ការប្រកួតបានប្រព្រឹត្តទៅកាលពីថ្ងៃសៅរ៍ ប៉ុន្តែត្រូវរង់ចាំការប្រកាសជាផ្លូវការនៅថ្ងៃអាទិត្យនេះ ដោយសារតែមានការតវ៉ាពីបណ្តាផ្សេងទៀតចំពោះលទ្ធផលរបស់ខ្លួន។ ទោះបីជាយ៉ាងណា កម្ពុជានៅតែរក្សាការទទួលបានមេដាយសំរឹទ្ធរបស់ខ្លួន។

 

ក្រុមកម្ពុជាដែលមានកីឡាករ លឹម សុខវឌ្ឍន៍នន្ទ, ទួន ទិត្យសត្យា, លឹម កែវឧត្តម, និងឆោម ច័ន្ទថន សម្រេចបានឋិរវេលា ០០:០៧:១៩.៩៧០ ដោយទទួលបានមេដាយសំរឹទ្ធ ខណៈម្ចាស់ផ្ទះវៀតណាម ទទួលបានមេដាយមាសជាមួយនឹងឋិរវេលា ០០:០៥:៥៥.៣០០ ខណៈឥណ្ឌូណេស៊ី សម្រេចបាន ០០:០៦:០៣.៣០០ ដើម្បីទទួលបានមេដាយប្រាក់។ លទ្ធផលរបស់ក្រុមថៃ មិនត្រូវបានបង្ហាញឡើយ។

 

យោងតាម BTV លោកហែម គីរី អគ្គលេខាធិការសហព័ន្ធខ្មែរកីឡាហែលទឹក ការទទួលបានមេដាយសំរឹទ្ធដំបូងពីកីឡាហែលទឹកពាក់ជើងទារបស់កម្ពុជាមិនប្រែប្រួលឡើយ ដោយពិធីប្រគល់មេដាយនឹងធ្វើឡើងនៅល្ងាចថ្ងៃអាទិត្យនេះ៕