ជាតិ
សេដ្ឋកិច្ច
សម្តេច ហ៊ុន សែន ប្រកាសរៀបចំរថយន្តដឹកជញ្ជូនដោយឥតគិតថ្លៃទៀតពេលភ្ជុំបិណ្ឌ
× ភ្នំពេញ៖ សាលារាជធានីភ្នំពេញនឹងរៀបចំរថយន្តក្រុងសារធារណៈ City Bus ជាង២០០គ្រឿង សម្រាប់ដាក់ជូនប្រជាពលរដ្ឋធ្វើដំណើរដោយឥតគិតថ្លៃទៅស្រុកកំណើតក្នុងឱកាសពិធីបុណ្យភ្ជុំបិណ្ឌនាពេលខាងមុខ។ នេះបើយោងតាមហ្វេសប៊ុកផ្លូវការរបស់សម្តេច ហ៊ុន សែន។
នាពិធីសំណេះសំណាល ជាមួយសហជីពកម្មករ នៅមជ្ឈមណ្ឌលពិព័រណ៍កោះពេជ្រ ព្រឹកថ្ងៃទី២២ ខែមេសា សម្តេចនាយករដ្ឋមន្ត្រី ហ៊ុន សែន បានថ្លែង រាជរដ្ឋាភិបាលត្រៀមរថយន្តក្រុងជាង២០០គ្រឿង សម្រាប់ឲ្យប្រជាពលរដ្ឋធ្វើដំណើរទៅស្រុកកំណើតក្នុងឱកាសពិធីបុណ្យភ្ជុំបិណ្ឌ ដោយមិនយកប្រាក់ ដើម្បីរួមចំណែកកាត់បន្ថយចំណាយរបស់ប្រជាពលរដ្ឋ ។
ស្ថិតនៅក្នុងពិធីនេះ សម្តេច ហ៊ុន សែន បានបញ្ជាក់ថា ក្នុងអំឡុងពេលបុណ្យចូលឆ្នាំថ្មីខ្មែរ កន្លងទៅនេះ ប្រជាជនបានដែលប្រើប្រាស់សេវារថយន្តក្រុងរបស់រាជរដ្ឋាភិបាល មានជាង ៨,៨៣៥នាក់ និងធ្វើដំណើរត្រឡប់មកវិញ ប្រមាណ៥,២៤២នាក់។
ក្នុងឱកាសនេះផងដែរ សម្តេច បាន កោតសរសើរ និងថ្លែងអំណរគុណចំពោះសេវារថយន្តក្រុងរបស់សាលារាជធានីភ្នំពេញ ដែលបានខិតខំប្រឹងប្រែង និងយកចិត្តទុកដាក់ ពីសុខុមាលភាពរបស់ប្រជាជន ក្នុងការធ្វើដំណើរទៅវិញទៅមក៕
Tag:
City Bus
ភ្ជុំបិណ្ឌ
© រក្សាសិទ្ធិដោយ thmeythmey.com