ទឹកភ្លៀងនៅទីក្រុងភ្នំពេញចំនួន២ថ្ងៃ ធ្វើឲ្យខាតបង់ប្រាក់ច្រើនពាន់ម៉ឺនដុល្លារអាមេរិក

ជាតិ

សង្គមជាតិ

ទឹកភ្លៀងនៅទីក្រុងភ្នំពេញចំនួន២ថ្ងៃ ធ្វើឲ្យខាតបង់ប្រាក់ច្រើនពាន់ម៉ឺនដុល្លារអាមេរិក

27, Jun 2018 , 12:18 pm

រូបភាព

ដោយ: ថ្មីៗ

ភ្នំពេញ៖ ទឹកភ្លៀងពីរថ្ងៃដែលបង្កឲ្យលិចផ្លូវមួយចំនួន លិចហាងមួយចំនួន បង្កឲ្យរលត់ម៉ូតូ រថយន្តមួយចំនួនធំត្រូវបានគេប៉ាន់ស្មានថា វាបានបង្កឲ្យខូចខាតគិតជាទឹកប្រាក់អស់ច្រើនពាន់ម៉ឺនដុល្លារអាមេរិក។ គ្មានតួលេខពិតប្រាកដទេ។ តែអ្នកលក់ដូរមួយចំនួន បានបញ្ជាក់ប្រាប់ថា ពួកគេមិនអាចលក់ដូរកើតឡើយ ព្រោះហាងរបស់ពួកគេលិចទឹក បើកលក់ដូរមិនកើតទេ។ ខានលក់មួយថ្ងៃខាតប្រាក់អស់ជិត១០០ដុល្លារ។ ចុះបើហាងមានចំនួន១ពាន់បិទទ្វារដោយសារទឹកភ្លៀង? តើសរុបជាទឹកប្រាក់ខាតចំនួនប៉ុន្មាន? កាលពីម្សិលមិញ និងកាលពី២ថ្ងៃមុន ក្នុងខណៈពេលមេឃកំពុងភ្លៀង ម៉ូតូ និងរថយន្តជាច្រើនគ្រឿងត្រូវរលត់ខូច ឬត្រូវរលត់ប្តូរប្រេងម៉ាស៊ីន។ ម៉ូតូច្រើនរយគ្រឿង ត្រូវប្តូរប្រេងម៉ាស៊ីន រីឯរថយន្តវិញក៏ដូច្នោះដែរ។ ហាងជួសជុលម៉ូតូបាននិយាយថា ម៉ូតូជាច្រើនគ្រឿង បានមកប្តូរប្រេងម៉ាស៊ីន។ ប្តូរប្រេងម៉ាស៊ីម៉ូតូម្តងមានតម្លៃ២ម៉ឺនរៀល៕

សូមអញ្ជើញទស្សនារូបភាពដូចតទៅ៖