កីឡាជាតិ
ជាតិ
អត្តពលិក១១នាក់ពីប្រភេទកីឡាវ៉ូវីណាម និងកាយសម្ព័ន្ធ ឈ្នះមេដាយលើសពីមួយ
× កម្ពុជាទទួលបានមេដាយសរុប៦៣ ក្នុងនោះមាស៩ ប្រាក់១៣ សំរឹទ្ធ៤១ពីព្រឹត្តិការណ៍កីឡាស៊ីហ្គេមលើកទី៣១នៅវៀតណាម។ ក្នុងចំណោម១៦ប្រភទកីឡាដែលទទួលបានមេដាយ កីឡាវ៉ូវីណាម និងកាយសម្ព័ន្ធអាអេរ៉ូប៊ិក មានអត្តពលិកសរុប១១នាក់ បានមេដាយស្ទួន ដោយខ្លះបានក្នុងការប្រកួតជាឯកត្តជន និងជាក្រុម។
កីឡាករវ៉ូវីណាម ជ្រិន ប៊ុនឡុង ជាអត្តពលិកដែលទទួលបានជោគជ័យខ្លាំងជាងគេពីវៀតណាម ដោយគេឈ្នះមេដាយមាស១ និងសំរឹទ្ធ២ ខណៈកីឡាករ ម៉េត សុភក្ត្រា, កីឡាករ លី បូរ៉ាមី, កីឡាករ ជិន ពិសិដ្ឋ និងកីឡាការិនី ប៉ាល់ ឆរស្ម៊ី វិលត្រឡប់មកកម្ពុជាវិញ ជាមួយមេដាយមាស១ និងសំរឹទ្ធ១ ដូចគ្នា។
ពីប្រភេទកីឡាវ៉ូវីណាមដដែល កីឡាការិនី ពៅ សុខា បានឈ្នះមេដាយសំរឹទ្ធ៣ តែម្នាក់ឯង រីឯកីឡាករ សាន សុជាតិ បានមេដាយសំរឹទ្ធចំនួន២។
ងាកទៅកីឡាកាយសម្ព័ន្ធអាអេរ៉ូប៊ិកឯណោះវិញ កីឡាការិនី ម៉ូ ស្រីពៅ និងកីឡាករ ហាស់ សុខហ៊ បានមេដាយប្រាក់ម្នាក់៣ដូចគ្នា កីឡាករ ត្រន ប៊ុនធឿន បានមេដាយប្រាក់២ រីឯកីឡាករ ជឿន ចាន់បូរី បានមេដាយប្រាក់១ សំរឹទ្ធ១។
វ៉ូវីណាមឈ្នះមេដាយមាស៣ ប្រាក់២ និងសំរឹទ្ធ៩ រីឯកាយសម្ព័ន្ធអាអេរ៉ូប៊ិក បានមេដាយប្រាក់៣ និងសំរឹទ្ធ១ ដោយកាយសម្ព័ន្ធជាការប្រកួតបែបសម្តែង រីឯវ៉ូវីណាម មានទាំងសម្តែង និងប្រយុទ្ធ៕
© រក្សាសិទ្ធិដោយ thmeythmey.com