ជាតិ
បោះឆ្នោត
CPP រៀបចំពិធីរំឮកខួបបក្សលើកទី៦៧ ចំថ្ងៃផ្តើមឃោសនាបោះឆ្នោតជាមួយមនុស្ស៦ម៉ឺននាក់
× នៅថ្ងៃផ្តើមថ្ងៃឃោសនាបោះឆ្នោត គណបក្សប្រជាជនកម្ពុជាក៏ប្រារព្ធពិធីខួបលើកទី៦៧នៃឆ្នាំកំណើតគណបក្សនេះកាន់អំណាចនេះផងដែរ។ សមាជិកចំនួន៦ម៉ឺននាក់ត្រូវបានអញ្ជើញឲ្យចូលរួមក្នុងពិធីនេះនៅលើទីធ្លាកោះពេជ្រ។
សម្តេចនាយករដ្ឋមន្ត្រី ហ៊ុន សែន ប្រធានគណបក្សប្រជាជនកម្ពុជា និងសម្តេច ហេង សំរិន ប្រធានកិត្តិយសនៃគណបក្សនេះ បានមានវត្តមានជាអធិបតីនៅក្នុងពិធីធំទាំងពីរ ដែលគណបក្សនេះបានរៀបចំប្រារព្ធរួមគ្នាគឺ ខួបនៃកំណើតគណបក្សឆ្នាំទី៦៧ និងថ្ងៃចាប់ផ្តើមឃោសនាបោះឆ្នោតសម្រាប់នីតិកាលទី៦នៃរដ្ឋសភា។
គណបក្សប្រជាជនកម្ពុជាត្រូវបានបង្កើតឡើងនៅថ្ងៃទី២៨ខែមិថុនាឆ្នាំ១៩៥១។
គណបក្សប្រជាជនកម្ពុជាបានទិញម៉ោងទូរទស្សន៍ឯកជនជាច្រើនដើម្បីផ្សព្វផ្សាយទិដ្ឋភាពនៃពិធីសំខាន់ទាំងពីររបស់គណបក្ស មុននឹងគណបក្សនេះចេញដំំណើរដង្ហែរក្បួនឃោសនានៅក្នុងរាជធានី។
គណបក្សប្រជាជនកម្ពុជានឹងប្រារព្ធពិធីធំបិទការឃោសនានៅលើមហាវិថីសម្តេច ហ៊ុន សែន (ផ្លូវ៦០ម៉ែត្រ)៕
© រក្សាសិទ្ធិដោយ thmeythmey.com