លោក ស៊ុន ចាន់ថុល សន្យាស្វែងរកផលិតផលកង់បីធូរថ្លៃ ជំនួសរ៉ឺម៉កខ្មែរ ដើម្បីប្រជែងកង់បីឥណ្ឌា

ជាតិ

សេដ្ឋកិច្ច

លោក ស៊ុន ចាន់ថុល សន្យាស្វែងរកផលិតផលកង់បីធូរថ្លៃ ជំនួសរ៉ឺម៉កខ្មែរ ដើម្បីប្រជែងកង់បីឥណ្ឌា

29, Jun 2018 , 8:39 pm

រូបភាព

ដោយ:

ភ្នំពេញ៖ អ្នករត់រ៉ឺម៉កកង់បីខ្មែរសព្វថ្ងៃនេះ កំពុងស្ថិតក្នុងស្ថានភាពលំបាកមួយ ក្នុងការប្រកួតប្រជែងជាមួយកង់បីឥណ្ឌា ។ អ្នករត់រ៉ឺម៉កកង់បីខ្មែរខ្លះ ចង់ប្ដូរទៅប្រើកង់បីឥណ្ឌា តែខ្វះលទ្ធភាព ខណៈការប្រើរ៉ឺម៉កកង់បីខ្មែរ ខ្វះអ្នកជិះ។ ឆ្លើយតបនឹងបញ្ហានេះ រដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល ឲ្យដឹងថា ក្រសួងនឹងសហការជាមួយក្រុមហ៊ុន Grab ដើម្បីស្វែងរកទីផ្សារណា ដែលមានលក់កង់បីធូរថ្លៃ ហើយមានគុណភាពប្រហែលកង់បីឥណ្ឌាដែរ និងនាំចូលមកសម្រាប់ឲ្យពលរដ្ឋខ្មែរ អាចមានលទ្ធភាពប្រើប្រាស់តាមតម្រូវការរបស់ខ្លួន។

សូមស្ដាប់ប្រសាសន៍លោក ស៊ុន ចាន់ថុល ខាងក្រោមនេះ៖

ការលើកឡើងរបស់រដ្ឋមន្ត្រីក្រសួងសាធារណការរូបនេះ បានធ្វើឡើងក្នុងកម្មវិធីរួមគ្នាដើម្បីលើកកម្ពស់ជីវភាពអ្នកដឹកជញ្ជូនក្រៅប្រព័ន្ធ នៅថ្ងៃទី២៧ខែមិថុនា។ នៅក្នុងកម្មវិធីនេះ ក្រុមហ៊ុន Grab បានប្រកាសសម្ពោធសេវាកម្មហៅរ៉ឺម៉កកង់បីខ្មែរជិះតាមអ៊ែប ដើម្បីកៀងគរអ្នករត់រ៉ឺម៉កកង់បីខ្មែរចូលក្នុងសេវាកម្មរបស់ខ្លួន។

អត្ថបទទាក់ទង

Grab ទាញរ៉ឺម៉កកង់បីខ្មែរ«ដែលកំពុងតែទន់ខ្សោយ» ចូលកម្មវិធីហៅជិះតាមអេបរបស់ខ្លួន

កង់បីឥណ្ឌាដែលកំពុងចរាចរនៅកម្ពុជា កំពុងទទួលការពេញនិយមពីសាធារណជន។ ទោះពេញនិយម តែប្រជាពលរដ្ឋមួយចំនួនពិបាករកលទ្ធភាពទិញកង់បីប្រភេទនេះ។ បើតាមអ្នកដែលបានទិញកង់បីប្រភេទនេះយកទៅប្រកបរបររកស៊ីឲ្យដឹងថា កង់បីនេះមានតម្លៃ ៣៨០០ដុល្លារក្នុងមួយគ្រឿង ដែលថ្លៃជាងរ៉ឺម៉កកង់បីខ្មែរដល់ទៅបីបួនដងឯណោះ។

កង់បីឥណ្ឌា ប្រើប្រាស់ហ្គាស ដែលចំណាយថ្លៃដើមដឹកជញ្ជូនតិចជាងរ៉ឺម៉កកង់បីខ្មែរ និងមានភាពប្រកួតប្រជែងជាង។ ក្រៅពីកង់បីឥណ្ឌា កង់បីប្រទេសផ្សេងក៏កំពុងចូលផ្សារកម្ពុជាផងដែរ។ មុននេះក្រុមហ៊ុនមួយបានប្រកាសនាំចូលកង់បីពីប្រទេសអ៊ីតាលីផងដែរ៕