ពីនេះ ពីនោះ
ត្រីប៉ាវ៉ាមុខពីរ មានរស់នៅក្នុងទន្លេ «ស៣» សេសាន សេកុង និងស្រែពក ក្នុងប្រទេសកម្ពុជា
លោក ឈុត ឈាណា អ្នកសម្របសម្រួលផ្នែកទំនាក់ទំនងគម្រោងអច្ឆរិយភាពនៃទន្លេមេគង្គ លើកបង្ហាញត្រីប៉ាវ៉ាមុខពីរ នៅក្នុងផ្សារខេត្តស្ទឹងត្រែង រូបថតៈ ថាច់ ផាណារ៉ា
×![]()
ស្ទឹងត្រែង៖ នៅក្នុងអាងទន្លេមេគង្គ កូនត្រីប៉ាវ៉ាមុខពីរ ធ្វើចរាចរផ្លាស់ទីចេញពីទន្លេសេសាន ទន្លេសេកុង និងទន្លេស្រែពក (ទន្លេស៣) ចូលទៅក្នុងទន្លេមេគង្គ និងចុះទៅខ្សែទឹកខាងក្រោម នៃព្រំប្រទល់ខេត្ត ក្រចេះ និងស្ទឹងត្រែង។ បន្ទាប់មក ពួកវាក៏ធ្វើចរាចរឡើងទៅខ្សែទឹកខាងលើវិញ នៅភាគខាងត្បូងប្រទេសឡាវ និងភាគខាងជើងនៃប្រទេសថៃ ដើម្បីរកចំណី។ ត្រីប៉ាវ៉ាមុខពីរ ស៊ីសារាយដែលដុះនៅជាប់ថ្មជាអាហារ។ ត្រីប្រភេទនេះបង្កកំណើតនៅកណ្តាលទន្លេសេកុងនៅខែកក្កដា និងខែសីហា។ ត្រីប៉ាវ៉ាមុខពីរ មានឈ្មោះវិទ្យាសាស្ត្រ (Incisilabeo behri) មានប្រវែងដងខ្លួន ៦០សង់ទីម៉ែត្រ។
នៅក្នុងខេត្តអាតាភើ និង ខេត្តសេកុង ភាគខាងត្បូងប្រទេសឡាវ មានការប៉ុនប៉ងមួយត្រូវបានធ្វើឡើង ដើម្បីហាមឃាត់ការនេសាទត្រីប្រភេទនេះ ក្នុងអំឡុងពេលរដូវពង-កូន។ តាមរយៈតំបន់ការពារតាមភូមិនៅទាំងនោះ បានផ្តល់ផលជាវិជ្ជមានចំពោះត្រីប្រភេទនេះនៅរដូវប្រាំង។ ការស្រាវជ្រាវបន្ថែមទៀត គឺត្រូវការជាចាំបាច់ ហើយវានឹងទទួលបានផលជាវិជ្ជមានពីការបង្កើនផែនការអភិរក្សចំពោះពួកវា។ តម្រូវការជាបន្ទាន់មួយ គឺការទទួលបានព័ត៌មានបន្ថែមទៀត អំពីអេកូឡូស៊ីនៃត្រីប្រភេទនេះ ជាពិសេស ការយល់ដឹងពីផលប៉ះពាល់នៃទំនប់វារីអគ្គីសនី ដែលត្រូវបានស្នើឡើងនៅតាមដងទន្លេមេ ដែលជាផ្លូវធ្វើចរាចរផ្លាស់ទីរបស់ត្រីប្រភេទនេះ តាមបណ្តោយទន្លេមេគង្គ។
ត្រីប៉ាវ៉ាមុខពីរ ត្រូវបានគេកត់ត្រាចូលក្នុងបញ្ជីក្រហម IUCN Red List (Vulnerable)ក្នុងឆ្នាំ ២០១១ ជាប្រភេទត្រីងាយរងគ្រោះ។ បញ្ហាប្រឈមចំពោះត្រីប្រភេទនេះ ដោយសារវាជាគោលដៅរបស់អ្នកនេសាទ ដោយប្រើមងក្នុងរដូវពង-កូន ព្រមទាំងការនេសាទហួសកម្រិត អំឡុងពេលវាធ្វើចរាចរដើម្បីរកចំណី។ ការអភិវឌ្ឍន៍ទំបន់វារិអគ្គិសនីនៅដងទន្លេទាំងបី សេសាន សេកុង និងស្រែពក ការប្រើប្រាស់ឧបករណ៍នេសាទល្មើសច្បាប់ដោយចរន្តអគ្គិសនីឆក់ ដែលកំពុងកើនឡើងយ៉ាងគំហុកនាពេលបច្ចុប្បន្ននេះ បានធ្វើឲ្យមានការថយចុះចំនួនត្រី ដែលនៅសេសសល់នេះបន្ថែមទៀត។
នៅក្នុងខេត្តអាតាភើ និង ខេត្តសេកុង ភាគខាងត្បូងប្រទេសឡាវ មានការប៉ុនប៉ងមួយត្រូវបានធ្វើឡើង ដើម្បីហាមឃាត់ការនេសាទត្រីប្រភេទនេះ ក្នុងអំឡុងពេលរដូវពង-កូន។ តាមរយៈតំបន់ការពារតាមភូមិនៅទាំងនោះ បានផ្តល់ផលជាវិជ្ជមានចំពោះត្រីប្រភេទនេះនៅរដូវប្រាំង។ ការស្រាវជ្រាវបន្ថែមទៀត គឺត្រូវការជាចាំបាច់ ហើយវានឹងទទួលបានផលជាវិជ្ជមានពីការបង្កើនផែនការអភិរក្សចំពោះពួកវា។ តម្រូវការជាបន្ទាន់មួយ គឺការទទួលបានព័ត៌មានបន្ថែមទៀត អំពីអេកូឡូស៊ីនៃត្រីប្រភេទនេះ ជាពិសេស ការយល់ដឹងពីផលប៉ះពាល់នៃទំនប់វារីអគ្គីសនី ដែលត្រូវបានស្នើឡើងនៅតាមដងទន្លេមេ ដែលជាផ្លូវធ្វើចរាចរផ្លាស់ទីរបស់ត្រីប្រភេទនេះ តាមបណ្តោយទន្លេមេគង្គ។
ត្រីប៉ាវ៉ាមុខពីរ ត្រូវបានគេកត់ត្រាចូលក្នុងបញ្ជីក្រហម IUCN Red List (Vulnerable)ក្នុងឆ្នាំ ២០១១ ជាប្រភេទត្រីងាយរងគ្រោះ។ បញ្ហាប្រឈមចំពោះត្រីប្រភេទនេះ ដោយសារវាជាគោលដៅរបស់អ្នកនេសាទ ដោយប្រើមងក្នុងរដូវពង-កូន ព្រមទាំងការនេសាទហួសកម្រិត អំឡុងពេលវាធ្វើចរាចរដើម្បីរកចំណី។ ការអភិវឌ្ឍន៍ទំបន់វារិអគ្គិសនីនៅដងទន្លេទាំងបី សេសាន សេកុង និងស្រែពក ការប្រើប្រាស់ឧបករណ៍នេសាទល្មើសច្បាប់ដោយចរន្តអគ្គិសនីឆក់ ដែលកំពុងកើនឡើងយ៉ាងគំហុកនាពេលបច្ចុប្បន្ននេះ បានធ្វើឲ្យមានការថយចុះចំនួនត្រី ដែលនៅសេសសល់នេះបន្ថែមទៀត។
© រក្សាសិទ្ធិដោយ thmeythmey.com
