ទោះបន្លែសរីរាង្គពិបាកថែ តែអ្នកស្រី សាមឿន សប្បាយចិត្តដែលដាំបន្លែគ្មានគីមីឲ្យគេបរិភោគ

ជាតិ

បទសម្ភាសន៍

វីដេអូ

ទោះបន្លែសរីរាង្គពិបាកថែ តែអ្នកស្រី សាមឿន សប្បាយចិត្តដែលដាំបន្លែគ្មានគីមីឲ្យគេបរិភោគ

08, Jun 2018 , 7:59 am

រូបភាព

ដោយ: ញឹក ស្រីល័ក្ខ (Nhek Sreyleak)

កំពង់ស្ពឺ៖ មានវ័យ៦៥ឆ្នាំ អ្នកស្រី ម៉ែន សាមឿន ជាកសិករដែលដាំដុះបន្លែសរីរាង្គ ដូចជាស្ពៃចង្កឹះ, ដើមខាត់ណា, សាឡាត់ និងបន្លែជាច្រើនទៀតនៅស្រុកសំរោងទង ខេត្តកំពង់ស្ពឺ។ អ្នកស្រី សាមឿន ចាប់ផ្តើមដាំបន្លែសរីរាង្គតាំងពីឆ្នាំ២០១១ ដើម្បីផ្គត់ផ្គង់នៅទីផ្សារអង្គការសេដាក ។ ទោះបីជាអះអាងថា ការដាំបន្លែសរីរាង្គពិបាកថែទាំ ប៉ុន្តែអ្នកស្រី សាមឿន សប្បាយចិត្ត និងនៅបន្តដាំដុះបន្លែសរីរាង្គនេះទៀត ព្រោះគាត់បានកំពុងដាំបន្លែគ្មានគីមីឲ្យគេបរិភោគ។ អ្នកស្រី ម៉ែន សាមឿន បញ្ជាក់ដូច្នេះ៖«ខ្ញុំសប្បាយចិត្ត ដូចថា បើមានថ្នាំពុល ដូចយើងយកថ្នាំទៅសម្លាប់គេអ៊ីចឹង។ ពេលដាំបែបសរីរាង្គនេះ យើងសប្បាយចិត្ត ពេលគេហូបទៅ គ្មានរោគ គ្មានអី»។

សូមអញ្ជើញទស្សនាបទសម្ភាសន៍រវាង កញ្ញា ញឹក ស្រីល័ក្ខ អ្នកយកព័ត៌មាននៃសារព័ត៌មានថ្មីៗ ជាមួយអ្នកស្រី ម៉ែន សាមឿន កសិករដាំបន្លែសរីរាង្គដូចតទៅ៖