ជាតិ
ចិនជួយពង្រឹងទំនើបកម្មវិទ្យាសាស្ត្រ លើវិស័យអប់រំកម្ពុជា ពិធីចុះអនុស្សរណៈនៃការយោគយល់គ្នា ជាមួយក្រុមហ៊ុនចិន នៅថ្ងៃទី២ ខែកក្កដា ឆ្នាំ២០១៨ (រូបភាពបានពីក្រសួងអប់រំ)
× ក្រសួងអប់រំ យុវជន និងកីឡា បានចុះអនុស្សរណៈនៃការយោគយល់ត្រីភាគី(MOU) ជាមួយក្រុមហ៊ុន Tianwen Technology (Beijing) និងក្រុមហ៊ុន Huawei (Cambodia) លើការអភិវឌ្ឍបច្ចេកវិទ្យាព័ត៌មាន និងសារគមនាគមន៍ក្នុងវិស័យអប់រំ នៅកម្ពុជា ។
ការចុះហត្ថលេខាលើអនុស្សរណៈនេះ ធ្វើឡើងនៅថ្ងៃទី២ ខែកក្កដា ឆ្នាំ២០១៨ ដោយលោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ជាមួយលោក Yang Mu អគ្គនាយកក្រុមហ៊ុន Tianwen Technology (Beijing) និងលោក Li Xiongwei អគ្គនាយកក្រុមហ៊ុន Huawei (Cambodia)។
អនុស្សរណៈនៃការយោគយល់គ្នានេះ ធ្វើឡើងក្នុងគោលបំណងលើកកម្ពស់គុណភាពអប់រំ តាមរយៈការធ្វើទំនើបកម្មវិទ្យាសាស្ត្រ និងបច្ចេកវិទ្យាដល់សិស្ស និងសាធារណៈជនឲ្យទទួលបានសេវាអប់រំប្រកបដោយគុណភាព និងធនធានអប់រំសម្បូរបែប បម្រើការបង្រៀន និងរៀនព្រមទាំងការរស់នៅប្រសើរជាងមុន៕
Tag:
អប់រំ
ហង់ ជួន ណារ៉ុន
MOU
© រក្សាសិទ្ធិដោយ thmeythmey.com