ជាតិ
សេដ្ឋកិច្ច
×![]()
ភ្នំពេញ៖ រដ្ឋាភិបាល សម្រេចបញ្ចេញកញ្ចប់ថវិកា ២០ ទៅ៣០លានដុល្លារ និងចាត់វិធានការរឹតបន្តឹងការនាំអង្ករចូល ដើម្បីសង្គ្រោះវិស័យមួយនេះ។
ថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុដឹកនាំដោយលោក អូន ព័ន្ធមុនីរ័ត្ន បានជួបប្រជុំជាមួយសហព័ន្ធស្រូវអង្ករកម្ពុជា (CRF) នៅថ្ងៃទី២៧ខែមិថុនា ដើម្បីដោះស្រាយលើបញ្ហាឧស្សាហកម្មស្រូវអង្ករ។
យោងតាមសេចក្តីប្រកាសនៅលើទំព័រហ្វេសប៊ុករបស់ CRF ក្រសួងសេដ្ឋកិច្ច សម្រេចផ្តល់កញ្ចប់ថវិកា ២០ ទៅ ៣០លានដុល្លារដល់វិស័យឯកជនក្នុងឧស្សាហកម្មស្រូវអង្ករ សម្រាប់រដូវប្រមូលផលឆ្នាំនេះ។ សេចក្តីប្រកាសបញ្ជាក់ថា CRF នឹងធ្វើផែនការលម្អិតអំពីនីតិវិធីកម្ចី ដើម្បីធានាការសងត្រឡប់ថវិកាទាំងនោះដល់រដ្ឋវិញ។
ជាមួយគ្នានេះ ក្រសួងសេដ្ឋកិច្ច ក៏បានចេញវិធានការតម្រូវឲ្យនាំចូលតែអង្ករមានតម្លៃចាប់ពី ៣០០ដុល្លារ ដល់ ៦០០ដុល្លារក្នុង១តោន។ នេះបើតាមសេចក្តីប្រកាសរបស់ CRF ។
លោក មូល សារិទ្ធ អគ្គលេខាធិការ CRF ថ្លែងប្រាប់សារព័ត៌មានថ្មីៗ ថា ចំណាត់ការរបស់ក្រសួងសេដ្ឋកិច្ចនៅពេលនេះ នឹងជួយបានច្រើនដល់វិស័យស្រូវអង្កររបស់កម្ពុជា។ លោកមានប្រសាសន៍ដូច្នេះថា៖«បើកំណត់ឲ្យនាំតែអង្ករចូលមានតម្លៃអប្បបរមាចាប់ពី ៣០០រយដុល្លារក្នុង១តោន បូករួមការយកពន្ធ ១៧ភាគរយ ហើយត្រូវចំណាយថ្លៃដឹកជញ្ជូនទៀត នោះអង្ករនាំចូលមានតម្លៃប្រហាក់ប្រហែលអង្ករក្នុងស្រុកហើយ។ យើងអាចប្រកួតប្រជែងជាមួយអង្ករនាំចូលបាន»។
បើតាមលោក សារិទ្ធ អង្ករនាំចូលពីប្រទេសវៀតណាមក្នុងពេលកន្លងទៅ មានតម្លៃចាប់ពី ២០០រយដុល្លា ទៅ ៣០០ដុល្លារក្នុង១តោន ដែលទាបជាងតម្លៃអង្ករក្នុងស្រុក។
អគ្គលេខាធិការ CRF រូបនេះ ឲ្យដឹងទៀតថា កញ្ចប់ថវិកាពី ២០លានដុល្លារ ទៅ៣០លានដុល្លារនេះ នឹងជួយដល់រោងម៉ាស៊ីនកិនស្រូវក្នុងការប្រមូលទិញស្រូវពីកសិករបានប្រមាណជា ១០ម៉ឺនតោនបន្ថែមទៀត ដែលនឹងជួយបង្កើនទំហំនាំចេញអង្ករទៅក្រៅប្រទេស។
ដើម្បីគ្រប់គ្រងការនាំអង្ករចូល និងធានាគុណភាពអង្ករ CRF ក៏បានស្នើដល់ក្រសួងពាណិជ្ជកម្ម អំពីការតម្រូវឲ្យដាក់ស្លាកពាណិជ្ជសញ្ញាលើការុងវេចខ្ចប់អង្ករ មុននឹងអញ្ញាតឲ្យនាំចូល។ នេះបើតាមលោក មូល សារិទ្ធ។
កាលពីខែមីនាកន្លងទៅ CRF ធ្លាប់ស្នើដល់រដ្ឋាភិបាលឲ្យចាត់វិធានការបន្ទាន់ ដើម្បីដោះស្រាយបញ្ហាចម្បងចំនួនពីរក្នុងឧស្សាហកម្មស្រូវអង្ករក្នុងស្រុក គឺបញ្ហាកង្វះថវិការបស់ម្ចាស់រោងម៉ាស៊ីនកិនស្រូវក្នុងការប្រមូលទិញស្រូវ រហូតដល់ដំណើរការនាំចេញ។ និងបញ្ហាមួយទៀត គឺការហូរចូលអង្ករពីប្រទេសជិតខាង៕
ថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុដឹកនាំដោយលោក អូន ព័ន្ធមុនីរ័ត្ន បានជួបប្រជុំជាមួយសហព័ន្ធស្រូវអង្ករកម្ពុជា (CRF) នៅថ្ងៃទី២៧ខែមិថុនា ដើម្បីដោះស្រាយលើបញ្ហាឧស្សាហកម្មស្រូវអង្ករ។
យោងតាមសេចក្តីប្រកាសនៅលើទំព័រហ្វេសប៊ុករបស់ CRF ក្រសួងសេដ្ឋកិច្ច សម្រេចផ្តល់កញ្ចប់ថវិកា ២០ ទៅ ៣០លានដុល្លារដល់វិស័យឯកជនក្នុងឧស្សាហកម្មស្រូវអង្ករ សម្រាប់រដូវប្រមូលផលឆ្នាំនេះ។ សេចក្តីប្រកាសបញ្ជាក់ថា CRF នឹងធ្វើផែនការលម្អិតអំពីនីតិវិធីកម្ចី ដើម្បីធានាការសងត្រឡប់ថវិកាទាំងនោះដល់រដ្ឋវិញ។
ជាមួយគ្នានេះ ក្រសួងសេដ្ឋកិច្ច ក៏បានចេញវិធានការតម្រូវឲ្យនាំចូលតែអង្ករមានតម្លៃចាប់ពី ៣០០ដុល្លារ ដល់ ៦០០ដុល្លារក្នុង១តោន។ នេះបើតាមសេចក្តីប្រកាសរបស់ CRF ។
លោក មូល សារិទ្ធ អគ្គលេខាធិការ CRF ថ្លែងប្រាប់សារព័ត៌មានថ្មីៗ ថា ចំណាត់ការរបស់ក្រសួងសេដ្ឋកិច្ចនៅពេលនេះ នឹងជួយបានច្រើនដល់វិស័យស្រូវអង្កររបស់កម្ពុជា។ លោកមានប្រសាសន៍ដូច្នេះថា៖«បើកំណត់ឲ្យនាំតែអង្ករចូលមានតម្លៃអប្បបរមាចាប់ពី ៣០០រយដុល្លារក្នុង១តោន បូករួមការយកពន្ធ ១៧ភាគរយ ហើយត្រូវចំណាយថ្លៃដឹកជញ្ជូនទៀត នោះអង្ករនាំចូលមានតម្លៃប្រហាក់ប្រហែលអង្ករក្នុងស្រុកហើយ។ យើងអាចប្រកួតប្រជែងជាមួយអង្ករនាំចូលបាន»។
បើតាមលោក សារិទ្ធ អង្ករនាំចូលពីប្រទេសវៀតណាមក្នុងពេលកន្លងទៅ មានតម្លៃចាប់ពី ២០០រយដុល្លា ទៅ ៣០០ដុល្លារក្នុង១តោន ដែលទាបជាងតម្លៃអង្ករក្នុងស្រុក។
អគ្គលេខាធិការ CRF រូបនេះ ឲ្យដឹងទៀតថា កញ្ចប់ថវិកាពី ២០លានដុល្លារ ទៅ៣០លានដុល្លារនេះ នឹងជួយដល់រោងម៉ាស៊ីនកិនស្រូវក្នុងការប្រមូលទិញស្រូវពីកសិករបានប្រមាណជា ១០ម៉ឺនតោនបន្ថែមទៀត ដែលនឹងជួយបង្កើនទំហំនាំចេញអង្ករទៅក្រៅប្រទេស។
ដើម្បីគ្រប់គ្រងការនាំអង្ករចូល និងធានាគុណភាពអង្ករ CRF ក៏បានស្នើដល់ក្រសួងពាណិជ្ជកម្ម អំពីការតម្រូវឲ្យដាក់ស្លាកពាណិជ្ជសញ្ញាលើការុងវេចខ្ចប់អង្ករ មុននឹងអញ្ញាតឲ្យនាំចូល។ នេះបើតាមលោក មូល សារិទ្ធ។
កាលពីខែមីនាកន្លងទៅ CRF ធ្លាប់ស្នើដល់រដ្ឋាភិបាលឲ្យចាត់វិធានការបន្ទាន់ ដើម្បីដោះស្រាយបញ្ហាចម្បងចំនួនពីរក្នុងឧស្សាហកម្មស្រូវអង្ករក្នុងស្រុក គឺបញ្ហាកង្វះថវិការបស់ម្ចាស់រោងម៉ាស៊ីនកិនស្រូវក្នុងការប្រមូលទិញស្រូវ រហូតដល់ដំណើរការនាំចេញ។ និងបញ្ហាមួយទៀត គឺការហូរចូលអង្ករពីប្រទេសជិតខាង៕
Tag:
ស្រូវអង្ករ
មូល សារិទ្ធិ
© រក្សាសិទ្ធិដោយ thmeythmey.com
