ចេកទុំ រស់នៅតំបន់វាលលំហដែលមានដើមឈើរាយប៉ាយ

ពីនេះ ពីនោះ

ចេកទុំ រស់នៅតំបន់វាលលំហដែលមានដើមឈើរាយប៉ាយ

11, Aug 2018 , 11:59 am

រូបភាព

ដោយ: ថ្មីៗ

ចេកទុំ គឺជាឈ្មោះសត្វស្លាបមួយប្រភេទ មានមាឌមធ្យម ហើយបក្សីឈ្មោល ខ្លួនមានពណ៌លឿងភ្លឺ មានឆ្នូតខ្មៅធំកាត់តាមភ្នែក លើកន្ទុយនិងចុងផ្ទាំងស្លាបពណ៌ខ្មៅ។ ចំណែកបក្សីញី វិញ ជាទូទៅខ្លួនមានពណ៌លឿងខ្ចី នៅក្រោមពោះនិងមានឆូតៗ ខ្មៅជាជួរពាសពេញ។ ចេកទុំ ជាបក្សីមួយប្រភេទច្រើនរស់នៅតាមព្រៃស្រោង ព្រៃរបោះ ព្រៃកោងកាង សួនច្បារ តំបន់វាលលំហដែលមានដើមឈើរាយប៉ាយ។ រីឯរបាយរស់នៅវិញ គឺមាននៅគ្រប់ទីកន្លែង និងមានវត្តមានពេញមួយឆ្នាំនៅតាមតំបន់ខាងលើ។ បក្សីនេះបន្តពូជចាប់ពីខែធ្នូ ដល់ខែមិថុនា។