ជាតិ
បោះឆ្នោត
ថ្ងៃទី៧ កក្កដា CPP ឃោសនាទ្រង់ទ្រាយធំ ដោយភ្ជាប់នឹងពិធីរម្លឹកខួប៦៧ឆ្នាំរបស់ខ្លួន
សម្តេច ហ៊ុន សែន ឡើងថ្លែងសារ ពេលដង្ហែក្បួនឃោសនារកសំឡេងគាំទ្រ សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ កាលពីឆ្នាំ២០១៧ កន្លងទៅ
×![]()
ភ្នំពេញ៖ នៅថ្ងៃឃោសនាបោះឆ្នោតដំបូង គណបក្សប្រជាជនកម្ពុជា នឹងមានការហែក្បួនទ្រង់ទ្រាយធំ នៅទូទាំងប្រទេស។ យុទ្ធនាការឃោសនាបោះឆ្នោតនេះ ធ្វើឡើងភ្ជាប់គ្នានឹងខួបនៃការបង្កើតគណបក្សប្រជាជនកម្ពុជា តែម្តង។
នៅថ្ងៃទី៧ ខែកក្កដា ឆ្នាំ២០១៨ គណបក្សប្រជាជនកម្ពុជា (CPP) នឹងធ្វើពិធីបូកបញ្ចូលគ្នា រវាងការឃោសនាបោះឆ្នោត និងរម្លឹកខួបនៃការកកើតបក្ស។ លោក សុខ ឥសាន អ្នកនាំពាក្យគណបក្សប្រជាជនកម្ពុជា ឲ្យសារព័ត៌មានថ្មីៗដឹងថា កម្មវិធីនេះ នឹងធ្វើឡើងនៅមជ្ឈមណ្ឌលកោះពេជ្រ ក្នុងរាជធានីភ្នំពេញ ដោយមានអ្នកចូលរួមជាង១០ម៉ឺននាក់។
លោក បន្តថា នៅក្នុងឱកាសនេះ សម្ដេច ហ៊ុន សែន ប្រធានគណបក្សប្រជាជនកម្ពុជា នឹងចូលរួមថ្លែងសុន្ទរកថាបើកយុទ្ធនាការឃោសនាបោះឆ្នោតផ្ទាល់ ព្រមទាំងមានការផ្សព្វផ្សាយតាមបណ្ដាទូរទស្សន៍ និងវិទ្យុតាមខេត្តនីមួយៗ។ អ្នកនាំពាក្យរូបនេះ បានបន្ថែមថា ក្រោយពីបញ្ចប់សុន្ទរកថា ក្បួននឹងដង្ហែ ទៅកាន់ខណ្ឌរៀងៗខ្លួន ក្នុងរាជធានីភ្នំពេញ ចំណែក នៅតាមបណ្ដាខេត្តទាំង២៤ ក៏ដង្ហែក្បួនឃោសនាព្រមគ្នាផងដែរ។
ស្របតាមច្បាប់ស្ដីពីការឃោសនាបោះឆ្នោត រាជធានី ខេត្ត នីមួយៗ អាចដង្ហែក្បួនឃោសនាតែ៤ដងប៉ុណ្ណោះ។ បើតាមលោក សុខ ឥសាន គណបក្សប្រជាជនកម្ពុជា អាចមានការដង្ហែក្បួនទ្រង់ទ្រាយធំម្ដងទៀត នៅថ្ងៃ២៧ ខែកក្កដា ដែលជាថ្ងៃបិទយុទ្ធនាការនៃការឃោសនាបោះឆ្នោត។
តាមពិតទៅ គណបក្សប្រជាជនកម្ពុជា ដែលមានឈ្មោះដើមថា បក្សប្រជាជនបដិវត្តន៍កម្ពុជា បានកើតឡើង នៅថ្ងៃទី២៨ ខែមិថុនា ឆ្នាំ១៩៥១ ឯណោះទេ។ ជារៀងរាល់ឆ្នាំ គណបក្សប្រជាជនកម្ពុជា ដែលដឹកនាំរដ្ឋាភិបាលរាប់ទសវត្សន៍មកហើយនោះ តែងធ្វើពិធីរម្លឹកខួប នៅថ្ងៃ២៨ ខែមិថុនា។ ប៉ុន្តែ សម្រាប់ឆ្នាំនេះ បក្សកាន់អំណាច ស្រាប់តែជ្រើសរើសយកថ្ងៃទី៧ ខែកក្កដា ដែលជាថ្ងៃដំបូងនៃការឃោសនារកសំឡេងឆ្នោត ធ្វើពិធីរម្លឹកខួប៦៧ឆ្នាំទៅវិញ។
សូមជម្រាបថា យុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៦ នឹងធ្វើឡើងចាប់ ពីថ្ងៃទី៧ ដល់ថ្ងៃទី២៧ ខែកក្កដា ឆ្នាំ២០១៨ ពោលគឺមានរយៈពេល២១ថ្ងៃ។ តាមច្បាប់ស្ដីពីការឃោសនាបោះឆ្នោត រាជធានី ខេត្តទាំងអស់ មិនអាចមានការហែក្បួនឆ្លងគ្នាឡើយ ហើយក្នុងមួយរាជធានី ខេត្ត គណបក្សមួយ អាចដង្ហែក្បួនឃោសនាបានតែ៤ដងប៉ុណ្ណោះ។ ការបោះឆ្នោត នឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ ដោយមានគណបក្ស២០ ចូលរួមប្រកួតប្រជែង៕
នៅថ្ងៃទី៧ ខែកក្កដា ឆ្នាំ២០១៨ គណបក្សប្រជាជនកម្ពុជា (CPP) នឹងធ្វើពិធីបូកបញ្ចូលគ្នា រវាងការឃោសនាបោះឆ្នោត និងរម្លឹកខួបនៃការកកើតបក្ស។ លោក សុខ ឥសាន អ្នកនាំពាក្យគណបក្សប្រជាជនកម្ពុជា ឲ្យសារព័ត៌មានថ្មីៗដឹងថា កម្មវិធីនេះ នឹងធ្វើឡើងនៅមជ្ឈមណ្ឌលកោះពេជ្រ ក្នុងរាជធានីភ្នំពេញ ដោយមានអ្នកចូលរួមជាង១០ម៉ឺននាក់។
លោក បន្តថា នៅក្នុងឱកាសនេះ សម្ដេច ហ៊ុន សែន ប្រធានគណបក្សប្រជាជនកម្ពុជា នឹងចូលរួមថ្លែងសុន្ទរកថាបើកយុទ្ធនាការឃោសនាបោះឆ្នោតផ្ទាល់ ព្រមទាំងមានការផ្សព្វផ្សាយតាមបណ្ដាទូរទស្សន៍ និងវិទ្យុតាមខេត្តនីមួយៗ។ អ្នកនាំពាក្យរូបនេះ បានបន្ថែមថា ក្រោយពីបញ្ចប់សុន្ទរកថា ក្បួននឹងដង្ហែ ទៅកាន់ខណ្ឌរៀងៗខ្លួន ក្នុងរាជធានីភ្នំពេញ ចំណែក នៅតាមបណ្ដាខេត្តទាំង២៤ ក៏ដង្ហែក្បួនឃោសនាព្រមគ្នាផងដែរ។
ស្របតាមច្បាប់ស្ដីពីការឃោសនាបោះឆ្នោត រាជធានី ខេត្ត នីមួយៗ អាចដង្ហែក្បួនឃោសនាតែ៤ដងប៉ុណ្ណោះ។ បើតាមលោក សុខ ឥសាន គណបក្សប្រជាជនកម្ពុជា អាចមានការដង្ហែក្បួនទ្រង់ទ្រាយធំម្ដងទៀត នៅថ្ងៃ២៧ ខែកក្កដា ដែលជាថ្ងៃបិទយុទ្ធនាការនៃការឃោសនាបោះឆ្នោត។
តាមពិតទៅ គណបក្សប្រជាជនកម្ពុជា ដែលមានឈ្មោះដើមថា បក្សប្រជាជនបដិវត្តន៍កម្ពុជា បានកើតឡើង នៅថ្ងៃទី២៨ ខែមិថុនា ឆ្នាំ១៩៥១ ឯណោះទេ។ ជារៀងរាល់ឆ្នាំ គណបក្សប្រជាជនកម្ពុជា ដែលដឹកនាំរដ្ឋាភិបាលរាប់ទសវត្សន៍មកហើយនោះ តែងធ្វើពិធីរម្លឹកខួប នៅថ្ងៃ២៨ ខែមិថុនា។ ប៉ុន្តែ សម្រាប់ឆ្នាំនេះ បក្សកាន់អំណាច ស្រាប់តែជ្រើសរើសយកថ្ងៃទី៧ ខែកក្កដា ដែលជាថ្ងៃដំបូងនៃការឃោសនារកសំឡេងឆ្នោត ធ្វើពិធីរម្លឹកខួប៦៧ឆ្នាំទៅវិញ។
សូមជម្រាបថា យុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៦ នឹងធ្វើឡើងចាប់ ពីថ្ងៃទី៧ ដល់ថ្ងៃទី២៧ ខែកក្កដា ឆ្នាំ២០១៨ ពោលគឺមានរយៈពេល២១ថ្ងៃ។ តាមច្បាប់ស្ដីពីការឃោសនាបោះឆ្នោត រាជធានី ខេត្តទាំងអស់ មិនអាចមានការហែក្បួនឆ្លងគ្នាឡើយ ហើយក្នុងមួយរាជធានី ខេត្ត គណបក្សមួយ អាចដង្ហែក្បួនឃោសនាបានតែ៤ដងប៉ុណ្ណោះ។ ការបោះឆ្នោត នឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ ដោយមានគណបក្ស២០ ចូលរួមប្រកួតប្រជែង៕
អត្ថបទទាក់ទង
Tag:
CPP
ឃោសនា
បោះឆ្នោត
គណបក្សនយោបាយ
© រក្សាសិទ្ធិដោយ thmeythmey.com
