វិធីការពារម៉ូតូ កុំឲ្យខូច ពេលជិះលើផ្លូវទឹកលិចខ្លាំង

ជាតិ

បទយកការណ៍ / បទសម្ភាសន៍

សង្គមជាតិ

វិធីការពារម៉ូតូ កុំឲ្យខូច ពេលជិះលើផ្លូវទឹកលិចខ្លាំង

10, Jul 2018 , 5:39 pm

រូបភាព

ជាង ជួសជុលម៉ូតូ លោក សេង សុខឃឿន

ដោយ:

ភ្នំពេញ៖ អ្នកប្រើប្រាស់ម៉ូតូមួយចំនួន មិនទាន់ដឹងនៅឡើយទេថា តើត្រូវថែទាំម៉ូតូរបស់ខ្លួនដោយរបៀបណា ឬត្រូវធ្វើដូចម្ដេចដើម្បីចៀសវាងម៉ូតូខូច ពេលជិះកាត់ទឹកភ្លៀងលិចពេញផ្លូវ ខណៈរដូវភ្លៀងធ្លាក់ស្ទើរតែជារៀងរាល់ថ្ងៃ ដែលបណ្ដាលឲ្យផ្លូវមួយចំនួននៅរាជធានីភ្នំពេញត្រូវលិចលង់។ ដូច្នេះដើម្បីកុំឲ្យម៉ូតូខូចពេលជិះលើផ្លូវ ដែលដក់ទឹកជ្រៅ ម្ចាស់ម៉ូតូត្រូវដឹងពីសភាពម៉ូតូរបស់ខ្លួនថា តើអាចធ្វើដំណើរទៅមុខក្នុងទឹកបានឬអត់ ឬអាចចុះបណ្ដើរ ឬមួយបើជិះកាត់ទឹកហើយរលត់ម៉ាស៊ីនកុំបន្តបញ្ឆេះម៉ាស៊ីនទៀត ដើម្បីកុំឲ្យវាខូចខាតកាន់តែធ្ងន់ធ្ងរ។

លោក សេង សុខឃឿន ជាងជួសជុលម៉ូតូ នៅជិតរង្វង់មូលផ្សារដើមថ្កូវ បាននិយាយថា អ្នកដែលជិះម៉ូតូលើផ្លូវទឹកលិច ហើយរលត់កុំបញ្ឆេះនៅក្នុងទឹក តែត្រូវតែប្រញាប់យកចេញពីក្នុងទឹក។ លោកបន្តថា បើនៅតែបន្តបញ្ឆេះម៉ាស៊ីនម៉ូតូទៀត ទឹកនឹងចូល ហើយធ្វើឲ្យខូចម៉ាស៊ីនជាមិនខាន។ លោក បន្ថែមថា ក្នុងករណីរលត់ក្នុងទឹក ហើយបណ្ដើរ ទឹកក៏មិនអាចចូលបានដែរ ហើយក៏មិនចាំបាច់ប្តូរប្រេងម៉ាស៊ីននោះទេ។

សំឡេង លោក សេង សុខឃឿន ៖

ជាងម៉ូតូរូបនេះ បានលើកឡើងទៀតថា ប្រសិនបើ ជិះម៉ូតូលើផ្លូវទឹកលិចខ្លាំង កុំបន្ថយហ្គែរ គឺត្រូវរក្សាក្នុងល្បឿនល្មម ហើយជាន់ហ្វ្រាំងអមជាមួយ ដោយដាក់លេខ ១និងលេខ២។ លោកប្រាប់ថា ហាមដាច់ខាតកុំឲ្យរលត់ បើរលត់ហើយត្រូវបណ្ដើរចៀសវាងខូចខាតធ្ងន់ធ្ងរ ហើយត្រូវជួសជុលអស់ប្រាក់ច្រើន៕