ជាតិ
រូបភាពហ្វេសប៊ុកក្រសួងអប់រំ
×![]()
ភ្នំពេញ៖ ការសិក្សាយកចំណេះដឹងនៅសាលារៀន ជាវិជ្ជាសម្បទា ឬបំនិនសម្បទា និងអាកប្បកិរិយាល្អ ជាចរិយាសម្បទា ជាគុណសម្បត្តិ នៃបំនិនសតវត្សរ៍ទី២១ ដូច្នេះ សិស្ស-និស្សិត ត្រូវចេះត្រិះរិះពិចារណា ដោះស្រាយបញ្ហា ធ្វើការងារជាក្រុម ចេះជួយទុក្ខធុរៈគ្នាទៅវិញទៅមក ទាំងអស់នេះទទួលបានការសូត្រពីរៀននៅសាលា និងក្រៅសាលាផងដែរ។ នេះជាការលើកឡើងរបស់ លោក ហង់ ជួន ណារ៉ុន ក្នុងពិធីបើកការប្រកួតសម្ដែងមតិ និងវោហារសព្ទឆ្នើម The Perspective Cambodia វគ្គផ្ដាច់ព្រ័ត្រ កាលពីថ្ងៃទី២៣ ខែមិថុនា នៅវិទ្យាស្ថានបច្ចេកវិទ្យាកម្ពុជា។
លោក ហង់ ជួន ណារ៉ុនបានបន្តថា បច្ចុប្បន្នយើងសង្កេរឃើញថា មានយុវជនយើងបានចូលរួម គឺនៅពេលមានបញ្ហា ជាឱកាសមួយ ដែលពួកគេបានត្រៀមខ្លួន នៅថ្ងៃខាងមុខ និងជា សសរទ្រូងនៃប្រទេសជាតិ ត្រូវមានទាំងចំណេះដឹង បំនិន និងជំនាញផ្សេងៗ ហើយជំនាញនោះ មិនត្រឹមតែជាជំនាញចំណេះដឹងប៉ុណ្ណោះទេ ក៏ប៉ុន្តែជាជំនាញ ដែលចេញទៅដោះស្រាយបញ្ហាផងដែរ។
មូលហេតុអ្វីបានជាយើងហៅថា បំនិនសតវត្សរ៍ទី២១? ពីព្រោះថាបច្ចេកទេសជឿនលឿន ចំណេះដឹងក៏ដើរលឿនផងដែរ សូម្បីតែទូរសព្ទដៃក៏ជឿនលឿន។ អ៊ីចឹងនៅពេលបច្ចេកវិទ្យាជឿនលឿន យើងត្រូវត្រៀមអ្វីខ្លះ? នេះជាសំណួរពញ្ញាក់អារម្មណ៍ដែលរដ្ឋមន្ត្រីក្រសួងអប់រំ បានចោទឡើងក្នុងវេទិកាខាងលើ ដើម្បីឲ្យសិស្ស-និស្សិត ត្រៀមខ្លួនក្នុងសតវត្សរ៍ទី២១នេះ។
លោក រដ្ឋមន្ត្រីក្រសួងអប់រំ បានបន្ថែមថា អ្វីដែលចាំបាច់នោះ គឺមនុស្សចេះគិត ចេះដោះស្រាយបញ្ហា ប៉ុន្តែប្រសិនជាមនុស្សបានត្រឹមតែរៀនទន្ទិញចាំ មិនចេះគិត មិនចេះពិចារណា តើត្រូវដោះស្រាយបញ្ហាដោយរបៀបណា? ដូច្នេះមិនអាចបំពេញនូវចំណេះវិជ្ជារបស់ខ្លួនបានពេញលេញឡើយ។
ក្នុងវេទិកាដដែល លោក ហង់ ជួន ណារ៉ុន បន្តទៀតថា ទាំងចំណេះ បំនិន និងរបៀបរៀននៅសតវត្សរ៍ទី២១នេះ គឺ"ខុសពីសតវត្សរ៍មុន ព្រោះគ្រាន់តែទូសរព្ទដៃទំនើប មានព័ត៌មានគ្រប់បែបយ៉ាង ឲ្យតែចង់ដឹង ចង់អាន។ ប៉ុន្តែអ្វីដែលសំខាន់ តើយើងចេះប្រើព័ត៌មាននោះ ដោយរបៀបណា ហើយចេះប្រើព័ត៌មាននោះ មានសារៈសំខាន់បែបណា និងធ្វើយ៉ាងណា អាចដោះស្រាយបញ្ហាព័ត៌មាននោះបាន។ ដូច្នេះត្រូវចេះដោះស្រាយបញ្ហា។ លោក សង្កត់ធ្ងន់ថា ៖«អ្វីដែលទាមទារនោះគឺមនុស្សព្យាយាមអត់ធ្មត់ នៅពេលជួបឧបសគ្គ ហើយមិនរាថយនោះ នឹងទទួលបានជោគជ័យ។ ដូច្នេះហើយបានជា គេហៅថាបំនិតសតវត្សរ៍ទី២១»។
លោក រដ្ឋមន្ត្រីលើកឡើងថា ការបង្កើតវេទិកាខាងលើឡើង ដើម្បី ឲ្យសិស្ស-និស្សិត ចេះគិត ចេះដេញដោល និងចេញដោះស្រាយបញ្ហា។ ប្រសិនជាមិនចេះដោះស្រាយខ្លួនឯងទេ គ្មាននរណាម្នាក់អាចជួយយើងបានទេ។ មានតែខ្លួនឯង ដោះស្រាយបញ្ហាដោយខ្លួនឯងប៉ុណ្ណោះ ទើបទទួលបានបទពិសោធន៍ និងជោគជ័យ។ ស្ថានភាពនឹងវិវឌ្ឍន៍ទៅលឿន ដោយយើងមិនដឹងថាទៅលឿនដល់កម្រិតណាឡើយ ប៉ុន្តែអ្វីដែលយើងត្រូវមានជំនឿជឿជាក់ គឺលើសមត្ថភាព ចេះគិត ចេះដោះស្រាយបញ្ហា នោះយើងជាផ្នែកមួយ នៃដំណោះស្រាយ។ ផ្ទុយទៅវិញ បើតាមការលើកឡើងរបស់លោក ហង់ ជួន ណារ៉ូន បើមិនចេះដោះស្រាយបញ្ហានោះ មានន័យថា នោះជាផ្នែកមួយនៃបញ្ហា។
លោក រដ្ឋមន្ត្រីអប់រំ បានបន្ថែមទៀតថា សតវត្សរ៍ទី២១ ជាការរៀនដើម្បីចេះ ហើយដើម្បីឲ្យការរៀនមានចំណេះចេះទៅលឿន ទាមទារឲ្យយុវជនជំនាន់ក្រោយចេះគិតគូរ និងរៀនសូត្រជាប់ជានិច្ច ព្រមទាំងរៀនដើម្បីដោះស្រាយបញ្ហាទៅអនាគតផងដែរ៕
លោក ហង់ ជួន ណារ៉ុនបានបន្តថា បច្ចុប្បន្នយើងសង្កេរឃើញថា មានយុវជនយើងបានចូលរួម គឺនៅពេលមានបញ្ហា ជាឱកាសមួយ ដែលពួកគេបានត្រៀមខ្លួន នៅថ្ងៃខាងមុខ និងជា សសរទ្រូងនៃប្រទេសជាតិ ត្រូវមានទាំងចំណេះដឹង បំនិន និងជំនាញផ្សេងៗ ហើយជំនាញនោះ មិនត្រឹមតែជាជំនាញចំណេះដឹងប៉ុណ្ណោះទេ ក៏ប៉ុន្តែជាជំនាញ ដែលចេញទៅដោះស្រាយបញ្ហាផងដែរ។
មូលហេតុអ្វីបានជាយើងហៅថា បំនិនសតវត្សរ៍ទី២១? ពីព្រោះថាបច្ចេកទេសជឿនលឿន ចំណេះដឹងក៏ដើរលឿនផងដែរ សូម្បីតែទូរសព្ទដៃក៏ជឿនលឿន។ អ៊ីចឹងនៅពេលបច្ចេកវិទ្យាជឿនលឿន យើងត្រូវត្រៀមអ្វីខ្លះ? នេះជាសំណួរពញ្ញាក់អារម្មណ៍ដែលរដ្ឋមន្ត្រីក្រសួងអប់រំ បានចោទឡើងក្នុងវេទិកាខាងលើ ដើម្បីឲ្យសិស្ស-និស្សិត ត្រៀមខ្លួនក្នុងសតវត្សរ៍ទី២១នេះ។
លោក រដ្ឋមន្ត្រីក្រសួងអប់រំ បានបន្ថែមថា អ្វីដែលចាំបាច់នោះ គឺមនុស្សចេះគិត ចេះដោះស្រាយបញ្ហា ប៉ុន្តែប្រសិនជាមនុស្សបានត្រឹមតែរៀនទន្ទិញចាំ មិនចេះគិត មិនចេះពិចារណា តើត្រូវដោះស្រាយបញ្ហាដោយរបៀបណា? ដូច្នេះមិនអាចបំពេញនូវចំណេះវិជ្ជារបស់ខ្លួនបានពេញលេញឡើយ។
ក្នុងវេទិកាដដែល លោក ហង់ ជួន ណារ៉ុន បន្តទៀតថា ទាំងចំណេះ បំនិន និងរបៀបរៀននៅសតវត្សរ៍ទី២១នេះ គឺ"ខុសពីសតវត្សរ៍មុន ព្រោះគ្រាន់តែទូសរព្ទដៃទំនើប មានព័ត៌មានគ្រប់បែបយ៉ាង ឲ្យតែចង់ដឹង ចង់អាន។ ប៉ុន្តែអ្វីដែលសំខាន់ តើយើងចេះប្រើព័ត៌មាននោះ ដោយរបៀបណា ហើយចេះប្រើព័ត៌មាននោះ មានសារៈសំខាន់បែបណា និងធ្វើយ៉ាងណា អាចដោះស្រាយបញ្ហាព័ត៌មាននោះបាន។ ដូច្នេះត្រូវចេះដោះស្រាយបញ្ហា។ លោក សង្កត់ធ្ងន់ថា ៖«អ្វីដែលទាមទារនោះគឺមនុស្សព្យាយាមអត់ធ្មត់ នៅពេលជួបឧបសគ្គ ហើយមិនរាថយនោះ នឹងទទួលបានជោគជ័យ។ ដូច្នេះហើយបានជា គេហៅថាបំនិតសតវត្សរ៍ទី២១»។
លោក រដ្ឋមន្ត្រីលើកឡើងថា ការបង្កើតវេទិកាខាងលើឡើង ដើម្បី ឲ្យសិស្ស-និស្សិត ចេះគិត ចេះដេញដោល និងចេញដោះស្រាយបញ្ហា។ ប្រសិនជាមិនចេះដោះស្រាយខ្លួនឯងទេ គ្មាននរណាម្នាក់អាចជួយយើងបានទេ។ មានតែខ្លួនឯង ដោះស្រាយបញ្ហាដោយខ្លួនឯងប៉ុណ្ណោះ ទើបទទួលបានបទពិសោធន៍ និងជោគជ័យ។ ស្ថានភាពនឹងវិវឌ្ឍន៍ទៅលឿន ដោយយើងមិនដឹងថាទៅលឿនដល់កម្រិតណាឡើយ ប៉ុន្តែអ្វីដែលយើងត្រូវមានជំនឿជឿជាក់ គឺលើសមត្ថភាព ចេះគិត ចេះដោះស្រាយបញ្ហា នោះយើងជាផ្នែកមួយ នៃដំណោះស្រាយ។ ផ្ទុយទៅវិញ បើតាមការលើកឡើងរបស់លោក ហង់ ជួន ណារ៉ូន បើមិនចេះដោះស្រាយបញ្ហានោះ មានន័យថា នោះជាផ្នែកមួយនៃបញ្ហា។
លោក រដ្ឋមន្ត្រីអប់រំ បានបន្ថែមទៀតថា សតវត្សរ៍ទី២១ ជាការរៀនដើម្បីចេះ ហើយដើម្បីឲ្យការរៀនមានចំណេះចេះទៅលឿន ទាមទារឲ្យយុវជនជំនាន់ក្រោយចេះគិតគូរ និងរៀនសូត្រជាប់ជានិច្ច ព្រមទាំងរៀនដើម្បីដោះស្រាយបញ្ហាទៅអនាគតផងដែរ៕
Tag:
ហង់ ជួន ណារ៉ុន
បំនិនសតវត្សរ៍ទី២១
© រក្សាសិទ្ធិដោយ thmeythmey.com
