អន្តរជាតិ
រូបភាព AFP
×![]()
ដោយ: តន ចាន់រិទ្ធារ៉ា
នៅថ្ងៃទី១៨ ខែមិថុនា ប្រធានាធិបតីអាមេរិក ដូណាល់ ត្រាំ បានចេញបញ្ជាឲ្យក្រសួងការពារជាតិអាមេរិកបង្កើតអង្គភាពទ័ពលំហអាកាសថ្មីមួយក្នុងគោលដៅការពារឥទ្ធិពលអាមេរិកលើលំហដ៏ល្វឹងល្វើយ។ គំនិតបង្កើតអង្គភាពទ័ពថ្មីនេះមិនមែនជារឿងថ្មីឡើយ ហើយក៏មានមតិប្រឆាំងមិនតិចដែរ ជាពិសេសពីសំណាក់កងទ័ពអាកាស និងសមាជិកសភាខ្លះដែរ។ លើសពីនោះ លោក ត្រាំ ត្រូវឆ្លងកាត់សភាសិន មុននឹងអង្គភាពថ្មីស្របច្បាប់។
អាមេរិកអាចមានអង្គភាពទ័ពទី៦ ចំណុះកងទ័ពរបស់ខ្លួន បន្ទាប់ពីប្រធានាធិបតី ដូណាល់ ត្រាំ ប្រាប់ឲ្យមន្ទីរបញ្ចកោណចាប់ផ្ដើមនីតិវិធីចាំបាច់ក្នុងការបង្កើតអង្គភាពទ័ពលំហអាកាស។ គោលដៅនៃអង្គភាពទ័ពថ្មី គឺការពារផលប្រយោជន៍អាមេរិកនៅលើលំហអាកាស ក៏ដូចជាពង្រឹងអានុភាពអាមេរិកក្នុងនាមជាមហាអំណាចលំហអាកាសផងដែរ ខណៈគូប្រជែងផ្សេងទៀតដូចជារុស្ស៊ី ចិនជាដើម ក៏បានបង្កើនសមត្ថភាពលើវិស័យនេះដូចគ្នា។
ក្នុងជំនួបក្រុមប្រឹក្សាលំហអាកាសជាតិនៅសេតវិមាននៅថ្ងៃទី១៨ ខែមិថុនា លោក ត្រាំ និយាយថា វាមិនគ្រប់ទេដោយគ្រាន់តែអាមេរិកមានវត្តមាននៅលំហអាកាសនោះ តែអាមេរិកត្រូវមានឧត្តមានុភាពលើអាកាសផង។ យោងតាមទីភ្នាក់ងារព័ត៌មាន AFP ប្រធានាធិបតីអាមេរិករូបនេះបន្តថា៖ «យើងនឹងមានកងទ័ពអាកាស ហើយយើងនឹងមានកម្លាំងទ័ពលំហអាកាសដែរ។ ជាអង្គភាពផ្សេងគ្នា តែមានឋានៈស្មើគ្នា។»
ក្រោយការចេញបញ្ជារបស់លោក ត្រាំ ក្រសួងការពារជាតិអាមេរិកក៏ចាប់ផ្ដើមការងាររបស់ខ្លួនដែរ។ អ្នកនាំពាក្យមន្ទីរបញ្ចកោណ Dana White អះអាងថា គណៈកម្មាធិការគោលនយោបាយរបស់ក្រសួង នឹងធ្វើការងារនេះ ដែលជាប់ទាក់ទងប្រតិបត្តិការចារកម្មរបស់អង្គភាពទ័ពជើងគោក ជើងអាកាស ជើងទឹក និងកម្លាំងទ័ពម៉ារីនផង។ ក្រសួងការពារជាតិអាមេរិកនឹងសហការជាមួយសភាដើម្បីឲ្យទទួលយកអនុសាសន៍ពីភាគីពាក់ព័ន្ធដទៃ។
ផែនការបង្កើតអង្គភាពថ្មីដែលផ្ដាច់យកអង្គភាពលំហអាកាសពីទ័ពអាកាស ត្រូវបានលោក ត្រាំ និងរដ្ឋបាលអាមេរិកមុនៗលើកឡើងជាយូរហើយ ប៉ុន្តែជារឿងមិនដាច់ស្រេច ដ្បិតប៉ះពាល់ដល់កម្លាំងអាកាសជាខ្លាំង។ លោក ត្រាំ ត្រូវស្វែងរកការគាំទ្រពីសភាដើម្បីបង្កើតច្បាប់មួយសំដៅធ្វើឲ្យអង្គភាពថ្មីនេះស្របតាមច្បាប់។ លើសពីនោះ រដ្ឋបាលលោក ត្រាំ ក៏ត្រូវការការអនុម័តហិរញ្ញវត្ថុចាំបាច់ពីសភាដែរ ប៉ុន្តែសមាជិកសភាខ្លះមិនគាំទ្រគំនិតនេះឡើយ។
ជាមួយនឹងកម្លាំងទ័ពថ្មីដើម្បីការពារប្រយោជន៍ផ្ទាល់ខ្លួន គេមិនទាន់ដឹងច្បាស់ថា អាមេរិកអាចបញ្ជូនអាវុធនានាទៅកាន់ទីអវកាសឬយ៉ាងណាឡើយ។ អាមេរិកក៏ជាសមាជិកមួយនៃសន្ធិសញ្ញាលំហអាកាសខាងក្រៅឆ្នាំ១៩៦៧ ដែលសន្ធិសញ្ញានេះហាមប្រាមការពង្រាយអាវុធប្រល័យលោកនៅលំហអាកាស តែអនុញ្ញាតឲ្យប្រើប្រាស់ឋានព្រះចន្ទក្នុងគោលដៅសន្តិភាពប៉ុណ្ណោះ៕
អាមេរិកអាចមានអង្គភាពទ័ពទី៦ ចំណុះកងទ័ពរបស់ខ្លួន បន្ទាប់ពីប្រធានាធិបតី ដូណាល់ ត្រាំ ប្រាប់ឲ្យមន្ទីរបញ្ចកោណចាប់ផ្ដើមនីតិវិធីចាំបាច់ក្នុងការបង្កើតអង្គភាពទ័ពលំហអាកាស។ គោលដៅនៃអង្គភាពទ័ពថ្មី គឺការពារផលប្រយោជន៍អាមេរិកនៅលើលំហអាកាស ក៏ដូចជាពង្រឹងអានុភាពអាមេរិកក្នុងនាមជាមហាអំណាចលំហអាកាសផងដែរ ខណៈគូប្រជែងផ្សេងទៀតដូចជារុស្ស៊ី ចិនជាដើម ក៏បានបង្កើនសមត្ថភាពលើវិស័យនេះដូចគ្នា។
ក្នុងជំនួបក្រុមប្រឹក្សាលំហអាកាសជាតិនៅសេតវិមាននៅថ្ងៃទី១៨ ខែមិថុនា លោក ត្រាំ និយាយថា វាមិនគ្រប់ទេដោយគ្រាន់តែអាមេរិកមានវត្តមាននៅលំហអាកាសនោះ តែអាមេរិកត្រូវមានឧត្តមានុភាពលើអាកាសផង។ យោងតាមទីភ្នាក់ងារព័ត៌មាន AFP ប្រធានាធិបតីអាមេរិករូបនេះបន្តថា៖ «យើងនឹងមានកងទ័ពអាកាស ហើយយើងនឹងមានកម្លាំងទ័ពលំហអាកាសដែរ។ ជាអង្គភាពផ្សេងគ្នា តែមានឋានៈស្មើគ្នា។»
ក្រោយការចេញបញ្ជារបស់លោក ត្រាំ ក្រសួងការពារជាតិអាមេរិកក៏ចាប់ផ្ដើមការងាររបស់ខ្លួនដែរ។ អ្នកនាំពាក្យមន្ទីរបញ្ចកោណ Dana White អះអាងថា គណៈកម្មាធិការគោលនយោបាយរបស់ក្រសួង នឹងធ្វើការងារនេះ ដែលជាប់ទាក់ទងប្រតិបត្តិការចារកម្មរបស់អង្គភាពទ័ពជើងគោក ជើងអាកាស ជើងទឹក និងកម្លាំងទ័ពម៉ារីនផង។ ក្រសួងការពារជាតិអាមេរិកនឹងសហការជាមួយសភាដើម្បីឲ្យទទួលយកអនុសាសន៍ពីភាគីពាក់ព័ន្ធដទៃ។
ផែនការបង្កើតអង្គភាពថ្មីដែលផ្ដាច់យកអង្គភាពលំហអាកាសពីទ័ពអាកាស ត្រូវបានលោក ត្រាំ និងរដ្ឋបាលអាមេរិកមុនៗលើកឡើងជាយូរហើយ ប៉ុន្តែជារឿងមិនដាច់ស្រេច ដ្បិតប៉ះពាល់ដល់កម្លាំងអាកាសជាខ្លាំង។ លោក ត្រាំ ត្រូវស្វែងរកការគាំទ្រពីសភាដើម្បីបង្កើតច្បាប់មួយសំដៅធ្វើឲ្យអង្គភាពថ្មីនេះស្របតាមច្បាប់។ លើសពីនោះ រដ្ឋបាលលោក ត្រាំ ក៏ត្រូវការការអនុម័តហិរញ្ញវត្ថុចាំបាច់ពីសភាដែរ ប៉ុន្តែសមាជិកសភាខ្លះមិនគាំទ្រគំនិតនេះឡើយ។
ជាមួយនឹងកម្លាំងទ័ពថ្មីដើម្បីការពារប្រយោជន៍ផ្ទាល់ខ្លួន គេមិនទាន់ដឹងច្បាស់ថា អាមេរិកអាចបញ្ជូនអាវុធនានាទៅកាន់ទីអវកាសឬយ៉ាងណាឡើយ។ អាមេរិកក៏ជាសមាជិកមួយនៃសន្ធិសញ្ញាលំហអាកាសខាងក្រៅឆ្នាំ១៩៦៧ ដែលសន្ធិសញ្ញានេះហាមប្រាមការពង្រាយអាវុធប្រល័យលោកនៅលំហអាកាស តែអនុញ្ញាតឲ្យប្រើប្រាស់ឋានព្រះចន្ទក្នុងគោលដៅសន្តិភាពប៉ុណ្ណោះ៕
Tag:
អាមេរិក
ដូណាល់ ត្រាំ
លំហអាកាស
© រក្សាសិទ្ធិដោយ thmeythmey.com
