ជាតិ
លោក Chau Van Chi ប្រធានសមាគមខ្មែរ-វៀតណាម បង្ហាញត្រាថ្មី និងលក្ខន្តិករបស់សមាគមដល់ក្រុមប្រឹក្សាភិបាលរបស់ខ្លួន។ រូបពី Vietnam Plus
×![]()
ដោយ: ថ្មីៗ
សារព័ត៌មានវៀតណាមមួយឈ្មោះ Vietnam Plus បានចុះផ្សាយថា សមាគមខ្មែរ-វៀតណាម (KVA) ដែលមានការិយាល័យគ្រប់រាជធានី-ខេត្ត ក្នុងប្រទេសកម្ពុជា ត្រូវបានក្រសួងមហាផ្ទៃ យល់ព្រមចុះបញ្ជីឲ្យជាផ្លូវការ។ សារព័ត៌មាននេះ បានឲ្យដឹងថា ក្រោយចុះបញ្ជីនៅក្រសួងមហាផ្ទៃ សមាគមវៀតណាម នឹងអាចដំណើរការដោយស្របទៅតាមច្បាប់ស្តីពីសមាគមនិងអង្គការមិនមែនរដ្ឋាភិបាលនៅកម្ពុជា។
សារព័ត៌មានខាងលើ បានយកប្រការមួយក្នុងលក្ខន្តិករបស់សមាគមវៀតណាម ទៅចុះផ្សាយថា សមាគមវៀតណាម មានបំណងប្រមូលផ្តុំជនជាតិវៀតណាម ដែលមានសញ្ញាតិខ្មែរ រួមទាំងជនជាតិវៀតណាមដទៃទៀត ដែលកំពុងរស់នៅក្នុងប្រទេសកម្ពុជា ហើយនឹងជួយជ្រោមជ្រែងពួកគេ ទាំងផ្នែកស្មារតីនិងសម្ភារៈផ្សេងៗ។ ប្រភពខាងលើ បន្តថា សមាគមនេះ នឹងជួយចូលរួមផ្សព្វផ្សាយពីប្រពៃណីខ្មែរ និងច្បាប់របស់ប្រទេសកម្ពុជា ហើយចូលរួមជាមួយរដ្ឋាភិបាលកម្ពុជា ក្នុងការជំរុញការងារមនុស្សធម៌។
«សមាគមវៀតណាម គ្មានការរើសអើងពូជសាសន៍ និងសាសនានោះទេ ដោយគ្រាន់តែចង់ផ្តល់ផលប្រយោជន៍ដល់សមាជិករបស់ខ្លួនប៉ុណ្ណោះ»។ នេះគឺជាសម្តីរបស់លោក Chau Van Chi ប្រធានសមាគមវៀតណាម ដែលត្រូវបានសារព័ត៌មាន Vietnam Plus ស្រង់យកទៅចុះផ្សាយ។
យ៉ាងណាក៏ដោយ លោក ខៀវ សុភ័គ អ្នកនាំពាក្យក្រសួងមហាផ្ទៃ មិនអាចធ្វើអត្ថាធិប្បាយបានទេ ជុំវិញការចុះបញ្ជីឲ្យសមាគមវៀតណាម ដោយលោកបកស្រាយថា មិនទាន់ទទួលបានព័ត៌មាននេះច្បាស់លាស់។
ចំណែកលោក ប៊ុន ហុន អនុរដ្ឋលេខាធិការក្រសួងមហាផ្ទៃ ក៏មិនទាន់ដឹងច្បាស់ដូចគ្នា ចំពោះព័ត៌មាននេះ។ លោកប្រាប់ថា ទាល់តែលោក ពិនិត្យនិងស្វែងរកមើលឈ្មោះសមាគមនេះក្នុងបញ្ជីជាមុនសិន ទើបអាចបញ្ជាក់បានថា ពិតជាត្រូវបានចុះបញ្ជីមែនឬយ៉ាងណា។
ទោះជាមិនទាន់អាចបញ្ជាក់បានក្តី ប៉ុន្តែ អនុរដ្ឋលេខាធិការ ដែលជំនាញផ្នែកច្បាប់រូបនេះ បានបកស្រាយជាទូទៅថា ការចុះបញ្ជីសមាគម គឺជារឿងធម្មតា ដោយគ្មានអ្វីដែលត្រូវព្រួយបារម្ភនោះទេ។ លោក សង្កត់ធ្ងន់ថា រឿងដែលសំខាន់ គឺសមាគមនីមួយៗ មានលក្ខន្តិក ហើយត្រូវបានបង្កើតឡើងដោយត្រឹមត្រូវទៅតាមច្បាប់។
លោក ប៊ុន ហុន ដែលធ្លាប់ធ្វើជាប្រធានគណៈមេធាវីកម្ពុជា បាននិយាយយ៉ាងដូច្នេះថា៖«អត់មានបញ្ហាអ្វីទេ ព្រោះឥឡូវយើងមានសមាគមគរគោកហ្នឹង។ សំខាន់ ថាតើសមាគមនីមួយៗ បង្កើតឡើងត្រឹមត្រូវតាមច្បាប់ឬទេ ហើយមានគោលបំណងអី្វ? បើគេ គោរពច្បាប់ គោរពរដ្ឋធម្មនុញ្ញយើង ហើយធ្វើតាមលក្ខខណ្ឌយើង យើងចុះបញ្ជីឲ្យហើយ។ យើងគ្មានអី្វត្រូវប្រកែក មិនចុះឲ្យគេទេ។ ឧបមាថា យើងទៅស្រុកគេ ក៏យើងមានសមាគមខ្មែរ មានអង្គការផ្សេងៗ ដូចតែគ្នាទេ»៕
សារព័ត៌មានខាងលើ បានយកប្រការមួយក្នុងលក្ខន្តិករបស់សមាគមវៀតណាម ទៅចុះផ្សាយថា សមាគមវៀតណាម មានបំណងប្រមូលផ្តុំជនជាតិវៀតណាម ដែលមានសញ្ញាតិខ្មែរ រួមទាំងជនជាតិវៀតណាមដទៃទៀត ដែលកំពុងរស់នៅក្នុងប្រទេសកម្ពុជា ហើយនឹងជួយជ្រោមជ្រែងពួកគេ ទាំងផ្នែកស្មារតីនិងសម្ភារៈផ្សេងៗ។ ប្រភពខាងលើ បន្តថា សមាគមនេះ នឹងជួយចូលរួមផ្សព្វផ្សាយពីប្រពៃណីខ្មែរ និងច្បាប់របស់ប្រទេសកម្ពុជា ហើយចូលរួមជាមួយរដ្ឋាភិបាលកម្ពុជា ក្នុងការជំរុញការងារមនុស្សធម៌។
«សមាគមវៀតណាម គ្មានការរើសអើងពូជសាសន៍ និងសាសនានោះទេ ដោយគ្រាន់តែចង់ផ្តល់ផលប្រយោជន៍ដល់សមាជិករបស់ខ្លួនប៉ុណ្ណោះ»។ នេះគឺជាសម្តីរបស់លោក Chau Van Chi ប្រធានសមាគមវៀតណាម ដែលត្រូវបានសារព័ត៌មាន Vietnam Plus ស្រង់យកទៅចុះផ្សាយ។
យ៉ាងណាក៏ដោយ លោក ខៀវ សុភ័គ អ្នកនាំពាក្យក្រសួងមហាផ្ទៃ មិនអាចធ្វើអត្ថាធិប្បាយបានទេ ជុំវិញការចុះបញ្ជីឲ្យសមាគមវៀតណាម ដោយលោកបកស្រាយថា មិនទាន់ទទួលបានព័ត៌មាននេះច្បាស់លាស់។
ចំណែកលោក ប៊ុន ហុន អនុរដ្ឋលេខាធិការក្រសួងមហាផ្ទៃ ក៏មិនទាន់ដឹងច្បាស់ដូចគ្នា ចំពោះព័ត៌មាននេះ។ លោកប្រាប់ថា ទាល់តែលោក ពិនិត្យនិងស្វែងរកមើលឈ្មោះសមាគមនេះក្នុងបញ្ជីជាមុនសិន ទើបអាចបញ្ជាក់បានថា ពិតជាត្រូវបានចុះបញ្ជីមែនឬយ៉ាងណា។
ទោះជាមិនទាន់អាចបញ្ជាក់បានក្តី ប៉ុន្តែ អនុរដ្ឋលេខាធិការ ដែលជំនាញផ្នែកច្បាប់រូបនេះ បានបកស្រាយជាទូទៅថា ការចុះបញ្ជីសមាគម គឺជារឿងធម្មតា ដោយគ្មានអ្វីដែលត្រូវព្រួយបារម្ភនោះទេ។ លោក សង្កត់ធ្ងន់ថា រឿងដែលសំខាន់ គឺសមាគមនីមួយៗ មានលក្ខន្តិក ហើយត្រូវបានបង្កើតឡើងដោយត្រឹមត្រូវទៅតាមច្បាប់។
លោក ប៊ុន ហុន ដែលធ្លាប់ធ្វើជាប្រធានគណៈមេធាវីកម្ពុជា បាននិយាយយ៉ាងដូច្នេះថា៖«អត់មានបញ្ហាអ្វីទេ ព្រោះឥឡូវយើងមានសមាគមគរគោកហ្នឹង។ សំខាន់ ថាតើសមាគមនីមួយៗ បង្កើតឡើងត្រឹមត្រូវតាមច្បាប់ឬទេ ហើយមានគោលបំណងអី្វ? បើគេ គោរពច្បាប់ គោរពរដ្ឋធម្មនុញ្ញយើង ហើយធ្វើតាមលក្ខខណ្ឌយើង យើងចុះបញ្ជីឲ្យហើយ។ យើងគ្មានអី្វត្រូវប្រកែក មិនចុះឲ្យគេទេ។ ឧបមាថា យើងទៅស្រុកគេ ក៏យើងមានសមាគមខ្មែរ មានអង្គការផ្សេងៗ ដូចតែគ្នាទេ»៕
Tag:
សមាគមវៀតណាម
ប៊ុន ហុន
© រក្សាសិទ្ធិដោយ thmeythmey.com
