ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
Sandra Hill ក្មួយស្រីលោកប្រាក់ សុវណ្ណារ៉ា នឹងរួមចំណែកបង្កើនសមត្ថភាពបាល់ទាត់នារី
19, Jun 2018 ,
8:59 am
រូបភាព
ប្រាក់ មុន្នីឧត្តម និង Sandra Hill ដែលប្អូនជីដូនមួយ និងជាក្មួយលោកប្រាក់ សុវណ្ណារ៉ា ទាំងពីរនាក់។ រូបថតហ្វេសប៊ុក Prak Monyudom
×
ដោយ:
កីឡាការិនីបាល់ទាត់ខ្មែរ-អូស្ត្រាលី Sandra Hill ក្មួយស្រីបង្កើតរបស់លោក ប្រាក់ សុវណ្ណារ៉ា នឹងជួយក្រុមបាល់ទាត់ជម្រើសជាតិនារីកម្ពុជា នាការប្រកួតដណ្តើមពានរង្វាន់ AFF Woman’s Championship 2018 នៅប្រទេសឥណ្ឌូណេស៊ី។ Sandra ជាកីឡាការិនីបាល់ទាត់ជម្រើសប្រចាំសាកលវិទ្យាល័យ Grand Canyon នៅសហរដ្ឋអាមេរិក។ លោក ប្រាក់ សុវណ្ណារ៉ា ជឿជាក់ថា វត្តមានរបស់ Sandra នឹងជួយឲ្យក្រុមបាល់ទាត់ជម្រើសជាតិនារីកម្ពុជាកាន់តែល្អប្រសើរជាងមុខ។
លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជាមានសុទិដ្ឋិនិយមថា ការចូលរួមរបស់ Sandra Hill ដែលជាកីឡាការិនីបាល់ទាត់ជម្រើសប្រចាំសាកលវិទ្យាល័យ Grand Canyon នៅអាមេរិក នឹងជួយឲ្យក្រុមបាល់ទាត់ជម្រើសជាតិនារីកម្ពុជា មានទម្រង់លេងកាន់តែល្អ និងរឹងមាំជាងមុន។ ការជឿជាក់បែបនេះ ដោយសារ Sandra ជាខ្សែការពារ-បម្រើដ៏ល្អមួយរូបដែលពោរពេញដោយបទពិសោធក្នុងការលេងបាល់ទាត់។
«ខ្ញុំនិយាយនេះមិនមែនមើលស្រាលលើសមត្ថភាពរបស់កីឡាការិនីកម្ពុជានោះទេ Sandra នាងលេងឲ្យក្លិបកម្រិតខ្ពស់នៅអាមេរិកដែលជាប្រទេសមានការរីកចម្រើនផ្នែកបាល់ទាត់នារី និងធ្លាប់ឈ្នះជើងឯកពិភពលោក។ ដូច្នេះបើប្រៀបធៀបសមត្ថភាពរបស់នាង ជាមួយកីឡាការិនីកម្ពុជាអាចមានគន្លាតឆ្ងាយពីគ្នាបន្តិច»។ នេះជាការបញ្ជាក់របស់ លោក ប្រាក់ សុវណ្ណារ៉ា។
ជាមួយគ្នានេះ កីឡាការិនី Sandra កូនបង្កើតរបស់អ្នកស្រី ប្រាក់ ចិន្តា ត្រូវជាបងស្រីបង្កើតរបស់លោក សុវណ្ណារ៉ា មើលឃើញថា កម្ពុជាមានការអភិវឌ្ឍយឺតផ្នែកកីឡាបាល់ទាត់នារី បើធៀបនឹងសហរដ្ឋអាមេរិក ដែលមានការរីកចម្រើនផ្នែកវិស័យមួយនេះ។ ប្អូនជីដូនមួយរបស់កីឡាករ ប្រាក់ មុន្នីឧត្តម រូបនេះបានបន្តថា វត្តមាននៅលើទឹកដីកម្ពុជាលើកនេះ នឹងនឹងយកបទពិសោធដែលធ្លាប់លេងនៅអូស្ត្រាលី និងសហរដ្ឋអាមេរិកមកចែករំលែកដល់កីឡាការិនីកម្ពុជា ដើម្បីជាទុនក្នុងការអភិវឌ្ឍសមត្ថភាពឲ្យកាន់តែប្រសើរ។
ការចូលរួមជាមួយក្រុមបាល់ទាត់ជម្រើសជាតិនារីកម្ពុជារបស់កីឡាការិនីខ្មែរ-អូស្ត្រាលីលើកនេះ តបតាមការអញ្ចើញរបស់សហព័ន្ធកីឡាបាល់ទាត់កម្ពុជា។ អ្វីដែលសំខាន់ការចូលរួមរបស់ Sandra លើកនេះ គឺបានបំពេញក្តីបំណងរបស់អ្នកស្រី ប្រាក់ ចិន្តា ដែលចង់ឲ្យកូនស្រីម្នាក់ក្នុងចំណោម៤នាក់មកលេងឲ្យកម្ពុជានាពេលកន្លងមក។ Sandra បានចែករំលែកបទពិសោធថា ដើម្បីក្លាយជាកីឡាការិនីលេងបាល់ទាត់ដ៏ពូកែម្នាក់ ត្រូវខិតខំហ្វឹកហាត់ និងអនុវត្តលេងឲ្យបានច្រើន ពិសេសព្យាយាមធ្វើបែបបទ(Style)តាមអ្វីដែលយើងចង់ធ្វើ។
កីឡាការិនី Sandra Hill ជាកូនទី២ក្នុងគ្រួសារមានបងប្អូន៤នាក់ ហើយក្នុងចំណោមពួកគេទាំង៤សុទ្ធសឹងជាកីឡាការិនីបាល់ទាត់។ តាមរយៈបាល់ទាត់នេះ Sandra ទទួលបានអាហារូបករណ៍១០០ភាគរយពីសាកលវិទ្យាល័យ Grand Canyon ផ្នែកវិស្វកម្ម។ Sandra បានចាកចេញពីកម្ពុជាទៅរស់នៅប្រទេសអូស្ត្រាលីតាំងពីអាយុ៤ឆ្នាំ។ នាងបានចូលរួមហ្វឹកហាត់ជាមួយក្រុម Academy នៅអូស្ត្រាលីពេលនាងមានអាយុ៨ឆ្នាំ ពេលនោះបងស្រីរបស់នាងក៏ជាកីឡាការិនីបាល់ទាត់ផងដែរ។ តែបច្ចុប្បន្ននាងកំពុងសិក្សាផ្នែកវេជ្ជបណ្ឌិតនៅសាកលវិទ្យាល័យមួយក្នុងប្រទេសអូស្ត្រាលី។
ទោះបីមិនរំពឹងឈានដល់វគ្គពាក់កណ្តាលផ្តាច់ព្រ័ត្រ ឬផ្តាច់ព្រ័ត្រ លោក ប្រាក់ សុវណ្ណារ៉ា ដែលត្រូវជាមា របស់កីឡាការិនីខាងលើសង្ឃឹមថា ការចូលរួមរបស់ Sandra Hill នឹងជួយឲ្យកម្ពុជាទទទួលបានលទ្ធផលល្អ សម្រាប់ការប្រកួតបាល់ទាត់ដណ្តើមពានរង្វាន់ AFF Woman’s Championship ដែលរៀបចំនៅប្រទេសឥណ្ឌូណេស៊ីចន្លោះពីថ្ងៃទី៣០ មិថុនា ដល់ថ្ងៃទី១៣ កក្កដា ឆ្នាំ២០១៨។ សម្រាប់ការប្រកួតនេះ កម្ពុជាស្ថិតនៅក្នុងពូល A ជាមួយថៃ អូស្ត្រាលី ម៉ាឡេស៊ី និងទីម័រខាងកើត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ទាត់
ប្រាក់ សុវណ្ណារ៉ា
Sandra Hill
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
7 ថ្ងៃ
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
2 ថ្ងៃ
អត្ថបទពេញនិយមបន្ថែម