ជាតិ
សេដ្ឋកិច្ច
កម្ចី៖ សាធារណជន អាច«ផុងខ្លួន» ជាមួយនឹងក្រុមហ៊ុនដែលឃោសនាក្នុងពេលថ្មីៗនេះ
×![]()
ដោយ: ថ្មីៗ
ភ្នំពេញ៖ ធនាគារជាតិនៃកម្ពុជា (NBC) បានព្រមានពីផលលំបាកផ្សេងៗចំពោះសាធារណជនដែលខ្ចីប្រាក់ពីបុគ្គល ឬក្រុមហ៊ុនគ្មានច្បាប់អនុញ្ញាត ដែលបានផ្សព្វផ្សាយអូសទាញកន្លងមក។
សេចក្ដីប្រកាសព័ត៌មានរបស់ធនាគារជាតិ បានឲ្យដឹងថា ក្នុងពេលថ្មីៗនេះ ក្រុមហ៊ុនឯកជនមួយចំនួនបានផ្សព្វផ្សាយជាសាធារណៈយ៉ាងសកម្ម តាមរយៈបណ្ដាញសង្គម ការចែកនាមបណ្ណ និងផ្ញើសារតាមទូរសព្ទ ជាដើម។
សេចក្ដីប្រកាសព័ត៌មាន ដែលចុះថ្ងៃទី២៩ខែមិថុនានេះ បានព្រមានពីផលលំបាកផ្សេងៗមួយចំនួន ដែលអាចកើតឡើងដល់ពលរដ្ឋដែលខ្ចីប្រាក់ពីអ្នកផ្ដល់កម្ចីខុសច្បាប់ទាំងនោះ។ សាធារណជនដែលយកកម្ចីពីក្រុមហ៊ុនទាំងនេះ អាចប្រឈមបំណុលវ័ណ្ឌក ដោយសារអត្រាការប្រាក់ និងកម្រៃសេវាផ្សេងៗខ្ពស់យ៉ាងខ្លាំងជាងគ្រឹះស្ថានដែលស្របច្បាប់ និងគណនាការប្រាក់ពុំត្រឹមត្រូវតាមច្បាប់។
សាធារណជន អាចប្រឈមនឹងការគំរាមកំហែង កៀបសង្កត់ គ្រោះថ្នាក់ ឬរូបភាពផ្សេងៗ ដើម្បីបង្ខំឲ្យសងប្រាក់ដើម ការប្រាក់ និងប្រាក់ពិន័យដែលមិនសមហេតុផលទៅក្រុមហ៊ុនវិញ។ ទ្រព្យធានារបស់អតិថិជនអាចតត្រូវបានក្រុមហ៊ុនឬអ្នកផ្ដល់កម្ចីខុសច្បាប់ រឹបអូសដោយពុំឆ្លងកាត់ការសម្រេចពីតុលាការ ជាដើម។ នេះបើតាមសេចក្ដីប្រកាសព័ត៌មានដដែលនេះ។
ធនាគារជាតិ បានអំពាវនាវឲ្យសាធារណជនប្រុងប្រយ័ត្ន និងចៀសវាងការប្រើប្រាស់សេវាកម្មកម្ចីពីក្រុមហ៊ុន ឬអ្នកផ្ដល់កម្ចីដែលគ្មានច្បាប់អនុញ្ញាតទាំងនោះ។ ស្ថាប័នមួយនេះ អះអាងថាខ្លួនកំពុងស្នើសុំសហការជាមួយអាជ្ញាធរពាក់ព័ន្ធ ដើម្បីចាត់វិធានការតាមផ្លូវច្បាប់ទៅលើក្រុមហ៊ុន ឬអ្នកផ្ដល់កម្ចីខុសច្បាប់គ្រប់រូបភាព៕
សេចក្ដីប្រកាសព័ត៌មានរបស់ធនាគារជាតិ បានឲ្យដឹងថា ក្នុងពេលថ្មីៗនេះ ក្រុមហ៊ុនឯកជនមួយចំនួនបានផ្សព្វផ្សាយជាសាធារណៈយ៉ាងសកម្ម តាមរយៈបណ្ដាញសង្គម ការចែកនាមបណ្ណ និងផ្ញើសារតាមទូរសព្ទ ជាដើម។
សេចក្ដីប្រកាសព័ត៌មាន ដែលចុះថ្ងៃទី២៩ខែមិថុនានេះ បានព្រមានពីផលលំបាកផ្សេងៗមួយចំនួន ដែលអាចកើតឡើងដល់ពលរដ្ឋដែលខ្ចីប្រាក់ពីអ្នកផ្ដល់កម្ចីខុសច្បាប់ទាំងនោះ។ សាធារណជនដែលយកកម្ចីពីក្រុមហ៊ុនទាំងនេះ អាចប្រឈមបំណុលវ័ណ្ឌក ដោយសារអត្រាការប្រាក់ និងកម្រៃសេវាផ្សេងៗខ្ពស់យ៉ាងខ្លាំងជាងគ្រឹះស្ថានដែលស្របច្បាប់ និងគណនាការប្រាក់ពុំត្រឹមត្រូវតាមច្បាប់។
សាធារណជន អាចប្រឈមនឹងការគំរាមកំហែង កៀបសង្កត់ គ្រោះថ្នាក់ ឬរូបភាពផ្សេងៗ ដើម្បីបង្ខំឲ្យសងប្រាក់ដើម ការប្រាក់ និងប្រាក់ពិន័យដែលមិនសមហេតុផលទៅក្រុមហ៊ុនវិញ។ ទ្រព្យធានារបស់អតិថិជនអាចតត្រូវបានក្រុមហ៊ុនឬអ្នកផ្ដល់កម្ចីខុសច្បាប់ រឹបអូសដោយពុំឆ្លងកាត់ការសម្រេចពីតុលាការ ជាដើម។ នេះបើតាមសេចក្ដីប្រកាសព័ត៌មានដដែលនេះ។
ធនាគារជាតិ បានអំពាវនាវឲ្យសាធារណជនប្រុងប្រយ័ត្ន និងចៀសវាងការប្រើប្រាស់សេវាកម្មកម្ចីពីក្រុមហ៊ុន ឬអ្នកផ្ដល់កម្ចីដែលគ្មានច្បាប់អនុញ្ញាតទាំងនោះ។ ស្ថាប័នមួយនេះ អះអាងថាខ្លួនកំពុងស្នើសុំសហការជាមួយអាជ្ញាធរពាក់ព័ន្ធ ដើម្បីចាត់វិធានការតាមផ្លូវច្បាប់ទៅលើក្រុមហ៊ុន ឬអ្នកផ្ដល់កម្ចីខុសច្បាប់គ្រប់រូបភាព៕
© រក្សាសិទ្ធិដោយ thmeythmey.com
