កីឡាជាតិ
ជាតិ
ព្រះខ័នរាជស្វាយរៀងឡើងទៅវគ្គផ្តាច់ព្រ័ត្រ ក្រោយឈ្នះភ្នំពេញក្រោនដោយបាល់ប៉េណាល់ទី ៣-២ អ្នកចាំទីព្រះខ័នរាជ អោម ឧត្តម រារាំងការស៊ុតពីរគ្រាប់ដំបូងរបស់ភ្នំពេញក្រោន
× ព្រះខ័នរាជស្វាយរៀង បានឈានទៅដល់វគ្គផ្តាច់ព្រ័ត្រនៃពានរង្វាន់សម្តេច ហ៊ុន សែន បន្ទាប់ពីពួកគេបានឈ្នះភ្នំពេញក្រោន ៣-២ លើការទាត់បាល់ប៉េណាល់ទីសម្រេចក្តី ក្រោយការប្រកួត១២០នាទី បញ្ចប់ក្នុងលទ្ធផលស្មើ ០-០ នាការប្រកួតនៅពហុកីឡដ្ឋានជាតិ។
អ្នកចាំទី អោម ឧត្តម បានក្លាយជាកីឡាករឆ្នើមសម្រាប់ការប្រកួតដោយរូបគេបានរារាំងការស៊ុតពីរគ្រាប់ដំបូងរបស់ភ្នំពេញក្រោន ដែលជាការទាត់របស់ កុក បូរីស និងអូន ច័ន្ទប៉ូលីន មុនពេល ប៊ិន ធារី ទាត់បាល់ហើរលើរបាទី។ ក្នុងចំណោមការទាត់៤គ្រាប់របស់ព្រះខ័នរាជ អ្នកចាំទី កែវ សុខសីលា សង្គ្រោះបានតែមួយគ្រាប់ ដែលជាការទាត់របស់ ហួយ ផល្លីន។
ព្រះខ័នរាជស្វាយរៀងឡើងទៅចាំនៅវគ្គផ្តាច់ព្រ័ត្រ ខណៈភ្នំពេញក្រោនត្រៀមដណ្តើមយកចំណាត់ថ្នាក់លេខ៣៕
Tag:
បាល់ទាត់
Hun Sen Cup
© រក្សាសិទ្ធិដោយ thmeythmey.com