បើតាមសេចក្ដីជូនដំណឹងរបស់រដ្ឋបាលរាជធានីភ្នំពេញ ក្រុមហ៊ុនប្រមូលសំរាមទាំង៣ នឹង ប្រមូលសំរាម នៅតាមផ្ទះរបស់ពលរដ្ឋមិនបានពេញលេញដូចថ្ងៃធម្មតា ចាប់ពី១៤ ដល់ថ្ងៃ១៦ ខែមេសា ។ ដូចនេះ ពលរដ្ឋ ត្រូវវេចខ្ចប់ និងទុកដាក់សំរាមឱ្យបានត្រឹមត្រូវ ដើម្បីជួយសម្រួលការងារ និងផ្ដល់ភាពងាយស្រួល ដល់បុគ្គលិកប្រមូលសំរាម អំឡុងពិធីបុណ្យចូលឆ្នាំខ្មែរ។

 

 «បងប្អូនពលរដ្ឋដែលមានទីតាំងនៅរាជធានីភ្នំពេញទាំងអស់ សូមមេត្តាយោគយល់ និងអធ្យាស្រ័យ កុំបញ្ចេញសំរាមដាក់នៅតាមផ្លូវសាធារណៈក្នុងអំឡុងពេលដែលការផ្ដល់សេវាមិនបានពេញលេញនេះ  ដោយសូមរក្សាទុកដាក់សំរាមឱ្យបានត្រឹមត្រូវនៅក្នុងទីតាំងរៀងៗខ្លួនជាបណ្ដោះអសន្នសិន»។ នេះជាការស្នើ របស់រដ្ឋបាលរាជធានីភ្នំពេញ ដែលសង្ឃឹមថា ពលរដ្ឋទាំងអស់នឹងចូលរួម ថែរក្សាអនាម័យបរិស្ថាននៅភ្នំពេញឱ្យបានល្អប្រសើរ៕