ប្រទេសមីយ៉ាន់ម៉ា ដែលត្រូវបានគេចាត់ទុកជាគូប្រជែងរបស់កម្ពុជាក្នុងទីផ្សារផលិតផលកាត់ដេរនាពេលអនាគត។ ហើយសន្ទស្សន៍កម្ពុជានាឆ្នាំ ២០១៦នេះ ក៏ស្ថិតនៅខ្ពស់ឆ្ងាយពីបង់ក្លាដែសដែលជាគូប្រជែងដ៏ធំមួយរបស់កម្ពុជាក្នុងវិស័យកាត់ដេរថែមទៀតផង៕
Tag:
ធនាគារពិភពលោក
© រក្សាសិទ្ធិដោយ thmeythmey.com
