រដ្ឋាភិបាល នឹងបើកការដ្ឋានសាងសង់ស្ពានអាកាសរង្វង់មូលចោមចៅ នៅថ្ងៃទី២៩ មិថុនា

ជាតិ

រដ្ឋាភិបាល នឹងបើកការដ្ឋានសាងសង់ស្ពានអាកាសរង្វង់មូលចោមចៅ នៅថ្ងៃទី២៩ មិថុនា

28, Jun 2018 , 9:19 pm

រូបភាព

រូបភាព ពីក្រុមអ្នកសារព័ត៌មាន

ដោយ:

ភ្នំពេញ៖ សាលារាជធានីភ្នំពេញ នឹងបើកការដ្ឋានសាងសង់ស្ពានអាកាសថ្មីមួយទៀត ដែលនៅត្រង់ចំណុចរង្វង់មូលចោមចៅ នៅថ្ងៃទី២៩ មិថុនា ក្រោមអធិបតីភាពសម្តេចនាយករដ្ឋមន្ត្រី ហ៊ុន សែន ។

លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានប្រាប់សារព័ត៌មានថ្មីៗថា ស្ពានអាកាសនេះនឹងចំណាយរយៈពេលសាងសង់ចំនួន ៣០ខែ ដែលស្មើនឹង២ឆ្នាំ៥ខែ ទើបរួចរាល់។ ប៉ុន្តែលោក ភក្តី មិនបានបញ្ជាក់ពីទំហំទឹកប្រាក់ ដែលនឹងចំណាយលើការសាងសង់ស្ពានអាកាសចោមចៅឡើយ។

បន្ថែមពីនេះសាលារាជធានីភ្នំពេញ ក៏ស្នើឲ្យអ្នកបើកបរយានយន្ត និងម្ចាស់រថយន្តដឹកទំនិញគ្រប់ប្រភេទ ដែលធ្វើដំណើរចេញចូលតាមផ្លូវជាតិលេខ៣ និងលេខ៤ តាមបណ្ដោយផ្លូវវេងស្រេង និងផ្លូវសហព័ន្ធរុស្សីទៅកាន់រង្វង់មូលចោមចៅ ត្រូវមានការប្រុងប្រយ័ត្នខ្ពស់ ហើយគប្បីបញ្ចៀសផ្លូវផ្សេង ដើម្បីចៀសផុតពីគ្រោះថ្នាក់ជាយថាហេតុកើតឡើង។

គួរបញ្ជាក់ថា ស្ពានអាកាសនៅត្រង់រង្វង់មូលចោមចៅ ដែលគ្រោងលេចឡើងនេះ គឺជាស្ពានអាកាសទី៦ហើយនៅក្នុងរាជធានីភ្នំពេញ ។ កន្លងមករដ្ឋាភិបាល បានសាងសងចំនួន៥ រួមមាន ស្ពានអាកាសក្បាលថ្នល់, ស្ពានអាកាស៧មករា,ស្ពានអាកាសស្ទឹងមានជ័យ, ស្ពានអាកាស៥មករា និងស្ពានអាកាសទឹកថ្លា៕