អង្គរហ្គ្រីនចុះកិច្ចព្រមព្រៀងជាមួយម្ចាស់ចម្ការស្វាយកែវរមៀត២រូបលើគម្រោងចម្ការស្វាយគំរូដោយប្រើបច្ចេកវិទ្យាទំនើប

អត្ថបទពាណិជ្ជកម្ម

អង្គរហ្គ្រីនចុះកិច្ចព្រមព្រៀងជាមួយម្ចាស់ចម្ការស្វាយកែវរមៀត២រូបលើគម្រោងចម្ការស្វាយគំរូដោយប្រើបច្ចេកវិទ្យាទំនើប

12, Jun 2018 , 4:54 pm

រូបភាព

ដោយ:

កាលពីពេលថ្មីៗកន្លងមកនេះ ក្រុមហ៊ុនអង្គរហ្គ្រីន អ៊ិនវេសមេន ឌីវេឡុបមន លីមីតធីត បានរៀបចំពិធីចុះហេត្ថលេខា លើកិច្ចព្រមព្រៀង «ចម្ការស្វាយគំរូដោយប្រើបច្ចេកវិទ្យាទំនើបក្នុងផលិតផលស្វាយខុសរដូវ» ជាមួយ និងម្ចាស់ចំការស្វាយកែវរមៀតចំនួន ២ នាក់។ កម្មវិធីដ៏ពិសេសមួយនេះរៀបចំឡើងនៅព្រឹកថ្ងៃទី ១២ ខែ មិថុនា ឆ្នាំ ២០១៨ នាទីស្នាក់ការរបស់ក្រុមហ៊ុនអង្គរហ្គ្រីន សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

គួររំលឹកផងដែរថា នេះជាលើទីមួយហើយនៅកម្ពុជា ដែលក្រុមហ៊ុនអង្គរហ្គ្រីន បានផ្ដល់ដំណោះស្រាយក្នុងផ្នែកកសិកម្ម។ លើសពីនេះគឺការនាំយកបច្ចេកវិទ្យា ទំនើបៗមកកម្ពុជា ពិសេសគម្រោងចម្ការស្វាយគំរូនេះតែម្ដង។

លោក វ៉ាន់ ឬទ្ធី នាយកប្រតិបត្តិអង្គរហ្គ្រីនបានលើកឡើងថា៖ « ដោយមើលឃើញថា កសិករភាគច្រើនដាំដំណាំដោយពុំមានបច្ចេកទេសច្បាស់លាស់ ជាហេតុនាំឲ្យក្រុមហ៊ុនអង្គរហ្គ្រីន សម្រេចចិត្តបង្កើតគម្រោងចម្ការស្វាយគំរូនេះឡើង ដើម្បីចូលខ្លួនដោះស្រាយបញ្ហាដំណាំទូទាំងប្រទេស»។

លោកបន្ថែមទៀតផងដែរថា ៖« ស្វាយគំរូដោយប្រើបច្ចេកវិទ្យាទំនើប នឹងនាំឲ្យផលិតផលរបស់កសិករកាន់តែមានគុណភាព នឹងអាចនាំចូលប្រកួតប្រជែងក្នុងតំបន់។ លើសពីនេះស្វាយគំរូនេះនឹងក្លាយជាកន្លែងរៀនសូត្ររបស់កសិករ ដើម្បីឲ្យកសិករយកទៅអនុវត្តន៍»។

លោកចាន់ សុធា ម្ចាស់ចំការស្វាយកែវរមៀត ១,៨០០ ដើមក្នុង ឃុំ ក្រាំងដឺវ៉ាយ ស្រុកភ្នំស្រួច ខេត្តកំពង់ស្ពឺ បានបង្ហាញថា ៖ « មូលហេតុដែលលោកចម្រេចចិត្តសហការជាមួយក្រុមហ៊ុន អង្គរហ្គ្រីន ដោយសារតែលោក មើលលើសក្ដានុពល អ្នកបច្ចេកទេសគ្រប់គ្រងស្វាយខុសរដូវ របស់អង្គរហ្គ្រីន។ ពិសេសទៀតនោះគឺប្រព័ន្ធទឹកមកពីប្រទេសអ៊ីស្រាអែល និងថ្លៃផលិតកម្មឲ្យកាន់តែមានតម្លៃទៀត ដើម្បីប្រកួតប្រជែងក្នុងតំបន់»

ចំណែកឯលោក គា បូរ៉ា ម្ចាស់ចម្ការស្វាយកែវរមៀត ១,៦០០ដើម ដែលសហការជាមួយក្រុមអង្គរហ្គ្រីន ក៏បានបង្ហាញចំណាប់អារម្មណ៍ផងដែរថា៖ « លោកសប្បាយចិត្ត ដែលបានសហការជាមួយក្រុមហ៊ុនអង្គហ្គ្រីន។ លោកមើលឃើញថា អង្គរហ្គ្រីនបានឈរលើទីផ្សាយូរ ហើយលោកក៏សង្ឃឹមផងដែរថា អង្គរហ្គ្រីន នឹងនាំឲ្យដាំណាំស្រុកខ្មែរ ជាពិសេសដំណាំរបស់លោកផ្ទាល់ទៅកាន់លក្ខណៈស្ដង់ដា ទាំង ការតប់តែងមែឃ ប្រើប្រាស់ជី ប្រព័ន្ធស្រោចស្រពទឹកទំនើបរបស់អង្គរហ្គ្រីន ជាដើម។ លោកក៏បន្ថែមផងដែរថា ៖ « ចំការស្វាយគំរូដោយប្រើបច្ចេកវិទ្យាទំនើប នឹងផ្លាស់ប្ដូរផ្នត់គំនិតរបស់ប្រជាពលរដ្ឋខ្មែរ ពីទម្លាប់ការដាំដុះបែបបុរាណ មកប្រើប្រាស់បែបទំនើប នឹងទទួលការណែនាំត្រឹមត្រូវរបស់អ្នកជំនាញ។»

ក្នុងពេលជាមួយគ្នានេះដែរ តំណាងក្រុមហ៊ុន RIVULIS លោក ផុង សាកន ដែលជាដៃគូសហការលើប្រព័ន្ធស្រោចស្រពទំនើបរបស់ក្រុមហ៊ុន អង្គហ្គ្រីន បានបង្ហាញអំពីសក្កានុពលនៃការបង្កើនផលិតផល ទិន្នផង និងគុណភាពតាមរយៈការប្រើប្រាស់បច្ចេកវិទ្យាទំនើបៗ។ លោកបន្ថែមថា ៖ «គម្រោងចម្ការស្វាយគម្រូនេះ នឹងផ្ដល់អត្ថប្រយោជន៍ ដល់កសិករខ្នាតតូច នេងម្ចាស់ ចំការស្វាយទូទាំងប្រទេស រួមទាំងសិស្សានុសិស្ស ដើម្បីមកសិក្សា ស្រាវជ្រាវ និងដកបទពិសោធន៍ និង អនុវត្តជាក់ស្ដែងសម្រាប់រយៈពេល ៥ឆ្នាំ ដែលនឹងបញ្ចប់នៅឆ្នាំ ២០២២»។