កម្ពុជា ចូលរួមពិភាក្សា និងដោះស្រាយបញ្ហា៣ ជាមួយប្រទេស៥ទៀត នាកិច្ចប្រជុំជាន់ខ្ពស់ក្របខណ្ឌ«វិថីមួយ និងខ្សែក្រវ៉ាត់មួយ»

ជាតិ

សេដ្ឋកិច្ច

កម្ពុជា ចូលរួមពិភាក្សា និងដោះស្រាយបញ្ហា៣ ជាមួយប្រទេស៥ទៀត នាកិច្ចប្រជុំជាន់ខ្ពស់ក្របខណ្ឌ«វិថីមួយ និងខ្សែក្រវ៉ាត់មួយ»

27, Jun 2018 , 6:59 am

រូបភាព

លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ

ដោយ: អ៊ូ សុខមាន (OU Sokmean)

លោក វេង សាខុន រដ្ឋមន្ត្រីក្រសួងកសិកម្ម និងជាតំណាងប្រទេសកម្ពុជា នឹងចូលរួមពិភាក្សាដោះស្រោយបញ្ហាចម្បងៗចំនួន៣ ជាមួយអ្នកតំណាង៥ប្រទេសទៀត នៅក្នុងកិច្ចប្រជុំជាន់ខ្ពស់ ក្រោមក្របខណ្ឌ «វិថីមួយ និងខ្សែក្រវ៉ាត់មួយ»ជាលើកដំបូង។ កិច្ចប្រជុំនេះ នឹងប្រព្រឹត្តទៅ ថ្ងៃទី២៧ និងទី២៨ ខែមិថុនា នៅទីក្រុងហុងកុង ដើម្បីជំរុញឱកាសវិនិយោគជាតិ គម្រោងឧស្សាហកម្មចំណីអាហារ និងកសិកម្មដោយបង្កើនបណ្តាញកិច្ចសហការអន្តរជាតិ។

លោក វេង សាខុន បានបញ្ជាក់ក្នុងសេចក្តីជូនដំណឹងរបស់ក្រសួងកសិកម្ម ដែលចេញផ្សាយនៅថ្ងៃទី២៦ ខែមិថុនា ថា បញ្ហា៣ ដែលត្រូវពិភាក្សា និងដោះស្រាយ មាន ១.បញ្ហាប្រឈម និងឱកាសនៃការធ្វើពាណិជ្ជកម្មកសិ-ចំណីអាហារ ក្រោមក្របខណ្ឌវិថីមួយនិងខ្សែក្រវ៉ាត់មួយ។ ២. បរិយាកាសវិនិយោគសម្រាប់ឧស្សាហកម្មចំណីអាហារ និងកសិកម្ម រួមទាំងទស្សនវិស័យទីផ្សារ នៃបណ្តាប្រទេសក្របខណ្ឌវិថីមួយ និងខ្សែក្រវ៉ាត់មួយ និងបញ្ហាទី៣. តើអ្វីខ្លះដែលអាចពាក់ព័ន្ធនឹងគោលនយោបាយជាតិ ស្តីពីឧស្សាហកម្មកសិ-ចំណីអាហារ និង បណ្តាប្រទេសក្របខណ្ឌវិថីមួយ និងខ្សែក្រវ៉ាត់មួយ៕