បក្សធំៗចំនួន២ហែក្បួនឃោសនាថ្ងៃចុងក្រោយនៅក្រុងសៀមរាប

ជាតិ

បក្សធំៗចំនួន២ហែក្បួនឃោសនាថ្ងៃចុងក្រោយនៅក្រុងសៀមរាប

03, Jun 2022 , 5:42 pm

រូបភាព

ដោយ: អុីសា រ៉ហានី ( Isa Rohany )

សៀមរាប៖ គណបក្សប្រជាជនកម្ពុជា និងគណបក្សភ្លើងទៀន បានរៀបចំក្បួនឃោសនាថ្ងៃចុងក្រោយនៅក្រុងសៀមរាប ដែលមានអ្នកគាំទ្រច្រើនក្នុងយុទ្ធនាការឃោសនានេះ។ បក្សប្រជាជន បានប្រមែប្រមូលអ្នកគាំទ្រពីបណ្ដាសង្កាត់នានាក្នុងក្រុង ឱ្យជួបជុំគ្នានៅព្រឹកថ្ងៃទី៣ មិថុនា នាបរិវេណខាងមុខសណ្ឋាគារសុខាសៀមរាប ផ្លូវ៦០ម៉ែត្រ។ ក្បួនឃោសនាដែលដឹកនាំដោយសម្ដេច ទៀ បាញ់ ជាប្រធានក្រុមការងារថ្នាក់ជាតិចុះជួយខេត្តសៀមរាប ហើយត្រូវបានរាយការណ៍ថា មានអ្នកចូលរួមជាង១ម៉ឺននាក់។

ចំណែកបក្សភ្លើងទៀនវិញ បានសម្រេចហែក្បួននៅពេលរសៀល ដោយជួបជុំសមាជិកនៅស្ដុបសាលាគ្រួស លើកំណាត់ផ្លូវជាតិលេខ៦។ គេស្មានថា មានអ្នកចូលរួមមិនក្រោម២ពាន់នាក់ទេដែលចូលរួមហែក្បួនឃោសនាថ្ងៃបញ្ចប់នេះ៕

សូមទស្សនា ទិដ្ឋភាពនៃក្បួនឃោសនាថ្ងៃចុងក្រោយរបស់គណបក្សប្រជាជនកម្ពុជា និងគណបក្សភ្លើងទៀន ក្នុងក្រុងសៀមរាប ដូចតទៅ៖