ជាតិ
សិល្បះ
VJល្បី អាលីយ៉ា ទទួលមរណភាព រូបពីហ្វេសប៊ុកអ្នកនាង ខាត់ សុឃីម៖ VJ អាលីយ៉ា តែងសម្លៀកបំពាក់អប្សរា
× ភ្នំពេញ៖ VJ អាលីយ៉ា ដែលត្រូវបានគេស្គាល់ថា ជាពិធីករល្បីមួយរូបនៅកម្ពុជា បានទទួលមរណភាពនៅព្រឹកថ្ងៃទី២៨ មិថុនា ដោយរោគាពាធ។ សពរបស់VJ អាលីយ៉ា នឹងត្រូវរៀបចំពិធីបុណ្យតាមប្រពៃណី បូជានៅវត្តទួលសារាវ័ន្ត ហៅវត្តទួលអស់លោក ម្ដុំគីឡូម៉ែត្រលេខ៦។
VJ អាលីយ៉ា ត្រូវបានគេស្គាល់ថា ជាពិធីករ និងជាតារាសម្ដែង និងចម្រៀងល្បីមួយរូប ហើយតែងតែជួយការងារសម្បុរសធម៌នៅក្នុងសង្គមជាច្រើន តាមរយៈសកម្មភាពជួយរៃអង្គាសថវិកា យកទៅជួយដល់កុមារកំព្រា ចាស់ទុរគត៌ និងចាស់ព្រឹទ្ធាចារ្យ លើផ្នែកវិស័យសិល្បៈជាដើម។
ដោយសារសកម្មភាពជួយសង្គមច្រើននេះ និងភាពទន់ភ្លន់របស់ VJ អាលីយ៉ា បានធ្វើឲ្យអ្នកសិល្បៈមួយចំនួន បង្ហាញអារម្មណ៍ក្ដុកក្ដួលយ៉ាងខ្លាំង ពេលដែលដឹងថា នាងបានទទួលមរណភាព។ អ្នកនាង ខាត់ សុឃីម ដែលជាសិល្បករផ្នែកបុរាណមួយរូបបានសរសេរលើហ្វេសប៊ុក ទាំងក្តីអាឡោះអាល័យថា ៖«ឯងទៅហើយសម្លាញ់ មុននឹងក្រោយមនុស្សម្នាក់ៗត្រូវតែទៅ តែនេះលឿនពេកហើយ សូមកើតជាតិណាៗសូមឲ្យឯងអាយុវែង។ ក្នុងនាមយើងជាសិល្ប:ដូចគ្នា សូមចូលរួមសោកស្តាយអាលីយ៉ា (Aliya) »។
បើតាមសំណេរលើហ្វេសប៊ុករបស់អ្នកនាង ខាត់ សុឃីម VJ អាលីយ៉ា មិនមានសាច់ញាតិ ដែលរៀបចំបុណ្យតាមប្រពៃណីនោះឡើយ ព្រោះនាងជាក្មេងកំព្រា៕
© រក្សាសិទ្ធិដោយ thmeythmey.com