អតីតអភិបាលរាជធានីភ្នំពេញលោក កែប ជុតិមា ចាប់ផ្តើមអភិរក្សសត្វដំរីខ្មែរដែលមានចំនួនតិចតួច

ជាតិ

បទយកការណ៍ / បទសម្ភាសន៍

សង្គមជាតិ

អតីតអភិបាលរាជធានីភ្នំពេញលោក កែប ជុតិមា ចាប់ផ្តើមអភិរក្សសត្វដំរីខ្មែរដែលមានចំនួនតិចតួច

10, Apr 2018 , 2:38 pm

រូបភាព

ដោយ: គី សុខលីម (Ky Soklim)

ភ្នំពេញ៖ អតីតអភិបាលរាជធានីភ្នំពេញ និងបច្ចុប្បន្នជាតំណាងរាស្ត្រមណ្ឌលភ្នំពេញមកពីគណបក្សប្រជាជនកម្ពុជា, លោក កែប ជុតិមា ចាប់ផ្តើមចូលរួមអភិរក្សសត្វដំរីខ្មែរដែលមានចំនួនតិចតួច។ ប្រទេសកម្ពុជាទាំងមូលមានសត្វដំរីសរុបចំនួនប្រមាណជាជាង៣០០ក្បាលក្នុងនោះដំរីស្រុកមានចំនួន៧២ក្បាល និងដំរីព្រៃ២៥០ក្បាល។ ក្នុងន័យចូលរួមចំណែកថែទាំ ការពារ និងអភិរក្សសត្វដំរីនោះ សមាគមមូលនិធិអភិរក្សដំរីខ្មែរ អៃរាវត្តា ក៏ត្រូវបានបង្កើតឡើងដើម្បីចិញ្ចឹម និងថែទាំសត្វដំរី ចំនួន៤ក្បាលនៅក្នុងខេត្តរតនគិរី។ លោកស្រី ខៃ ចិន្តា គឺជាប្រធាននៃសមាគមខាងលើនេះ។

ចាប់តាំងពីឆ្នាំ២០១៥មក, លោកស្រី ចិន្តា និងស្វាមី ជាជនជាតិបារាំងដែលជាអ្នកស្រឡាញ់សត្វដំរីនោះ បានចំណាយថវិកាផ្ទាល់ខ្លួនប្រមាណជា២០ម៉ឺនដុល្លារដើម្បីចិញ្ចឹមសត្វដំរីចំនួន៤ក្បាលនេះ។ ទោះជាការចំណាយប៉ុន្មានក៏មិនគ្រប់គ្រាន់ដែរ ព្រោះដំរី ត្រូវការការថែទាំពិតប្រាកដ ពោលគឺត្រូវការថវិកាច្រើនគួរសម។ រីឯ លោកស្រី ចិន្តា ម្នាក់ឯង មិនមានលទ្ធភាពបន្តកិច្ចការនេះម្នាក់ឯងបានឡើយ។ មធ្យោបាយចុងក្រោយរបស់អ្នកស្រី គឺការអំពាវនាវរកសប្បុរសជនជួយផ្តល់ថវិកាដើម្បីចិញ្ចឹម ថែទាំ និងអភិរក្សដំរីខ្មែរ។ ពិធីរៃអង្គាសជួយចិញ្ចឹមសត្វដំរីនឹងធ្វើឡើងនៅថ្ងៃទី២៧ខែមេសានៅស្ថានបារាំងនាទីក្រុងភ្នំពេញ។ ថ្នាក់ដឹកនាំជាន់ខ្ពស់នៃរាជរដ្ឋាភិបាលកម្ពុជា, មន្ត្រីស្ថានទូត និង អ្នកជំនួញ មួយចំនួន នឹងត្រូវអញ្ជើញឲ្យចូលរួមក្នុងពិធីមនុស្សធម៌មួយនេះ។

ដោយក្តីស្រឡាញ់ និងមើលឃើញពីភាពចាំបាច់នៃការអភិរក្សសត្វដំរី, លោក កែប ជុតិមា យល់ព្រមធ្វើជាគណៈអធិបតីនៃពិធីរៃអង្គាសជួយចិញ្ចឹមសត្វដំរីដែលគ្រោងនឹងធ្វើឡើងនៅថ្ងៃទី២៧ខែមេសានៅស្ថានបារាំងនាទីក្រុងភ្នំពេញ។

ខាងក្រោមនេះ គឺជាបទសម្ភាសរវាងលោក គី សុខលីម អ្នកសារព័ត៌មានអេឡិចត្រូនិកថ្មីៗ និងលោក កែប ជុតិមា ដូចតទៅ៖