ពលរដ្ឋក្នុងសហគមន៍អន្លង់ធំ យកស្លឹកចេកខ្ចប់ម្ហូបអាហារ ជំនួសការប្រើប្រាស់ប្លាស្ទិក

ជាតិ

ពលរដ្ឋក្នុងសហគមន៍អន្លង់ធំ យកស្លឹកចេកខ្ចប់ម្ហូបអាហារ ជំនួសការប្រើប្រាស់ប្លាស្ទិក

28, May 2022 , 7:00 pm

រូបភាព

ដោយ: ផាត ដាណេ

សៀមរាប៖ ពលរដ្ឋក្នុងសហគមន៍អន្លង់ធំ ស្រុកស្វាយលើ ខេត្តសៀមរាប បានយកស្លឹកចេកខ្ចប់ម្ហូបអាហារ សម្រាប់ភ្ញៀវទេសចរ ដើម្បីចូលរួមកាត់បន្ថយការប្រើប្រាស់ប្លាស្ទិក និងសម្អាតបរិស្ថានផងដែរ។ ពួកគេយកស្លឹកចេកខ្ចប់បាយ និងម្ហូបក្រៀម ហើយដាក់ក្នុងប្រអប់ដែលធ្វើពីស្លឹកត្នោត ប្រើប្រាស់ស្លាបព្រាដែក និងកំណាត់ជូនដៃ ដែលអាចសម្អាតហើយប្រើប្រាស់ឡើងវិញបាន។ ចំណែកឯ សម្ល ជ្រក់ និងបង្អែម ដែលមិនអាចយកស្លឹកចេកខ្ចប់បាននោះ ពួកគេប្រើប្រាស់ប្រអប់ជ័រ ដែលអាចប្រើប្រាស់ឡើងវិញបាន។

តាមរយៈដំណើរកម្សាន្តជាមួយក្រុមជុំរុំតង់ Cambodia Amazing Trip Planner កាលពីថ្ងៃទី១៣-១៥ ខែឧសភា ភ្ញៀវទេសចរបានទៅដល់តំបន់ធម្មជាតិភ្នំគូលែន ពិសារម្ហូបអាហារសហគមន៍ ដែលមិនប្រើប្រាស់ប្លាស្ទិក និងតំបន់ទេសចរណ៍បុរាណ ធម្មជាតិជាច្រើនកន្លែងនៅទីនោះ។ សូមអញ្ជើញលោក-អ្នកនាងទស្សនារូបភាពខាងក្រោមដូចតទៅ៖