នៅឃុំពន្លៃ ស្រុកភ្នំស្រុក គណបក្សខ្មែររួបរួមជាតិ ទទួលបានការគាំទ្រលំដាប់ទីពីរ បន្ទាប់ពីគណបក្សប្រជាជនកម្ពុជា ដែលអាចឲ្យពួកគេទទួលបាន២អាសនៈក្នុងចំណោម៩អាសនៈ។ បើលទ្ធផលមិនប្រែប្រួល គណបក្សដែលដឹកនាំដោយលោក ញឹក ប៊ុនឆៃ ក៏អាចអាសនៈ១ផងដែរ នៅសង្កាត់និមិត្ត ក្រុងប៉ោយប៉ែត, ឃុំគោករមៀត, ឃុំថ្មពួក, ឃុំគំរូ ស្រុកថ្មពួក និងឃុំតាផូ ស្រុកស្វាយចេក។

 

រីឯគណបក្សកម្ពុជានិយមរបស់លោក យ៉ែម បុញ្ញឫទ្ធិ ឯណោះវិញ ទំនងជាទទួលបាន១អាសនៈក្នុងចំណោម១១អាសនៈក្នុងឃុំភ្នំលៀប ស្រុកព្រះនេត្រព្រះ។ នៅមូលដ្ឋាននេះ កម្ពុជានិយមទទួលបានសំឡេងគាំទ្រលំដាប់ទីបី បន្ទាប់ពីគណបក្សប្រជាជនកម្ពុជា និងគណបក្សភ្លើងទៀន ដោយនាំមុខគណបក្សខ្មែររួបរួមជាតិ និងគណបក្សហ្វ៊ុនស៊ិនប៉ិច។

 

នាការបោះឆ្នោតក្រុមប្រឹក្សាឃុំ-សង្កាត់ឆ្នាំ២០១៧នៅខេត្តបន្ទាយមានជ័យ គណបក្សប្រជាជនកម្ពុជា ទទួលបាន២៨៦អាសនៈ, គណបក្សសង្គ្រោះជាតិបាន២១១អាសនៈ និង គណបក្សខ្មែររួបរួមជាតិបាន១៨អាសនៈ៕