«ក្បួនដង្ហែតាមរថយន្ត នឹងចាកចេញពីព្រលានយន្តហោះអន្តរជាតិភ្នំពេញ តាមផ្លូវសហព័ន្ធរុស្ស៊ី បត់តាមផ្លូវនរោត្តម ត្រង់មន្ទីរពេទ្យព្រះអង្គឌួង ឆ្ពោះទៅវិមានឯករាជ្យ ព័ទ្ធជុំវិញសួនវិមានឯករាជ្យខាងកើត ត្រឡប់មកផ្លូវព្រះសុរាម្រិតដល់ផ្លូវព្រះសីហនុ រួចបត់ចូលគណៈកម្មាធិការជាតិអូឡាំពិក»។ នេះបើតាមការកម្មវិធីព្រៀងទុករបស់ NOCC។

 

សម្តេចឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ (SEA Games) លើកទី៣២ ឆ្នាំ២០២៣ (CAMSOC) នឹងចូលរួមពិធីបិទព្រឹត្តិការណ៍កីឡាស៊ីហ្គេមលើកទី៣១ នៅក្រុងហាណូយ ប្រទេសវៀតណាម នាថ្ងៃទី២៣ ខែឧសភានេះ ហើយសម្តេចក៏នឹងទទួលទង់សហព័ន្ធកីឡាអាស៊ីអាគ្នេយ៍ ដែលជាតំណាងម្ចាស់ផ្ទះនៃការរៀបចំព្រឹត្តិការណ៍កីឡាស៊ីហ្គេមលើកទី៣២នៅភ្នំពេញ នាឆ្នាំ២០២៣។

 

ទាក់ទងនឹងក្បួនដង្ហែទង់ និងជ័យលាភីមេដាយស៊ីហ្គេម NOCC អំពាវនាវដល់ពលរដ្ឋផ្តល់ការគាំទ្រ និងចូលរួមអបអរសាទរ ជាពិសេសលើកទឹកចិត្តដល់កីឡាករ កីឡាការិនីជ័យលាភីមេដាយមាស ប្រាក់ សំរឹទ្ធ ឲ្យបានច្រើនកុះករតាមដងផ្លូវ។

 

កម្ពុជាទទួលបានមេដាយសរុប៦៣ (មាស៩ ប្រាក់១៣ និងសំរឹទ្ធ៤១)។ នេះជាចំនួនដែលកម្ពុជាទទួលបានច្រើនបំផុតបើគិតចាប់តាំងពីការចូលរួមប្រកួតប្រជែងស៊ីហ្គេមលើកដំបូងនៅឆ្នាំ១៩៦១។ កម្ពុជាមិនបានចូលរួមទៀងទាត់ឡើយ ដោយសារតែសង្គ្រាម ហើយទើបចាប់ផ្តើមប្រឡូកវិញចាប់ពីឆ្នាំ១៩៩៥។ កំណត់ត្រាមេដាយដែលច្រើនបំផុតកន្លងមករបស់កម្ពុជាគឺនៅឆ្នាំ១៩៧១ ដោយបានឈ្នះមេដាយសរុបចំនួន៥៣ (មាស១៧ ប្រាក់១៨ សំរឹទ្ធ១៨)។

-វ៉ូវីណាម៣, ប៉េតង់២, ឃីកបុកស៊ីង១, តេក្វាន់ដូ WT១, ចំបាប់១ និងគុនខ្មែរ១។

មេដាយប្រាក់១៣ពី៧ប្រភេទកីឡា

-ឃីកបុកស៊ីង៣, កាយសម្ព័ន្ធ៣, ប៉េតង់២, វ៉ូវីណាម២, តេក្វាន់ដូ WT ១, ចំបាប់១, ប្រដាល់សកល១។

មេដាយសំរឹទ្ធ៤១ពី១៥ប្រភេទកីឡា 

-វ៉ូវីណាម៩, គុនខ្មែរ៦, ចំបាប់៤, វូស៊ូ៣, តេក្វាន់ដូ WT ៣, ការ៉ាតេ៣, ប្រដាល់សកល៣, ប៉េតង់៣, ឃីកបុកស៊ីង១, ទូករ៉ូអ៊ីង១, ជឺជីតស៊ូ១, យូដូ១, កាយសម្ព័ន្ធ១, បាល់ទះ១, ហែលទឹកជើងទា១៕