ជាតិ
×![]()
ដោយ: ថ្មីៗ
សៀមរាប៖តើអ្នកបានដឹងអ្វីខ្លះពី «ពើងគំនូរ»? តាមរយៈបដាផ្សព្វផ្សាយរបស់ក្រសួងបរិស្ថាន ពើងគំនូរ ត្រូវបានកសាងឡើងនៅសតវត្សទី១១ នៃគ.ស មានទីតាំងស្ថិតនៅភូមិត្រពាំងទឹម ឃុំតាសៀម ស្រុកស្វាយលើ ខេត្តសៀមរាប។ តាមរយៈរូបភាពនានានៃពើងគំនូរ បានរំលេចពីរូបភាពដ៏អស្ចារ្យនៃ សិល្បៈរបស់ខ្មែរដែលមានអាយុកាលជាងមួយពាន់ឆ្នាំមកហើយ។
ពើងគំនូរ ជាទីតាំងសំខាន់មួយនៅសតវត្សទី១១ ដោយទីនេះមានចម្លាក់មួយចំនួន ដូចជាចម្លាក់ព្រះគណេសដៃ៨ ចម្លាក់លិង្គ ចម្លាក់ព្រះវិស្ណុផ្ទុំ ចម្លាក់ព្រះឥសូរ រូបគំនូរត្រីប្រវែងប្រមាណ ១ម៉ែត្រមានពណ៌ក្រហមព្រៀល។ តាមរយៈសិលាចារឹកប្រហែលចារនៅសតវត្សទី១១ ពើងគំនូរជាទីតាំងរបស់ព្រះរាជគ្រូរបស់ព្រះមហាក្សត្រឈ្មោះថា «ព្រះសិវៈសោមៈ» ក្នុងនោះសិលាចារឹកក៏បានបង្ហាញពីព្រះបាទជ័យវរ្ម័នទី២ ក្នុងឈ្មោះជាមរណនាមថា «ព្រះបរមេស្វរៈ និងភ្នំមហេន្ទ្រ ភ្នំគូលែន»៕
សូមទស្សនាទិដ្ឋភាពខ្លះៗពី ពើងគំនូរ ដែលរូបភាពថតដោយលោក នួន រត្នន៍ ដូចតទៅ
© រក្សាសិទ្ធិដោយ thmeythmey.com
