អន្តរជាតិ
ក្រុមហ៊ុនអាកាសចរណ៍ជប៉ុនប្តូរឈ្មោះតៃវ៉ាន់ទៅ «ចិន-តៃវ៉ាន់»លើគេហទំព័រខ្លួន ធ្វើឲ្យកោះតៃវ៉ាន់ក្តៅក្រហាយ
×![]()
ដោយ: ថ្មីៗ
ក្រុមហ៊ុនអាកាសចរណ៍ជប៉ុនធំៗចំនួនពីរបានសម្រេចប្តូរពីឈ្មោះតៃវ៉ាន់ទៅ «ចិន-តៃវ៉ាន់» ក្នុងគេហទំព័រផ្លូវការរបស់ខ្លួនដែលជាភាសាចិន។ ការសម្រេចប្តូរឈ្មោះនេះធ្វើឲ្យរដ្ឋាភិបាលចិនសប្បាយចិត្ត ប៉ុន្តែវាក៏ធ្វើឲ្យកោះតៃវ៉ាន់ក្តៅក្រហាយខ្លាំងដែរ។
ដើម្បីសម្រួលដល់ការប្រើប្រាស់សេវារបស់អតិថិជន ក្រុមហ៊ុនអាកាសចរណ៍ជប៉ុនធំៗពីរមាន ANA និង ក្រុមហ៊ុន JAL បានសម្រេចប្តូរឈ្មោះ តៃវ៉ាន់ ទៅជាចិន-តៃវ៉ាន់ វិញក្នុងគេហទំព័រផ្លូវការរបស់ខ្លួន។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។
មន្ត្រីប្រចាំក្រុមហ៊ុនអាកាសចរណ៍ខាងលើបានអះអាងថា ការប្តូរឈ្មោះនេះ ធ្វើឡើងតាមរយៈការសម្រេចចិត្តកាលពីថ្ងៃ ១២ ខែមិថុនាកន្លងមក។ អ្នកតាមដានយល់ថា ការសម្រេចប្តូរឈ្មោះនេះទំនងជាធ្វើឲ្យមហាអំណាចចិនសប្បាយយចិត្ត ហើយក៏ធ្វើឲ្យកោះតៃវ៉ាន់ខឹងសម្បារផងដែរ។
អ្នកនាំពាក្យក្រុមហ៊ុនអាកាសចរណ័ JAL បានថ្លែងដូច្នេះថា៖«យើងបានសម្រេចប្តូរឈ្មោះ ក្រោយប្រឹក្សា និងផ្តល់ដំណឹងដល់ក្រសួងការដឹកជញ្ជូន និងក្រសួងការបរទេសរួចរាល់។ ការសម្រេចនេះធ្វើឡើងនៅថ្ងៃ ១២មិថុនា ហើយយើងក៏ចាប់ផ្តើមដំណើរការបន្ទាប់មកនោះ។ អ្វីដែលយើងធ្វើគឺជ្រើសរើសការពិពណ៌នាដែលងាយស្រួលយក និងអាចទទួលយកបានសម្រេចអតិថិជនដែលប្រើប្រាស់គេហទំព័រយើង»។
ខាងក្រុមហ៊ុន ANA ក៏អះអាងដូចគ្នាថា ការប្តូរឈ្មោះវាគ្មានអ្វីពាក់ព័ន្ធនឹងកិច្ចការនយោបាយឬការទូតអ្វីទេ ប៉ុន្តែវាជាការសម្រួលដល់ការប្រើប្រាស់របស់អតិថិជនទាំងអស់ប៉ុណ្ណោះ។
យ៉ាងណាក៏ដោយ ក្រុមហ៊ុនអាកាសចរណ៍ទាំងពីរបានបញ្ជាក់ថាមកដល់ពេលនេះ ខ្លួនមិនទាន់បានទទួលលិខិតតវ៉ាពីខាងភាគីតៃវ៉ាន់ឡើយ ប៉ុន្តែប្រព័ន្ធផ្សព្វផ្សាយជប៉ុន NHK ផ្សាយថា ក្រសួងការបរទេសតៃវ៉ាន់នឹងចេញលិខិតតវ៉ាមួយតាមរយៈបេសកកម្មការទូតក្រុងតៃប៉ិកនៅជប៉ុនផងនៅពេលខាងមុខជុំវិញការប្តូរឈ្មោះនេះ។
តាមពិតទៅ ក្រុមហ៊ុនអាកាសចរណ៍ជប៉ុនមិនមែនជាក្រុមហ៊ុនទីមួយដែលប្តូរឈ្មោះឡើយ។ ដើមខែនេះ ក្រុមហ៊ុនអាកាសចរណ៍អូស្ត្រាលី Qantas បានសម្រេចដាក់កោះតៃវ៉ាន់ជាផ្នែកមួយរបស់ចិនថែមទៀត ។ ការសម្រេចផ្លាស់ប្តូរជាបន្តបន្ទាប់នេះ ទំនងជាឆ្លើយតបនឹងការស្នើសុំរបស់ភ្នាក់ងារអាកាសចរណ៍រដ្ឋចិនកាលពីខែមេសា ដែលចង់ឲ្យក្រុមហ៊ុនអាកាសចរណ៍បរទេស ៣៦ អនុវត្តតាមស្តង់ដាររបស់ខ្លួនដែលចាត់ទុកហុងកុង ម៉ាកាវ និងតៃវ៉ាន់ជាទឹកដីរបស់ចិន។
ជាទូទៅជប៉ុនមានទំនាក់ទំនងពាណិជ្ជកម្មជិតស្និទ្ធជាមួយកោះតៃវ៉ាន់ ប៉ុន្តែប្រទេសនេះនៅទទួលស្គាល់គោលនយោបាយចិនតែមួយដែលកំណត់ថា កោះតៃវ៉ាន់ជាដែនដីរបស់ចិន។ ចុងក្រោយ ទំនាក់ទំនងរវាងជប៉ុនជាមួយចិន ហាក់កាន់តែប្រសើរឡើង បើទោះជាជម្លោះដែនកោះឌៀវយូ ឬកោះសេនកាគូនោះមិនទាន់អាចដោះស្រាយបានក៏ដោយ៕
ដើម្បីសម្រួលដល់ការប្រើប្រាស់សេវារបស់អតិថិជន ក្រុមហ៊ុនអាកាសចរណ៍ជប៉ុនធំៗពីរមាន ANA និង ក្រុមហ៊ុន JAL បានសម្រេចប្តូរឈ្មោះ តៃវ៉ាន់ ទៅជាចិន-តៃវ៉ាន់ វិញក្នុងគេហទំព័រផ្លូវការរបស់ខ្លួន។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។
មន្ត្រីប្រចាំក្រុមហ៊ុនអាកាសចរណ៍ខាងលើបានអះអាងថា ការប្តូរឈ្មោះនេះ ធ្វើឡើងតាមរយៈការសម្រេចចិត្តកាលពីថ្ងៃ ១២ ខែមិថុនាកន្លងមក។ អ្នកតាមដានយល់ថា ការសម្រេចប្តូរឈ្មោះនេះទំនងជាធ្វើឲ្យមហាអំណាចចិនសប្បាយយចិត្ត ហើយក៏ធ្វើឲ្យកោះតៃវ៉ាន់ខឹងសម្បារផងដែរ។
អ្នកនាំពាក្យក្រុមហ៊ុនអាកាសចរណ័ JAL បានថ្លែងដូច្នេះថា៖«យើងបានសម្រេចប្តូរឈ្មោះ ក្រោយប្រឹក្សា និងផ្តល់ដំណឹងដល់ក្រសួងការដឹកជញ្ជូន និងក្រសួងការបរទេសរួចរាល់។ ការសម្រេចនេះធ្វើឡើងនៅថ្ងៃ ១២មិថុនា ហើយយើងក៏ចាប់ផ្តើមដំណើរការបន្ទាប់មកនោះ។ អ្វីដែលយើងធ្វើគឺជ្រើសរើសការពិពណ៌នាដែលងាយស្រួលយក និងអាចទទួលយកបានសម្រេចអតិថិជនដែលប្រើប្រាស់គេហទំព័រយើង»។
ខាងក្រុមហ៊ុន ANA ក៏អះអាងដូចគ្នាថា ការប្តូរឈ្មោះវាគ្មានអ្វីពាក់ព័ន្ធនឹងកិច្ចការនយោបាយឬការទូតអ្វីទេ ប៉ុន្តែវាជាការសម្រួលដល់ការប្រើប្រាស់របស់អតិថិជនទាំងអស់ប៉ុណ្ណោះ។
យ៉ាងណាក៏ដោយ ក្រុមហ៊ុនអាកាសចរណ៍ទាំងពីរបានបញ្ជាក់ថាមកដល់ពេលនេះ ខ្លួនមិនទាន់បានទទួលលិខិតតវ៉ាពីខាងភាគីតៃវ៉ាន់ឡើយ ប៉ុន្តែប្រព័ន្ធផ្សព្វផ្សាយជប៉ុន NHK ផ្សាយថា ក្រសួងការបរទេសតៃវ៉ាន់នឹងចេញលិខិតតវ៉ាមួយតាមរយៈបេសកកម្មការទូតក្រុងតៃប៉ិកនៅជប៉ុនផងនៅពេលខាងមុខជុំវិញការប្តូរឈ្មោះនេះ។
តាមពិតទៅ ក្រុមហ៊ុនអាកាសចរណ៍ជប៉ុនមិនមែនជាក្រុមហ៊ុនទីមួយដែលប្តូរឈ្មោះឡើយ។ ដើមខែនេះ ក្រុមហ៊ុនអាកាសចរណ៍អូស្ត្រាលី Qantas បានសម្រេចដាក់កោះតៃវ៉ាន់ជាផ្នែកមួយរបស់ចិនថែមទៀត ។ ការសម្រេចផ្លាស់ប្តូរជាបន្តបន្ទាប់នេះ ទំនងជាឆ្លើយតបនឹងការស្នើសុំរបស់ភ្នាក់ងារអាកាសចរណ៍រដ្ឋចិនកាលពីខែមេសា ដែលចង់ឲ្យក្រុមហ៊ុនអាកាសចរណ៍បរទេស ៣៦ អនុវត្តតាមស្តង់ដាររបស់ខ្លួនដែលចាត់ទុកហុងកុង ម៉ាកាវ និងតៃវ៉ាន់ជាទឹកដីរបស់ចិន។
ជាទូទៅជប៉ុនមានទំនាក់ទំនងពាណិជ្ជកម្មជិតស្និទ្ធជាមួយកោះតៃវ៉ាន់ ប៉ុន្តែប្រទេសនេះនៅទទួលស្គាល់គោលនយោបាយចិនតែមួយដែលកំណត់ថា កោះតៃវ៉ាន់ជាដែនដីរបស់ចិន។ ចុងក្រោយ ទំនាក់ទំនងរវាងជប៉ុនជាមួយចិន ហាក់កាន់តែប្រសើរឡើង បើទោះជាជម្លោះដែនកោះឌៀវយូ ឬកោះសេនកាគូនោះមិនទាន់អាចដោះស្រាយបានក៏ដោយ៕
Tag:
ចិន
តៃវ៉ាន
ក្រុមហ៊ុនអាកាសចរណ៍
ជប៉ុន
© រក្សាសិទ្ធិដោយ thmeythmey.com
