លោក នូច ប៊ុនធឿន ប្រធានមណ្ឌលសុខភាពអណ្តូងទឹក បានទទួលស្គាល់ថា ការចាក់ថ្នាំបង្ការនេះ ពិតជាជួបបញ្ហាខ្វះខាតថ្នាំបង្ការ​ម្តងម្កាលពិតមែន ព្រោះតែការដាច់ស្តុកវ៉ាក់សាំងបង្ការ​ម្តងម្កាល និងក្នុងរយៈពេលខ្លី។

ទោះបីជាយ៉ាងនេះក្តី ក៏មណ្ឌលសុខភាពអណ្តូងទឹក នៅតែខិតខំផ្តល់សេវានេះឱ្យទៀងទាត់ដល់ទារក និងកុមារ ដោយសារជូនដំណឹងពលរដ្ឋឱ្យមកម្តងទៀតពេលវ៉ាក់សាំងនោះត្រូវបានបញ្ជូនមកដល់មណ្ឌលសុខភាព​។ ទន្ទឹមនឹងនេះ លោកប្រធានមណ្ឌលសុខភាពអណ្តូង ក៏សំណូមពរដល់ឪពុកម្តាយ ឬអាណាព្យាបាល នាំទារក និង​កុមារទៅចាក់វ៉ាក់សាំងបង្ការឱ្យបានទៀងទាត់តាមការណាត់របស់គ្រូពេទ្យ ដើម្បីធានាប្រសិទ្ធភាពបង្ការជំងឺដល់ទារក​ និងកុមារ។