ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
មនុស្សគ្រប់គ្នាគឺមានលក្ខណៈខុសៗគ្នាទាំងអស់ ហើយក៏មានបញ្ហាច្រើនផងដែរ។ ហើយបើសិនជាស្ត្រីពិតជាប្រឈមនឹងបញ្ហាទាក់ទងនឹងការរួមភេទមែន វាក៏គ្មានអ្វីដែលត្រូវភ័យខ្លាចដែរ។ តាមពិតវាគឺជារឿងល្អទៅវិញទេដែលបានដឹងអំពីរឿងនេះ។
ខាងក្រោមនេះគឺជាបញ្ហាផ្លូវភេទមួយចំនួនតូចរបស់ស្ត្រីដែលកើតមានជាញឹកញាប់៖
ស្ត្រីភាគច្រើនត្អូញត្អែរអំពីការឈឺចាប់ និងការមិនស្រួលក្នុងពេលរួមភេទ។ ការមិនមានផាសុខភាពនេះប្រហែលជាស្ថិតក្នុងកម្រិតនៃការសូកបញ្ចូលលិង្គ ឬក្រោយពីនាងឈានដល់ចំនុចកំពូល។
ស្ត្រីច្រើនតែត្អូញត្អែរអំពីការមិនសូវមានទឹករំអិលគ្រប់គ្រាន់ក្នុងពេលរួមភេទ។ រឿងនេះប្រហែលដោយសារតែកង្វះការភ្ញោចពីខាងក្រៅ ឬការបរបោសអង្អែលមុនរួមភេទ ឬស្ត្រេសលើរាងកាយ។ តំបន់ទ្វារមាសត្រូវបានបង្កើតឡើងដោយជាលិការទុយផុយ ដែលវាងាយនឹងរហែក ឬប្រឈមមុខនឹងការដាច់ដោចបើសិនជាការសូកបញ្ចូលលលិង្គធ្វើឡើងដោយមិនមានទឹករំអិលគ្រប់គ្រាន់។
ដើម្បីចៀសវាងករណីនេះ បុរសគួរតែព្យាយាម និងផ្តល់ពេលអោយបានច្រើនដល់ស្ត្រីទើបនាងឈានដល់កម្រិតសុខស្រួលបាន។
ជម្រើសមួយផ្សេងទៀតប្រើទឹករំអិលបន្ថែម ព្រោះវាមានភាពងាយស្រួល, តម្លៃថោក និងសុវត្ថិភាព។
បើសិនជាទឹករំអិលមិនអាចជួយកាត់បន្ថយការឈឺចាប់ក្នុងពេលរួមភេទទេ ចូរទៅពិគ្រោះជាមួយអ្នកជំនាញខាងរោគស្ត្រី។
បញ្ហាផ្លូវភេទមួយផ្សេងទៀតដែលកើតមានជាញឹកញាប់ដែរគឺថា មុខរបស់មនុស្សស្រីនឹងមានភាពតក់ស្លុតក្នុងពេលរួមភេទ។ ការថប់អារម្មណ៍ និងស្ត្រេសច្រើនតែធ្វើអោយអស្ថេរភាពដល់កម្រិតអ័រម៉ូនក្នុងរាងកាយដែលជាហេតុនាំអោយឆាប់ឈានដល់ចំនុចកំពូលពេក ឬរួមភេទប៉ារ៉ាជ័យ។ ការភ័យខ្លាច និងការកើនសម្ពាធក្នុងចិត្តមនុស្សស្រីច្រើនតែរំខានដល់សកម្មភាពជីវិតផ្លូវភេទពួកគេ។ មានកត្តាជាច្រើនដូចជា ជំងឺ, ករណីគំរាមគំហែង, ការឈឺចាប់ដោយសាររួមភេទ ឬស្ត្រេសពីកន្លែងការងារសុទ្ធតែដើរតួជាមូលហេតុដែលកើតមានជាញឹកញាប់ចំពោះបញ្ហាក្នុងជីវិតផ្លូវភេទ។
វត្តរដូវមិនទៀងទាត់ក៏អាចបណ្តាលអៅយមានបញ្ហាផ្លូវភេទលើមនុស្សស្រីបានដែរ។ តំបន់ពោះខាងក្រោមច្រើនតែបន្សល់ទុក្ខអារម្មណ៍មិនស្រួលក្រោយពីការធ្លាក់ឈាមរដូវជារៀងរាល់ខែ ហើយរឿងនេះវាមានលក្ខណៈខុសៗគ្នាទៅតាមស្ត្រីម្នាក់ៗ។ ហើយការរួមភេទមួយទោះក្រោយពីមករដូវហើយក៏ដោយប្រហែលជាអាចធ្វើអោយមនុស្សស្រីឈឺចាប់បានដែរ ប៉ុន្តែវាមិនមែនកើតមានលើមនុស្សគ្រប់គ្នាទាំងអស់នោះទេ។
ជាយូរមកហើយ បញ្ហាផ្លូវភេទរបស់ស្ត្រីអាចក្លាយទៅជារឿងចិត្តសាស្ត្រផងដែរ។ ស្ត្រីម្នាក់ត្រូវតែយល់ដឹង និងកំណត់រោគវិនិច្ឆ័យអោយបានប្រុងប្រយ័ត្នជានិច្ចទៅតាមរោគសញ្ញានៃការឈឺចាប់, ការកើតមានការឈឺចាប់ និងតំបន់ណាមួយជាក់លាក់ក្នុងទ្វារមាសមុនពេលឈានដល់ការសន្និដ្ឋាន។ ដំបូន្មានរបស់គ្រូពេទ្យអាចជួយដោះស្រាយបញ្ហានេះបាន។
ជំងឺដូចជា ជំងឺបេះដូង, អតុល្យភាពអ័រម៉ូន និងជំងឺរ៉ាំរ៉ៃផ្សេងៗទៀតដូចជា តម្រងនោមធ្វើការមិនបានល្អ, ជំងឺសរសៃប្រសាទ, រ៉ាំងរដូវ និងការប្រើថ្នាំក៏អាចបណ្តាលអោយមានបញ្ហាដល់ការរួមភេទ និងមានការខូចខាតដល់ចំណង់ផ្លូវភេទជាប់រហូតបានដែរ។
ការចាស់ទៅតាមអាយុអាចជាកត្តាដ៏សំខាន់មួយផ្សេងទៀតសម្រាប់ស្ត្រីព្រោះនឹងមានបញ្ហាផ្លូវភេទកើតមានច្រើន។
ជាញឹកញាប់ គីសអូវ៉ែ, ការរលាកទ្វារមាស, ការបង្ករោគផ្សិត ឬជំងឺ Endometriosis អាចជាបញ្ហាដែលបណ្តាលមកពីការរួមភេទ។ រឿងនេះគួរតែព្យាបាលជាមួយនឹងការយកចិត្តទុកដាក់អោយបានច្រើនព្រោះការបង្ករោគរបស់វាមានការពិបាក ហើយក៏មិនងាយធូរស្រាលទៅវិញដែរ។ សម្រាប់លទ្ធផលរយៈពេលយូរអង្វែង ការប្រើថ្នាំបានត្រឹមត្រូវគួរតែធ្វើតាមដើម្បីកុំអោយមានបញ្ហាផ្លូវភេទក្នុងជីវិតទៀត។ ម្យ៉ាងវិញទៀត ការសូកបញ្ចូលលិង្គច្រើនតែក្លាយទៅជាការឈឺចាប់ខ្លាំងក្លារបស់ស្ត្រីក្នុងរយៈពេលយូរដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
