បទយកការណ៍ / បទសម្ភាសន៍
សេដ្ឋកិច្ច
ទេសចរបរទេសនឹងមាន App បង្ហាញតំបន់ទេសចរណ៍ខ្មែរប្រើប្រាស់នៅពេលឆាប់ៗខាងមុខ
×
ភ្នំពេញ៖ ភ្ញៀវទេសចរបរទេសដែលមកដល់កម្ពុជា ហើយមានស្មាតហ្វូនប្រើប្រាស់ នឹងអាចទាញយក App ដែលបង្ហាញតំបន់ទេសចរណ៍នានានៅក្នុងប្រទេសកម្ពុជាមកប្រើប្រាស់បានដោយងាយ។
ផលិតផលទេសចរណ៍ថ្មីនេះ ផ្តួចផ្តើមដោយក្រសួងទេសចរណ៍ ហើយនឹងត្រូវដាក់ឲ្យដំណើរការនាពេលឆាប់ៗខាងមុខនេះជាពីរភាសា គឺភាសាអង់គ្លេស និងភាសាចិន។ លោក ថោង ខុន រដ្ឋមន្ត្រីក្រសួងទេសចរណ៍ បានថ្លែងប្រាប់ថា Digital App នឹងជួយសម្រួលឲ្យទេសចរណ៍បរទេសអាចធ្វើដំណើរកម្សាន្តបានដោយខ្លួនឯងដោយគ្រាន់តែមានស្មាតហ្វូនមួយប៉ុណ្ណោះ។
មូលហេតុដែលមានភាសាចិន ត្រូវបានលោករដ្ឋមន្ត្រីពន្យល់ថា ចិន គឺជាទីផ្សារទេសចរណ៍ដ៏ធំរបស់ពិភពលោក។ ទេសចរជនជាតិចិនប្រមាណជា១៣លាននាក់មកទស្សនាតំបន់អាស៊ានជារៀងរាល់ឆ្នាំ ក្នុងនោះ ប្រទេសថៃទាញបានជិត៥លាននាក់ ម៉ាឡេស៊ីជាង៣លាននាក់ រីកម្ពុជាទទួលាបានភ្ញៀវចិនតែ៧០ម៉ឺននាក់។ ទិសដៅរបស់ក្រសួងទេសចរណ៍ គឺត្រូវចាប់យកទេសចរជនជាតិចិនឲ្យបានជិត១លាននាក់នៅឆ្នាំ២០១៦នេះ ហើយ២លាននាក់នៅឆ្នាំ២០២០ខាងមុខ។
សូមអញ្ជើញស្តាប់បទសម្ភាសន៍ខ្លីរវាងលោក គី សុខលីម អគ្គនាយកសារព័ត៌មានថ្មីៗ និងលោក ថោង ខុន រដ្ឋមន្ត្រីក្រសួងទេសចរណ៍ដូចតទៅ៖
© រក្សាសិទ្ធិដោយ thmeythmey.com