ជាតិ
លោកស្រី ម៉ីសន សុធារី៖ រឿង«បាតដៃខ្មៅ»ចង់ឲ្យយុវវ័យចេះសាមគ្គី និងដោះស្រាយបញ្ហាដោយខ្លួនឯង
×![]()
ដោយ: ប៉ូ សាគុន
រឿង«បាតដៃខ្មៅ» និពន្ធឡើងដើម្បីផ្ដល់សារអប់រំទៅដល់យុវវ័យសម័យថ្មីឲ្យចេះសាមគ្គីគ្នា និងចេះស្វែងយល់ពីដើមហេតុនៃបញ្ហា មករួមគ្នាដោះស្រាយ។ រឿងនេះក៏បញ្ចូលបញ្ហាដែលភ្ជាប់ទំនាក់ទំនងជាមួយជំនឿអរូបិយខ្មែរផងដែរ ដើម្បីកុំឲ្យយុវវ័យមានការប្រមាថពេលទៅតំបន់ឆ្ងាយពីភូមិស្រុករបស់ខ្លួន។ នេះជាការបញ្ជាក់របស់អ្នកនិពន្ធ ម៉ីសន សុធារី ម្ចាស់ស្នាដៃរឿងខាងលើ។
អ្នកនិពន្ធ ម៉ីសន សុធារី លើកឡើងថា តម្លៃស្នូលនៃរឿង«បាតដៃខ្មៅ» គឺចង់ផ្ដល់សារមួយទៅកាន់យុវវ័យបច្ចុប្បន្នឲ្យស្គាល់គុណតម្លៃនៃភាពសាមគ្គីគ្នា និងចេះស្វែងរកដើមហេតុនៃបញ្ហា ហើយរួមគ្នាដោះស្រាយដោយខ្លួនឯង។ លោកស្រី សុធារី បានបញ្ជាក់ថា រឿងនេះក៏ចង់បង្ហាញដល់យុវជន ឲ្យចេះប្រយ័ត្នពាក្យសម្ដី នៅពេលទៅទីកន្លែងណាមួយ ព្រោះខ្មែរមានជំនឿអរូបិយច្រើន។
បើតាមអ្នកនិពន្ធរូបនេះ ភាពស្មុគស្មាញនៃបញ្ហានៅក្នុងរឿង ពាក់ព័ន្ធនឹងជំនឿខ្មែរ ដែលឲ្យតម្លៃពាក្យថាខ្មៅជារឿងមិនល្អ ជាភាពងងឹត និងប្រៀបទៅរឿងអបិយជំនឿជាមូលហេតុនាំឱ្យអ្នកស្រីជ្រើសរើសឈ្មោះ«បាតដៃខ្មៅ» មកធ្វើជាចំណងជើងរឿង។
អ្នកនិពន្ធរូបនេះបញ្ជាក់ថា៖« ចំណងជើង«បាតដៃខ្មៅ» យកតាមឈ្មោះក្រុមចម្រៀងក្នុងរឿងនេះ ហើយដោយគិតទៅលើអារម្មណ៍របស់ខ្មែរតែងយល់ថាអ្វីដែលខ្មៅមិនល្អ ជាភាពងងឹត ជារឿងអបិយជំនឿដែលមើលមិនឃើញ ខ្ញុំក៏យកចំណងជើងនេះ។ ចំណែកជំនឿនៅក្នុងរឿងនេះមិនមានអ្វីជាក់លាក់ឡើយ ខ្ញុំគ្រាន់តែចង់បង្ហាញថា មានរឿងមួយចំនួនយុវវ័យដែលមិនបានជឿពាក្យចាស់ គាត់នឹងជួបបញ្ហា។ អ្វីដែលសំខាន់នៅក្នុងរឿងនេះ ខ្ញុំចង់ឲ្យយុវវ័យសម័យឥឡូវគាត់ចេះស្វែងយល់ពីឬសគល់នៃបញ្ហា ហើយរួមគ្នាដោះស្រាយបញ្ហាដោយខ្លួនឯង»។
ឆ្លើយតបនឹងការរំពឹងថារឿង «បាតដៃខ្មៅ» នេះនឹងជោគជ័យកម្រិតណានោះ អ្នកនិពន្ធដែលមានស្នាដៃល្អរូបនេះ បានបញ្ជាក់ថា ភាពជោគជ័យរបស់លោកស្រី គឺភាពយន្តដែលលោកស្រីនិពន្ធឡើង មិនស្រដៀងរឿងថៃ ចិនឬរឿងប្រទេសផ្សេងទៀត។ បើតាមលោកស្រី សុធារី ការផលិតភាពយន្តមួយ ដែលផ្ដល់ឱកាសឲ្យផលិតករខ្មែរជាយុវវ័យមានការងារធ្វើ និងមានឱកាសបញ្ចេញសមត្ថភាព គឺជាជោគជ័យសម្រាប់ខ្លួនហើយ ។ ប្រាក់ចំណេញពីការលក់សំបុត្រ លោកស្រីមិនរំពឹងយកចូលផ្ទះឡើយ ប៉ុន្ដែវានឹងត្រូវយកទៅផលិតរឿងថ្មី ដែលមានគុណភាពខ្ពស់និងទ្រង់ទ្រាយធំជាងមុន។ បើតាមការបញ្ជាក់ពីម្ចាស់ស្នាដៃរឿង «បាតដៃខ្មៅ» រូបនេះ ការបញ្ចាំងរឿងថ្ងៃដំបូងមានមនុស្សចូលមើលពេញៗគ្រប់ម៉ោងដែលបញ្ចាំង៕
អ្នកនិពន្ធ ម៉ីសន សុធារី លើកឡើងថា តម្លៃស្នូលនៃរឿង«បាតដៃខ្មៅ» គឺចង់ផ្ដល់សារមួយទៅកាន់យុវវ័យបច្ចុប្បន្នឲ្យស្គាល់គុណតម្លៃនៃភាពសាមគ្គីគ្នា និងចេះស្វែងរកដើមហេតុនៃបញ្ហា ហើយរួមគ្នាដោះស្រាយដោយខ្លួនឯង។ លោកស្រី សុធារី បានបញ្ជាក់ថា រឿងនេះក៏ចង់បង្ហាញដល់យុវជន ឲ្យចេះប្រយ័ត្នពាក្យសម្ដី នៅពេលទៅទីកន្លែងណាមួយ ព្រោះខ្មែរមានជំនឿអរូបិយច្រើន។
បើតាមអ្នកនិពន្ធរូបនេះ ភាពស្មុគស្មាញនៃបញ្ហានៅក្នុងរឿង ពាក់ព័ន្ធនឹងជំនឿខ្មែរ ដែលឲ្យតម្លៃពាក្យថាខ្មៅជារឿងមិនល្អ ជាភាពងងឹត និងប្រៀបទៅរឿងអបិយជំនឿជាមូលហេតុនាំឱ្យអ្នកស្រីជ្រើសរើសឈ្មោះ«បាតដៃខ្មៅ» មកធ្វើជាចំណងជើងរឿង។
អ្នកនិពន្ធរូបនេះបញ្ជាក់ថា៖« ចំណងជើង«បាតដៃខ្មៅ» យកតាមឈ្មោះក្រុមចម្រៀងក្នុងរឿងនេះ ហើយដោយគិតទៅលើអារម្មណ៍របស់ខ្មែរតែងយល់ថាអ្វីដែលខ្មៅមិនល្អ ជាភាពងងឹត ជារឿងអបិយជំនឿដែលមើលមិនឃើញ ខ្ញុំក៏យកចំណងជើងនេះ។ ចំណែកជំនឿនៅក្នុងរឿងនេះមិនមានអ្វីជាក់លាក់ឡើយ ខ្ញុំគ្រាន់តែចង់បង្ហាញថា មានរឿងមួយចំនួនយុវវ័យដែលមិនបានជឿពាក្យចាស់ គាត់នឹងជួបបញ្ហា។ អ្វីដែលសំខាន់នៅក្នុងរឿងនេះ ខ្ញុំចង់ឲ្យយុវវ័យសម័យឥឡូវគាត់ចេះស្វែងយល់ពីឬសគល់នៃបញ្ហា ហើយរួមគ្នាដោះស្រាយបញ្ហាដោយខ្លួនឯង»។
ឆ្លើយតបនឹងការរំពឹងថារឿង «បាតដៃខ្មៅ» នេះនឹងជោគជ័យកម្រិតណានោះ អ្នកនិពន្ធដែលមានស្នាដៃល្អរូបនេះ បានបញ្ជាក់ថា ភាពជោគជ័យរបស់លោកស្រី គឺភាពយន្តដែលលោកស្រីនិពន្ធឡើង មិនស្រដៀងរឿងថៃ ចិនឬរឿងប្រទេសផ្សេងទៀត។ បើតាមលោកស្រី សុធារី ការផលិតភាពយន្តមួយ ដែលផ្ដល់ឱកាសឲ្យផលិតករខ្មែរជាយុវវ័យមានការងារធ្វើ និងមានឱកាសបញ្ចេញសមត្ថភាព គឺជាជោគជ័យសម្រាប់ខ្លួនហើយ ។ ប្រាក់ចំណេញពីការលក់សំបុត្រ លោកស្រីមិនរំពឹងយកចូលផ្ទះឡើយ ប៉ុន្ដែវានឹងត្រូវយកទៅផលិតរឿងថ្មី ដែលមានគុណភាពខ្ពស់និងទ្រង់ទ្រាយធំជាងមុន។ បើតាមការបញ្ជាក់ពីម្ចាស់ស្នាដៃរឿង «បាតដៃខ្មៅ» រូបនេះ ការបញ្ចាំងរឿងថ្ងៃដំបូងមានមនុស្សចូលមើលពេញៗគ្រប់ម៉ោងដែលបញ្ចាំង៕
Tag:
ភាពយន្ត
សិល្បៈ
© រក្សាសិទ្ធិដោយ thmeythmey.com
