លោក ឆាយ បូរ៉ា៖ អ្នកនិពន្ធពីដើមមានចំណេះដឹងខ្ពស់ ក្នុងការផលិតរឿងទាក់ចិត្តអ្នកគាំទ្រ ជាងអ្នកនិពន្ធបច្ចុប្បន្ន

ជាតិ

បទយកការណ៍ / បទសម្ភាសន៍

លោក ឆាយ បូរ៉ា៖ អ្នកនិពន្ធពីដើមមានចំណេះដឹងខ្ពស់ ក្នុងការផលិតរឿងទាក់ចិត្តអ្នកគាំទ្រ ជាងអ្នកនិពន្ធបច្ចុប្បន្ន

27, Apr 2018 , 8:19 pm

រូបភាព

ដោយ: រំដួល ចិត្រា (Romdoul Chetra)

ភ្នំពេញ៖ មកដល់ពេលនេះ វិស័យភាពយន្តនៅកម្ពុជា នៅតែមិនទាន់ទទួលបានការគាំទ្រខ្លាំង ពីសំណាក់ប្រជាពលរដ្ឋនៅឡើយទេ។ នោះក៏ព្រោះតែប្រជាពលរដ្ឋ កំពុងឲ្យតម្លៃលើខ្សែភាពយន្តបរទេសជាងភាពយន្តក្នុងស្រុក។ នេះជាការបញ្ជាក់របស់លោក ឆាយ បូរ៉ា ប្រធានសមាគមភាពយន្ត និងជាផលិតករភាពយន្ត ដែលបានបន្ថែមថា ខ្សែភាពយន្តបរទេស ដែលហូរចូលកម្ពុជា មានចំនួន២៤០រឿងក្នុងមួយឆ្នាំ ខណៈការផលិតក្នុងស្រុកបានត្រឹមតែ២៥ប៉ុណ្ណោះ។

សូមស្ដាប់ការបកស្រាយរបស់លោក ឆាយ បូរ៉ា ប្រធានសមាគមភាពយន្ត ដែលសាកសួរដោយលោក រំដួល ចិត្រា អ្នកសារព័ត៌មានថ្មីៗ៖

ក្រៅពីបញ្ហានេះ លោក ឆាយ បូរ៉ា បានបញ្ជាក់ថា បញ្ហាធនធានមនុស្ស និងបច្ចេកទេសថត នៅមានកម្រិត មិនទាន់អាចប្រៀបផ្ទឹមជាមួយភាពយន្តបរទេស។ ជាពិសេសមកពីកត្តាអ្នកនិពន្ធខ្លួនឯង ដែលនៅមានសមត្ថភាពទាប។ ត្រង់ចំណុចនេះលោក ឆាយ បូរ៉ា ទទួលស្គាល់ថា អ្នកនិពន្ធបច្ចុប្បន្ន មិនអាចប្រៀបផ្ទឹមជាមួយអ្នកនិពន្ធជំនាន់មុនបានឡើយ។

ប្រធានសមាគមភាពយន្តរូបនេះ បានបញ្ជាក់ដូច្នេះថា៖«អ្នកនិពន្ធពីដើមមានចំណេះជ្រៅណាស់! អ្នកនិពន្ធពីដើម មានចំណេះដឹងផ្នែកអក្សរសិលិ៍ ខុសពីអ្នកនិពន្ធយើងសព្វថ្ងៃ។ អ្នកនិពន្ធយើងសព្វថ្ងៃ គាត់មើលកុនច្រើនពេកទៅ វាប្រឡូកលាយឡំគ្នា ដូចជាការចង់ឲ្យគេសើច ការឲ្យគេសើច ហើយអ្វីដែលសរសេរច្រើននោះ វាបរទេសជ្រួតខ្លាំង ភ្លេចពីគុណតម្លៃអក្សរសិលិ៍ជាតិខ្លួនឯង»។