ជាតិ
×![]()
ខេត្តក្រចេះ៖ «សូមកុំលក់ដី និងកុំយកប្លង់ដីទៅដាក់បញ្ចាំនៅធនាគារ ព្រោះអាចធ្វើឲ្យពលរដ្ឋដែលរស់នៅលើដីសម្បទាននេះ កាន់តែក្រលំបាកជាងមុន»។ នេះគឺជាការស្នើសុំរបស់លោក ជា សុផារ៉ា រដ្ឋមន្ត្រីក្រសួងដែនដី ទៅកាន់ពលរដ្ឋ ដែលទទួលបានប្លង់កម្មសិទ្ធិដីសម្បទានសង្គមកិច្ច ក្នុងឃុំសំបុក ស្រុកចង្ក្រង ខេត្តក្រចេះ។ ក្រៅពីការអំពាវសុំមិនឲ្យលក់ដី និងដាក់បញ្ចាំក្នុងធនាគារ លោករដ្ឋមន្ត្រី ក៏បានសុំឲ្យពលរដ្ឋ ដាំដំណាំហូបផ្លែ ចិញ្ចឹមសត្វ និងដាំប្រភេទឈើប្រណិតនៅក្នុងដីលំនៅដ្ឋានបន្ថែមទៀត។
ថ្លែងទៅកាន់ប្រជាពលរដ្ឋក្នុងកម្មវិធីប្រគល់ប្លង់កម្មសិទ្ធិដីសម្បទានសង្គមកិច្ច លោក ជា សុផារ៉ា រដ្ឋមន្ត្រីក្រសួងដែនដី បានសង្កត់ធ្ងន់ទៅកាន់ប្រជាពលរដ្ឋថា ធ្វើយ៉ាងណាកុំលក់ដីសម្បទានសង្គមកិច្ច ដែលទទួលបានប្លង់កម្មសិទ្ធិនេះ។ រដ្ឋមន្ត្រីរូបនេះ បានបញ្ជាក់ថា មានដីគឺមានក្ដីសង្ឃឹម ហើយជាកេរមរតកសម្រាប់កូនចៅ និងជាទុននៃប្រាក់ចំណូលប្រចាំថ្ងៃ ដែលធ្វើឲ្យពលរដ្ឋមានជីវភាពប្រសើរជាងមុន។ មិនតែប៉ុណ្ណោះ លោក ក៏សុំឲ្យប្រជាពលរដ្ឋកុំយកប្លង់ដីនេះ ទៅដាក់បញ្ចាំផងដែរ ដោយសារតែលោក បារម្ភខ្លាចការប្រើប្រាស់កម្ចីរបស់ពលរដ្ឋមិនចំគោលដៅ។
លោក ជា សុផារ៉ា បញ្ជាក់យ៉ាងដូច្នេះថា៖ «វាក្លាយជាទុនរបស់បងប្អូនហើយ ជាទុននៃក្ដីសង្ឃឹម និងប្រាក់ចំណូលទៀងទាត់។ បើលំបាកតិចតួច ដែលបងប្អូនអាចទ្រាំទ្របាន សូមតស៊ូ។ បើបងប្អូនយកប្លង់ទៅបញ្ចាំនៅធនាគារ មិនចំគោលដៅ បងប្អូននឹងជួបការលំបាក ហើយអាចលំបាកលើសដើមថែមទៀតផង»។
យ៉ាងណាការសម្រេចចិត្តដាក់បញ្ចាំឬអត់ គឺអាស្រ័យទៅលើពលរដ្ឋតែប៉ុណ្ណោះ។ នេះជាការបន្ថែមរបស់រដ្ឋមន្ត្រីក្រសួងដែនដី។ តែចំពោះការលក់ដីវិញ ជាការទទូចបំផុតពីលោក ជា សុផារ៉ា ដោយសារនេះ គឺជាដីសម្បទានសង្គមកិច្ច ដោយមានការចូលរួមពីរដ្ឋាភិបាល និងធនាគារពិភពលោក ដែលជាហេតុធ្វើឲ្យតំបន់សម្បទានសង្គមកិច្ចនេះ មានការឃ្លាំមើលពីការអភិវឌ្ឍ ជាពិសេសជាតឹកតាងបញ្ជាក់អំពីគុណភាពការងារនៃអ្នកអនុវត្តគម្រោង។ កាលណាការអភិវឌ្ឍនេះទទួលបានជោគជ័យ មានពលរដ្ឋរស់នៅពិតប្រាកដ នោះជាសញ្ញាវិជ្ជមានបង្ហាញទៅដៃគូអភិវឌ្ឍន៍ នឹងងាយស្រួលស្វែងរកដៃសហការ នូវគម្រោងក្រោយៗទៀត។
ចំណែកប្រធានកម្មវិធីប្រចាំកម្ពុជា ឡាវ មីយ៉ាន់ម៉ា នៃធនាគារពិភពលោក លោក Mark A.Austin បានរំពឹងទុកថា លោកនឹងបានឃើញការរីកចម្រើនបន្ថែមទៀត នៅលើដីសម្បទានសង្គមកិច្ចនេះ។ ហើយគម្រោង LASED II នៅតែមានបំណងជួយដោះស្រាយរាល់បញ្ហាលំបាកដែលគ្រួសារសម្បទានិកនៅប្រឈម ជាពិសេសប៉ុស្តិ៍សុខភាព។ លើសពីនេះ លោកក៏បានជំរុញឲ្យប្រជាពលរដ្ឋបញ្ជូនកូនឲ្យទៅសាលារៀន និងមានការពិនិត្យសុខភាពជាប្រចាំផងដែរ។
ខេត្តក្រចេះជាខេត្តគោលដៅក្នុងការអនុវត្តគម្រោងបែងចែកដីដើម្បីសង្គមកិច្ច ការអភិវឌ្ឍសេដ្ឋកិច្ច ទាំងជំហានសាកល្បង (LASED) ចាប់តាំងពីឆ្នាំ២០០៨ និងជំហានទី២ (LASED II) ចាប់ពីឆ្នាំ២០១៦ មកដល់បច្ចុប្បន្ន។ ឃុំសំបុកមានសម្បទានិកសរុបចំនួន ៥៥៤គ្រួសារ ស្មើនឹង ២.៦៩១នាក់ ស្ត្រីចំនួន១.៣០៥នាក់ លើផ្ទៃដីទំហំ ៣.២៩៤ហិកតា និងឃុំចង្ក្រង់ មានសម្បទានិកសរុបចំនួន ៣៣១គ្រួសារ ស្មើនឹង១.៧០៨នាក់ ស្ត្រីចំនួន ៨៣៧នាក់ លើផ្ទៃដីទំហំ ៦១២ហិកតា។
សូមជម្រាបថា ការប្រគល់ប្លង់កម្មសិទ្ធិដីសម្បទានសង្គមកិច្ចនេះ ធ្វើឡើងនៅថ្ងៃទី០២ ខែកក្កដា ឆ្នាំ២០១៨ ទៅឲ្យពលរដ្ឋចំនួន ៦២៣គ្រួសារ ស្មើនឹង៧០ភាគរយ ក្នុងចំណោមពលរដ្ឋ សរុប៨៨៥គ្រួសារ។ អ្នកដែលទទួលបានប្លង់កម្មសិទ្ធិពេលនេះ គឺសំដៅលើពលរដ្ឋដែលបានបំពេញកាតព្វកិច្ចត្រឹមត្រូវតាមច្បាប់កំណត់ ដោយបានរស់នៅ និងបង្កបង្កើនផល លើដីសម្បទានយ៉ាងតិច៥ឆ្នាំ។ ចំណែកពលរដ្ឋ ៣០ភាគរយទៀតដែលមិនទាន់ទទួលបានប្លង់កម្មសិទ្ធិគឺ ត្រូវបំពេញកាតព្វកិច្ច តាមច្បាប់ជាមុនសិន រួចហើយរដ្ឋនឹងប្រគល់ប្លង់កម្មសិទ្ធិដូចគ្នា៕
ថ្លែងទៅកាន់ប្រជាពលរដ្ឋក្នុងកម្មវិធីប្រគល់ប្លង់កម្មសិទ្ធិដីសម្បទានសង្គមកិច្ច លោក ជា សុផារ៉ា រដ្ឋមន្ត្រីក្រសួងដែនដី បានសង្កត់ធ្ងន់ទៅកាន់ប្រជាពលរដ្ឋថា ធ្វើយ៉ាងណាកុំលក់ដីសម្បទានសង្គមកិច្ច ដែលទទួលបានប្លង់កម្មសិទ្ធិនេះ។ រដ្ឋមន្ត្រីរូបនេះ បានបញ្ជាក់ថា មានដីគឺមានក្ដីសង្ឃឹម ហើយជាកេរមរតកសម្រាប់កូនចៅ និងជាទុននៃប្រាក់ចំណូលប្រចាំថ្ងៃ ដែលធ្វើឲ្យពលរដ្ឋមានជីវភាពប្រសើរជាងមុន។ មិនតែប៉ុណ្ណោះ លោក ក៏សុំឲ្យប្រជាពលរដ្ឋកុំយកប្លង់ដីនេះ ទៅដាក់បញ្ចាំផងដែរ ដោយសារតែលោក បារម្ភខ្លាចការប្រើប្រាស់កម្ចីរបស់ពលរដ្ឋមិនចំគោលដៅ។
លោក ជា សុផារ៉ា បញ្ជាក់យ៉ាងដូច្នេះថា៖ «វាក្លាយជាទុនរបស់បងប្អូនហើយ ជាទុននៃក្ដីសង្ឃឹម និងប្រាក់ចំណូលទៀងទាត់។ បើលំបាកតិចតួច ដែលបងប្អូនអាចទ្រាំទ្របាន សូមតស៊ូ។ បើបងប្អូនយកប្លង់ទៅបញ្ចាំនៅធនាគារ មិនចំគោលដៅ បងប្អូននឹងជួបការលំបាក ហើយអាចលំបាកលើសដើមថែមទៀតផង»។
យ៉ាងណាការសម្រេចចិត្តដាក់បញ្ចាំឬអត់ គឺអាស្រ័យទៅលើពលរដ្ឋតែប៉ុណ្ណោះ។ នេះជាការបន្ថែមរបស់រដ្ឋមន្ត្រីក្រសួងដែនដី។ តែចំពោះការលក់ដីវិញ ជាការទទូចបំផុតពីលោក ជា សុផារ៉ា ដោយសារនេះ គឺជាដីសម្បទានសង្គមកិច្ច ដោយមានការចូលរួមពីរដ្ឋាភិបាល និងធនាគារពិភពលោក ដែលជាហេតុធ្វើឲ្យតំបន់សម្បទានសង្គមកិច្ចនេះ មានការឃ្លាំមើលពីការអភិវឌ្ឍ ជាពិសេសជាតឹកតាងបញ្ជាក់អំពីគុណភាពការងារនៃអ្នកអនុវត្តគម្រោង។ កាលណាការអភិវឌ្ឍនេះទទួលបានជោគជ័យ មានពលរដ្ឋរស់នៅពិតប្រាកដ នោះជាសញ្ញាវិជ្ជមានបង្ហាញទៅដៃគូអភិវឌ្ឍន៍ នឹងងាយស្រួលស្វែងរកដៃសហការ នូវគម្រោងក្រោយៗទៀត។
ចំណែកប្រធានកម្មវិធីប្រចាំកម្ពុជា ឡាវ មីយ៉ាន់ម៉ា នៃធនាគារពិភពលោក លោក Mark A.Austin បានរំពឹងទុកថា លោកនឹងបានឃើញការរីកចម្រើនបន្ថែមទៀត នៅលើដីសម្បទានសង្គមកិច្ចនេះ។ ហើយគម្រោង LASED II នៅតែមានបំណងជួយដោះស្រាយរាល់បញ្ហាលំបាកដែលគ្រួសារសម្បទានិកនៅប្រឈម ជាពិសេសប៉ុស្តិ៍សុខភាព។ លើសពីនេះ លោកក៏បានជំរុញឲ្យប្រជាពលរដ្ឋបញ្ជូនកូនឲ្យទៅសាលារៀន និងមានការពិនិត្យសុខភាពជាប្រចាំផងដែរ។
ខេត្តក្រចេះជាខេត្តគោលដៅក្នុងការអនុវត្តគម្រោងបែងចែកដីដើម្បីសង្គមកិច្ច ការអភិវឌ្ឍសេដ្ឋកិច្ច ទាំងជំហានសាកល្បង (LASED) ចាប់តាំងពីឆ្នាំ២០០៨ និងជំហានទី២ (LASED II) ចាប់ពីឆ្នាំ២០១៦ មកដល់បច្ចុប្បន្ន។ ឃុំសំបុកមានសម្បទានិកសរុបចំនួន ៥៥៤គ្រួសារ ស្មើនឹង ២.៦៩១នាក់ ស្ត្រីចំនួន១.៣០៥នាក់ លើផ្ទៃដីទំហំ ៣.២៩៤ហិកតា និងឃុំចង្ក្រង់ មានសម្បទានិកសរុបចំនួន ៣៣១គ្រួសារ ស្មើនឹង១.៧០៨នាក់ ស្ត្រីចំនួន ៨៣៧នាក់ លើផ្ទៃដីទំហំ ៦១២ហិកតា។
សូមជម្រាបថា ការប្រគល់ប្លង់កម្មសិទ្ធិដីសម្បទានសង្គមកិច្ចនេះ ធ្វើឡើងនៅថ្ងៃទី០២ ខែកក្កដា ឆ្នាំ២០១៨ ទៅឲ្យពលរដ្ឋចំនួន ៦២៣គ្រួសារ ស្មើនឹង៧០ភាគរយ ក្នុងចំណោមពលរដ្ឋ សរុប៨៨៥គ្រួសារ។ អ្នកដែលទទួលបានប្លង់កម្មសិទ្ធិពេលនេះ គឺសំដៅលើពលរដ្ឋដែលបានបំពេញកាតព្វកិច្ចត្រឹមត្រូវតាមច្បាប់កំណត់ ដោយបានរស់នៅ និងបង្កបង្កើនផល លើដីសម្បទានយ៉ាងតិច៥ឆ្នាំ។ ចំណែកពលរដ្ឋ ៣០ភាគរយទៀតដែលមិនទាន់ទទួលបានប្លង់កម្មសិទ្ធិគឺ ត្រូវបំពេញកាតព្វកិច្ច តាមច្បាប់ជាមុនសិន រួចហើយរដ្ឋនឹងប្រគល់ប្លង់កម្មសិទ្ធិដូចគ្នា៕
Tag:
ដីសម្បទានសង្គមកិច្ច
ខេត្តក្រចេះ
កម្ចី
ជា សុផារ៉ា
ក្រសួងដែនដី
© រក្សាសិទ្ធិដោយ thmeythmey.com
