ជាតិ
សេដ្ឋកិច្ច
×![]()
ភ្នំពេញ៖ សភាពាណិជ្ជកម្មអឺរ៉ុបនៅកម្ពុជា (EuroCham Cambodia) នៅថ្ងៃទី២៦ខែមិថុនា បានរៀបចំកម្មវិធីពិភាក្សាមួយជុំវិញការរៀបចំគ្រប់គ្រងអគារខ្ពស់ នៅសណ្ឋាគារសូហ្វីតែល។ អ្នកជំនាញរបស់កម្ពុជា និងមកពីបណ្ដាប្រទេសផ្សេងៗ បានចែករំលែកបទពិសោធន៍ និងការស្រាវជ្រាវរបស់ខ្លួន ជុំវិញបញ្ហាប្រឈម និងសក្ដាសនុពលនៃការអភិវឌ្ឍអគារខ្ពស់របស់ទីក្រុងមួយចំនួន នៅលើសកលលោក។
នេះជាឱកាសដែលកម្ពុជាអាចរៀនសូត្រ និងចាប់យកចំណុចសំខាន់ ដើម្បីរៀបចំអភិវឌ្ឍន៍អគារខ្ពស់ៗនៅក្នុងប្រទេសរបស់ខ្លួន។ លោក គីលីយ៉ង់ ប្លែស នាយកប្រតិបត្តិស្ដីទី Eurocham Cambodia បានថ្លែងដូចនេះ។
ថ្លែងនៅក្នុងកម្មវិធីនេះ លោក Tassilo Brinzer អនុប្រធាន EuroCham បានណែនាំឲ្យកម្ពុជា យកចិត្តទុកដាក់ខ្លាំង លើបទបញ្ញត្តិច្បាប់សម្រាប់រៀបចំទីក្រុង ដែលកំពុងតែមានល្បឿនអភិវឌ្ឍន៍មួយនេះ។ លោកថ្លែងដូច្នេះថា៖«វិធានផ្នែកច្បាប់ទាន់សម័យកាលជាច្រើនត្រូវការចាំបាច់ ដើម្បីទាក់ទាញការវិនិយោគ និងធានានិរន្តរភាពនៃការអភិវឌ្ឍ»។
លោក ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ថា សំណង់អគារខ្ពស់ៗ បានដើរតួនាទីសំខាន់ ក្នុងការអភិវឌ្ឍន៍សេដ្ឋកិច្ចកម្ពុជា និងបានឆ្លើយតបនឹងតម្រូវការលំនៅឋាន និងសំណង់លក្ខណៈពាណិជ្ជកម្មជាដើម។
បើតាមលោក ប៉ែន សុផល រាជធានីភ្នំពេញមានប្លង់មេ ដែលកំណត់តំបន់អាចសាងសង់អគារខ្ពស់កម្រិតណាមួយ និងតំបន់ហាមឃាត់ប្រភេទអគារខ្ពស់ៗ។ លោកថ្លែងដូច្នេះថា៖«ភ្នំពេញ និងទីក្រុងដទៃទៀតនៅកម្ពុជា គឺការសង់អគារខ្ពស់ត្រូវធ្វើទៅតាមតំបន់ដែលបានកំណត់សម្រាប់ដង់ស៊ីតេខ្ពស់ មធ្យម និងទាប»។ ការហាមឃាត់ស្ថាបអគារខ្ពស់ៗ គឺធ្វើឡើងសម្រាប់តំបន់វប្បធម៌ ខេត្តសៀមរាប។ រីឯនៅភ្នំពេញ គឺនៅតំបន់ជុំវិញព្រះបរមរាជវាំង វិមានឯករាជ្យ វត្តភ្នំ ជាដើម។
លោក ប៉ែន សុផល អះអាងថា រដ្ឋាភិបាលបានអនុម័តប្លង់មេរបស់ភ្នំពេញ សម្រាប់អនុវត្តដល់ឆ្នាំ២០៣៥ និងបានរៀបចំប្លង់មេសម្រាប់បណ្ដាខេត្ត ក្រុងមានសនុពលមួយចំនួនទៀត។
ប្រសាសន៍លោក ប៉ែន សុផល ៖
កម្ពុជាមានអគារខ្ពស់សរុប ១០៤៩ ហើយក្នុងអំឡុងពេល៥ខែដើមឆ្នាំនេះ គម្រោងអគារខ្ពស់ចំនួន ៥៣គម្រោង ត្រូវបានអនុម័ត។ នេះបើតាមលោក ឡៅ ទិព្វសីហា អនុរដ្ឋលេខាក្រសួងរៀបចំដែនដី នគរូបនីយកម្ម និងសំណង់។ យោងតាមរបាយការណ៍ក្រសួងរៀបចំដែនដី ទឹកប្រាក់ប្រមាណ ៦៧៩០លានដុល្លារត្រូវបានវិនិយោគក្នុងវិស័យសំណង់ក្នុងឆ្នាំ២០១៧ ជាមួយនឹងកំណើន ២២ភាគរយ៕
នេះជាឱកាសដែលកម្ពុជាអាចរៀនសូត្រ និងចាប់យកចំណុចសំខាន់ ដើម្បីរៀបចំអភិវឌ្ឍន៍អគារខ្ពស់ៗនៅក្នុងប្រទេសរបស់ខ្លួន។ លោក គីលីយ៉ង់ ប្លែស នាយកប្រតិបត្តិស្ដីទី Eurocham Cambodia បានថ្លែងដូចនេះ។
ថ្លែងនៅក្នុងកម្មវិធីនេះ លោក Tassilo Brinzer អនុប្រធាន EuroCham បានណែនាំឲ្យកម្ពុជា យកចិត្តទុកដាក់ខ្លាំង លើបទបញ្ញត្តិច្បាប់សម្រាប់រៀបចំទីក្រុង ដែលកំពុងតែមានល្បឿនអភិវឌ្ឍន៍មួយនេះ។ លោកថ្លែងដូច្នេះថា៖«វិធានផ្នែកច្បាប់ទាន់សម័យកាលជាច្រើនត្រូវការចាំបាច់ ដើម្បីទាក់ទាញការវិនិយោគ និងធានានិរន្តរភាពនៃការអភិវឌ្ឍ»។
លោក ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ថា សំណង់អគារខ្ពស់ៗ បានដើរតួនាទីសំខាន់ ក្នុងការអភិវឌ្ឍន៍សេដ្ឋកិច្ចកម្ពុជា និងបានឆ្លើយតបនឹងតម្រូវការលំនៅឋាន និងសំណង់លក្ខណៈពាណិជ្ជកម្មជាដើម។
បើតាមលោក ប៉ែន សុផល រាជធានីភ្នំពេញមានប្លង់មេ ដែលកំណត់តំបន់អាចសាងសង់អគារខ្ពស់កម្រិតណាមួយ និងតំបន់ហាមឃាត់ប្រភេទអគារខ្ពស់ៗ។ លោកថ្លែងដូច្នេះថា៖«ភ្នំពេញ និងទីក្រុងដទៃទៀតនៅកម្ពុជា គឺការសង់អគារខ្ពស់ត្រូវធ្វើទៅតាមតំបន់ដែលបានកំណត់សម្រាប់ដង់ស៊ីតេខ្ពស់ មធ្យម និងទាប»។ ការហាមឃាត់ស្ថាបអគារខ្ពស់ៗ គឺធ្វើឡើងសម្រាប់តំបន់វប្បធម៌ ខេត្តសៀមរាប។ រីឯនៅភ្នំពេញ គឺនៅតំបន់ជុំវិញព្រះបរមរាជវាំង វិមានឯករាជ្យ វត្តភ្នំ ជាដើម។
លោក ប៉ែន សុផល អះអាងថា រដ្ឋាភិបាលបានអនុម័តប្លង់មេរបស់ភ្នំពេញ សម្រាប់អនុវត្តដល់ឆ្នាំ២០៣៥ និងបានរៀបចំប្លង់មេសម្រាប់បណ្ដាខេត្ត ក្រុងមានសនុពលមួយចំនួនទៀត។
ប្រសាសន៍លោក ប៉ែន សុផល ៖
កម្ពុជាមានអគារខ្ពស់សរុប ១០៤៩ ហើយក្នុងអំឡុងពេល៥ខែដើមឆ្នាំនេះ គម្រោងអគារខ្ពស់ចំនួន ៥៣គម្រោង ត្រូវបានអនុម័ត។ នេះបើតាមលោក ឡៅ ទិព្វសីហា អនុរដ្ឋលេខាក្រសួងរៀបចំដែនដី នគរូបនីយកម្ម និងសំណង់។ យោងតាមរបាយការណ៍ក្រសួងរៀបចំដែនដី ទឹកប្រាក់ប្រមាណ ៦៧៩០លានដុល្លារត្រូវបានវិនិយោគក្នុងវិស័យសំណង់ក្នុងឆ្នាំ២០១៧ ជាមួយនឹងកំណើន ២២ភាគរយ៕
Tag:
អគារខ្ពស់
អចលនទ្រព្យ
© រក្សាសិទ្ធិដោយ thmeythmey.com
