អត្ថបទពាណិជ្ជកម្ម
ក្រុមហ៊ុន Booking.com នាំថ្នាក់ដឹកនាំតាមសណ្ឋាគារជាង ២០០នាក់ទៅដាំកូនឈើនៅបឹងពារាំង
×![]()
សៀមរាប៖ ក្រុមហ៊ុនទេសចរណ៍លំដាប់ពិភពលោក Booking.com បានរៀបចំដំណើរកម្សាន្តមួយនៅតំបន់បឹងធម្មជាតិពារាំង។ នៅទីនោះ ថ្នាក់គ្រប់គ្រងនៅតាមបណ្តាសណ្ឋាគារ និងក្រុមហ៊ុនទេសចរណ៍ប្រមាណ២០០នាក់ ដែលជាដៃគូសហប្រតិបត្តិការរបស់ក្រុមហ៊ុន Booking.com ក្នុងខេត្តសៀមរាប បានដាំកូនឈើជានិមិត្តរូប បំណងដើម្បីថែរក្សាបរិស្ថាន និងលើកម្ពស់វិស័យទេសចរណ៍សហគមន៍។
ជារៀងរាល់ឆ្នាំ ក្រុមហ៊ុន Booking.com បានរៀបចំពិធីជួបជុំមួយ ដើម្បីថ្លែងអំណរគុណដល់ម្ចាស់សណ្ឋាគារនានាដែលជាដៃគូរកស៊ីរបស់ខ្លួន។ សម្រាប់ឆ្នាំនេះ ពិធីដូចគ្នានេះបានផ្លាស់ប្តូរ ដោយបង្វែរពីការជុំគ្នានៅក្នុងសណ្ឋាគារនាពេលរាត្រី មកធ្វើជាលក្ខណៈដំណើរកម្សាន្តបែបជនបទ មកតំបន់បឹងពារាំង។ នេះជាការលើកឡើងរបស់លោក ប៉ាត់ បូរី ប្រធានគ្រប់គ្រងក្រុមហ៊ុន Booking.com។
នៅព្រឹកថ្ងៃទី២៣ ខែ មីនា អ្នកគ្រប់គ្រងនៅសណ្ឋាគារ និងក្រុមហ៊ុនទេសចរណ៍ បានធ្វើដំណើរទៅកាន់បឹងពារាំងដោយល្បឿនយឺតៗតាមរយៈក្បួនគោយន្ត។ តាមផ្លូវ ពួកគេមានភាពសប្បាយរីករាយ និងបានគយគន់ទេសភាពដ៏ត្រកាល ចេញពីវាលដំណាំ និងវាលស្រែរបស់អ្នកភូមិ។
លោក ប៉ាត់ បូរី ប្រធានតំបន់ក្រុមហ៊ុន Booking.com ប្រចាំកម្ពុជា ឡាវ និងមីយ៉ាន់ម៉ា បានឱ្យដឹងថា កម្មវិធីជួបជុំនៅឆ្នាំនេះ គឺមានភាពអស្ចារ្យ និងប្លែក។ លោកបន្ថែមថា ឆ្នាំនេះដៃគូសហប្រតិបត្តិការរបស់ក្រុមហ៊ុន Booking.com មានការប្លែកអារម្មណ៍ ព្រោះបានឃើញធម្មជាតិដ៏ស្រស់ស្អាតនៅបឹងពារាំង និងសត្វស្លាបជាច្រើនប្រភេទ និងបានដាំកូនឈើជានិមិត្តរូប។ លោកពន្យល់ថា មូលហេតុដែលក្រុមហ៊ុនលោក ជ្រើសរើសដំណើរកម្សាន្តមកបឹងពារាំង គឺដើម្បីជួយសហគមន៍ ក៏ដូចជាផ្សព្វផ្សាយពីសក្កានុពលទេសចរណ៍ទីនេះ ដល់ភ្ញៀវទេសចរបានស្គាល់ផងដែរ។
ប្រធានសហគមន៍បឹងធម្មជាតិពារាំង លោក គង់ មង្គល បានថ្លែងអំណរគុណដល់ក្រុមហ៊ុន Booking.com មករៀបចំពិធីដាំកូនឈើនៅតំបន់របស់លោក។ លោកពន្យល់ថា សកម្មភាពនេះឆ្លុះបញ្ចាំងពីការចូលរួមរបស់វិស័យនានា ក្នុងការការពារ និងអភិរក្សធនធានធម្មជាតិនៅបឹងពារាំង។ លោក មង្គល រំពឹងថា តទៅមុខ នឹងមានសកម្មភាពបែបនេះក្នុងសហគមន៍របស់លោក ដើម្បីប្រែក្លាយតំបន់នេះឱ្យមានការអភិវឌ្ឍ និងទាក់ទាញភ្ញៀវទេសចរចូលមកកាន់តែច្រើន ដើម្បីលើកកម្ពស់វិស័យទេសចរណ៍សហគមន៍ជ្រាវ។
គួរបញ្ជាក់ថា ក្រុមហ៊ុន Booking.com សព្វថ្ងៃមានអាយុ២១ឆ្នាំ ក្រោយបង្កើតនៅឆ្នាំ១៩៩៦ ដែលមានស្នាក់ការកណ្តាលនៅប្រទេស ហូឡង់។ ក្រុមហ៊ុននេះមានការិយាល័យ ១៩០ប្រទេស មានបុគ្គលិកសរុប ១៥,០០០នាក់ ដែលនៅកម្ពុជាមាន ១១នាក់ និងមានស្នាក់ការកណ្តាលនៅខេត្ត សៀមរាប៕
(អត្ថបទពាណិជ្ជកម្ម)
ជារៀងរាល់ឆ្នាំ ក្រុមហ៊ុន Booking.com បានរៀបចំពិធីជួបជុំមួយ ដើម្បីថ្លែងអំណរគុណដល់ម្ចាស់សណ្ឋាគារនានាដែលជាដៃគូរកស៊ីរបស់ខ្លួន។ សម្រាប់ឆ្នាំនេះ ពិធីដូចគ្នានេះបានផ្លាស់ប្តូរ ដោយបង្វែរពីការជុំគ្នានៅក្នុងសណ្ឋាគារនាពេលរាត្រី មកធ្វើជាលក្ខណៈដំណើរកម្សាន្តបែបជនបទ មកតំបន់បឹងពារាំង។ នេះជាការលើកឡើងរបស់លោក ប៉ាត់ បូរី ប្រធានគ្រប់គ្រងក្រុមហ៊ុន Booking.com។
នៅព្រឹកថ្ងៃទី២៣ ខែ មីនា អ្នកគ្រប់គ្រងនៅសណ្ឋាគារ និងក្រុមហ៊ុនទេសចរណ៍ បានធ្វើដំណើរទៅកាន់បឹងពារាំងដោយល្បឿនយឺតៗតាមរយៈក្បួនគោយន្ត។ តាមផ្លូវ ពួកគេមានភាពសប្បាយរីករាយ និងបានគយគន់ទេសភាពដ៏ត្រកាល ចេញពីវាលដំណាំ និងវាលស្រែរបស់អ្នកភូមិ។
លោក ប៉ាត់ បូរី ប្រធានតំបន់ក្រុមហ៊ុន Booking.com ប្រចាំកម្ពុជា ឡាវ និងមីយ៉ាន់ម៉ា បានឱ្យដឹងថា កម្មវិធីជួបជុំនៅឆ្នាំនេះ គឺមានភាពអស្ចារ្យ និងប្លែក។ លោកបន្ថែមថា ឆ្នាំនេះដៃគូសហប្រតិបត្តិការរបស់ក្រុមហ៊ុន Booking.com មានការប្លែកអារម្មណ៍ ព្រោះបានឃើញធម្មជាតិដ៏ស្រស់ស្អាតនៅបឹងពារាំង និងសត្វស្លាបជាច្រើនប្រភេទ និងបានដាំកូនឈើជានិមិត្តរូប។ លោកពន្យល់ថា មូលហេតុដែលក្រុមហ៊ុនលោក ជ្រើសរើសដំណើរកម្សាន្តមកបឹងពារាំង គឺដើម្បីជួយសហគមន៍ ក៏ដូចជាផ្សព្វផ្សាយពីសក្កានុពលទេសចរណ៍ទីនេះ ដល់ភ្ញៀវទេសចរបានស្គាល់ផងដែរ។
ប្រធានសហគមន៍បឹងធម្មជាតិពារាំង លោក គង់ មង្គល បានថ្លែងអំណរគុណដល់ក្រុមហ៊ុន Booking.com មករៀបចំពិធីដាំកូនឈើនៅតំបន់របស់លោក។ លោកពន្យល់ថា សកម្មភាពនេះឆ្លុះបញ្ចាំងពីការចូលរួមរបស់វិស័យនានា ក្នុងការការពារ និងអភិរក្សធនធានធម្មជាតិនៅបឹងពារាំង។ លោក មង្គល រំពឹងថា តទៅមុខ នឹងមានសកម្មភាពបែបនេះក្នុងសហគមន៍របស់លោក ដើម្បីប្រែក្លាយតំបន់នេះឱ្យមានការអភិវឌ្ឍ និងទាក់ទាញភ្ញៀវទេសចរចូលមកកាន់តែច្រើន ដើម្បីលើកកម្ពស់វិស័យទេសចរណ៍សហគមន៍ជ្រាវ។
គួរបញ្ជាក់ថា ក្រុមហ៊ុន Booking.com សព្វថ្ងៃមានអាយុ២១ឆ្នាំ ក្រោយបង្កើតនៅឆ្នាំ១៩៩៦ ដែលមានស្នាក់ការកណ្តាលនៅប្រទេស ហូឡង់។ ក្រុមហ៊ុននេះមានការិយាល័យ ១៩០ប្រទេស មានបុគ្គលិកសរុប ១៥,០០០នាក់ ដែលនៅកម្ពុជាមាន ១១នាក់ និងមានស្នាក់ការកណ្តាលនៅខេត្ត សៀមរាប៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
