ជាតិ
សង្គមជាតិ
ដោយរងឥទ្ធិពលព្យុះពីក្រៅ កម្ពុជានឹងមានភ្លៀងធ្លាក់ច្រើននៅតំបន់ឆ្នេរ និងតិចតួចនៅតំបន់ផ្សេង
× ក្រសួងធនធានទឹក និងឧតុនិយម បានជូនដំណឹងថា វិសម្ពាធដែលបានកើតឡើងនៅក្នុងសមុទ្រចិនខាងត្បូង បានវិវត្តន៍ខ្លួនទៅជាកូនព្យុះទី៥ឈ្មោះ Ewiniar និងកំពុងស្ថិតនៅក្បែរសមុទ្រភាគខាងត្បូងប្រទេសចិន។ យោងតាមការព្យាករកូនព្យុះនេះ នឹងថយឥទ្ធិពលជាបន្តបន្ទាបមកជាសម្ពាធទាប នៅថ្ងៃទី៨ខែមិថុនា។ ដោយឡែកវិសម្ពាធថ្មីមួយទៀត ដែលបានកើតឡើងនៅភាគអាគ្នេយ៍ប្រទេសហ្វីលីពីន នឹងវិវត្តន៍ទៅជាព្យុះទី៥ផងដែរ។
ឥទ្ធិពលរបស់បាតុភូតខាងលើនេះ នឹងធ្វើឲ្យអាកាសធាតុនៅកម្ពុជា ចាប់ពីថ្ងៃទី៨ ដល់ថ្ងៃទី១៥ខែមិថុនា មានស្ថានភាពដូចខាងក្រោម៖
ខេត្តកោះកុង និងខេត្តព្រះសីហនុ និងមានភ្លៀងធ្លាក់ច្រើនជាបន្តបន្ទាប់។ ផ្ទៃសមុទ្រមានខ្យល់បក់បោកខ្លាំង និងមានរលកខ្ពស់ៗ។
បណ្ដារាជធានីខេត្តដទៃទៀត នឹងមានរបាយទឹកភ្លៀងថយចុះ ពិសេសភ្នំពេញ ខេត្តកំពត តាកែវ កំពង់ស្ពឺ និងខេត្តកណ្ដាល អាចនឹងមានភ្លៀងធ្លាក់តិចតួច។
ក្រសួងអំពាវនាវដល់ប្រជានេសាទ និងអ្នកធ្វើដំណើរតាមសមុទ្រ ត្រូវបង្កើនការប្រុងប្រយ័ត្នខ្ពស់ ចៀសវាងគ្រោះថ្នាក់ផ្សេងៗជាយថាហេតុ៕
© រក្សាសិទ្ធិដោយ thmeythmey.com