អន្តរជាតិ
រដ្ឋមន្រ្តីការបរទេសអាមេរិក Mike Pompeo ចាប់ដៃនាយករដ្ឋមន្រ្តីវៀតណាម Nguyen Xuan Phuc (រូបភាព AFP)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសអាមេរិក ម៉ៃ ប៉ុមប៉េអូ នៅថ្ងៃទី៨ ខែកក្កដា នៅតែអះអាងថា កូរ៉េខាងជើងនឹងមានអនាគតភ្លឺស្វាង បើបោះបង់នុយក្លេអ៊ែររបស់ខ្លួន។ លោក ប៉ុមប៉េអូ បានប្រាប់ឲ្យកូរ៉េខាងជើងយកគំរូតាមវៀតណាម ដែលធ្លាប់ជាអតីតសត្រូវអាមេរិក តែក្រោយមកក៏ក្លាយជាមិត្តរបស់អាមេរិកវិញ ហើយថែមទាំងមានសេដ្ឋកិច្ចរីកចម្រើនខ្លាំង។ ការលើកឡើងរបស់លោក ប៉ុមប៉េអូ នៅឯរដ្ឋធានីហាណូយ ធ្វើឡើងក្រោយការចរចានៅព្យុងយ៉ាងទទួលបានលទ្ធផលស្ដួចស្ដើងបំផុត។
នៅថ្ងៃទី៨ ខែកក្កដា ប្រមុខការទូតអាមេរិក ម៉ៃ ប៉ុមប៉េអូ បានទៅដល់វៀតណាម ជាគោលដៅចុងក្រោយនៃទស្សនកិច្ចតំបន់អាស៊ី។ ពីរដ្ឋធានីហាណូយ លោក ប៉ុមប៉េអូ ក៏បានឆ្លៀតផ្ញើសារមួយទៅកាន់កូរ៉េខាងជើង ដោយលោកបានប្រាប់ឲ្យមេដឹកនាំកូរ៉េខាងជើងជ្រើសរើសផ្លូវដូចដែលវៀតណាមធ្លាប់ដើរកន្លងមក តាំងពីក្រីក្រមានឈ្មោះជារដ្ឋកុម្មុយនីស្តរហូតក្លាយជាប្រទេសមួយមានការអភិវឌ្ឍខ្លាំងក្លាក្នុតំបន់។
ដូចដឹងស្រាប់ អាមេរិក និងវៀតណាម គឺជាអតីតសត្រូវស្រួចស្រាល់មួយ និងធ្លាប់ធ្វើសង្គ្រាមនឹងគ្នានាពេលអតីតកាលផង។ ក្រោយមក ប្រទេសទាំងពីរក៏ក្លាយជាមិត្តភក្តិគ្នា មានទំនាក់ទំនងល្អគួរឲ្យកត់សម្គាល់ ជាពិសេសពាណិជ្ជកម្មទ្វេភាគីតែម្ដង។ ក្នុងន័យនេះ លោក ប៉ុមប៉េអូ សង្ឃឹមថា ទំនាក់ទំនងអាមេរិក-វៀតណាម នឹងក្លាយជាគំរូសម្រាប់ទំនាក់ទំនងអាមេរិក-កូរ៉េខាងជើង ដែលអាចកើតឡើងនាពេលខាងមុខផងដែរ។
យោងតាមទីភ្នាក់ងារព័ត៌មាន AFP លោក ប៉ុមប៉េអូ បាននិយាយចំពោះមុខធុរជនវៀតណាម ថា៖«ជាមួយនឹងភាពជាដៃគូ និងវិបុលភាពដែលអាមេរិកមានជាមួយវៀតណាមសព្វថ្ងៃ ខ្ញុំមានសារមួយសម្រាប់លោកប្រធាន គីម ជុងអ៊ុន។ ប្រធានាធិបតី ដូណាល់ ត្រាំ ជឿថា ប្រទេសរបស់លោកអាចចម្លងវិធីសាស្ត្រនេះបាន»។ រដ្ឋមន្ត្រីការបរទេសអាមេរិកបន្តថា អព្ភូតហេតុបែបនេះនឹងកើតឡើងនៅកូរ៉េខាងជើងដូចគ្នាដែរ។
ពេលកន្លងមក អាមេរិក បានសន្យាផ្ដល់ជំនួយសេដ្ឋកិច្ច និងផ្អាកការដាក់ទណ្ឌកម្មលើកូរ៉េខាងជើង ប៉ុន្តែក្នុងលក្ខខណ្ឌមួយ គឺកូរ៉េខាងជើងត្រូវបោះបង់នុយក្លេអ៊ែរទាំងស្រុងសិន។ ក្នុងករណីក្រុងព្យុងយ៉ាងធ្វើតាមការទាមទាររបស់អាមេរិកបានមែន របបកុម្មុយនីស្តមួយនេះនឹងក្លាយជាមានបានដូចរបបដឹកនាំក្រុងហាណូយដែលប្រកាន់របបឯកបក្សដែរ។ លោក ប៉ុមប៉េអូ បានរំឭកដែរថា ជម្រើសស្ថិតក្នុងដៃកូរ៉េខាងជើង និងប្រជាជនកូរ៉េខាងជើងផ្ទាល់។
យ៉ាងណាមិញ ក្ដីរំពឹងដែលឈានដល់ការរំសាយនុយក្លេអ៊ែរ ហើយកូរ៉េខាងជើងទទួលបានលើកលែងទណ្ឌកម្មជាថ្នូរនឹងការមានបាន ហាក់នៅឆ្ងាយនៅឡើយ ស្របពេលការចរចារវាងអាមេរិក និងកូរ៉េខាងជើងបានដើរលើផ្លូវដ៏លំបាកទៅហើយ។ មុនទៅដល់វៀតណាម លោក ប៉ុមប៉េអូ បានទៅក្រុងព្យុងយ៉ាងដើម្បីជជែកពីជំហានបន្តក្នុងការអនុវត្តតាមជំនួបមេដឹកនាំនៅសិង្ហបុរី។ ប៉ុន្តែក្រោយកិច្ចប្រជុំ ភាគីទាំងពីរបែរជាបង្ហាញជំហរខុសគ្នាស្រឡះ ហើយកូរ៉េខាងជើងថែមទាំងរិះគន់អាមេរិកខ្លាំងទៀតផង៕
នៅថ្ងៃទី៨ ខែកក្កដា ប្រមុខការទូតអាមេរិក ម៉ៃ ប៉ុមប៉េអូ បានទៅដល់វៀតណាម ជាគោលដៅចុងក្រោយនៃទស្សនកិច្ចតំបន់អាស៊ី។ ពីរដ្ឋធានីហាណូយ លោក ប៉ុមប៉េអូ ក៏បានឆ្លៀតផ្ញើសារមួយទៅកាន់កូរ៉េខាងជើង ដោយលោកបានប្រាប់ឲ្យមេដឹកនាំកូរ៉េខាងជើងជ្រើសរើសផ្លូវដូចដែលវៀតណាមធ្លាប់ដើរកន្លងមក តាំងពីក្រីក្រមានឈ្មោះជារដ្ឋកុម្មុយនីស្តរហូតក្លាយជាប្រទេសមួយមានការអភិវឌ្ឍខ្លាំងក្លាក្នុតំបន់។
ដូចដឹងស្រាប់ អាមេរិក និងវៀតណាម គឺជាអតីតសត្រូវស្រួចស្រាល់មួយ និងធ្លាប់ធ្វើសង្គ្រាមនឹងគ្នានាពេលអតីតកាលផង។ ក្រោយមក ប្រទេសទាំងពីរក៏ក្លាយជាមិត្តភក្តិគ្នា មានទំនាក់ទំនងល្អគួរឲ្យកត់សម្គាល់ ជាពិសេសពាណិជ្ជកម្មទ្វេភាគីតែម្ដង។ ក្នុងន័យនេះ លោក ប៉ុមប៉េអូ សង្ឃឹមថា ទំនាក់ទំនងអាមេរិក-វៀតណាម នឹងក្លាយជាគំរូសម្រាប់ទំនាក់ទំនងអាមេរិក-កូរ៉េខាងជើង ដែលអាចកើតឡើងនាពេលខាងមុខផងដែរ។
យោងតាមទីភ្នាក់ងារព័ត៌មាន AFP លោក ប៉ុមប៉េអូ បាននិយាយចំពោះមុខធុរជនវៀតណាម ថា៖«ជាមួយនឹងភាពជាដៃគូ និងវិបុលភាពដែលអាមេរិកមានជាមួយវៀតណាមសព្វថ្ងៃ ខ្ញុំមានសារមួយសម្រាប់លោកប្រធាន គីម ជុងអ៊ុន។ ប្រធានាធិបតី ដូណាល់ ត្រាំ ជឿថា ប្រទេសរបស់លោកអាចចម្លងវិធីសាស្ត្រនេះបាន»។ រដ្ឋមន្ត្រីការបរទេសអាមេរិកបន្តថា អព្ភូតហេតុបែបនេះនឹងកើតឡើងនៅកូរ៉េខាងជើងដូចគ្នាដែរ។
ពេលកន្លងមក អាមេរិក បានសន្យាផ្ដល់ជំនួយសេដ្ឋកិច្ច និងផ្អាកការដាក់ទណ្ឌកម្មលើកូរ៉េខាងជើង ប៉ុន្តែក្នុងលក្ខខណ្ឌមួយ គឺកូរ៉េខាងជើងត្រូវបោះបង់នុយក្លេអ៊ែរទាំងស្រុងសិន។ ក្នុងករណីក្រុងព្យុងយ៉ាងធ្វើតាមការទាមទាររបស់អាមេរិកបានមែន របបកុម្មុយនីស្តមួយនេះនឹងក្លាយជាមានបានដូចរបបដឹកនាំក្រុងហាណូយដែលប្រកាន់របបឯកបក្សដែរ។ លោក ប៉ុមប៉េអូ បានរំឭកដែរថា ជម្រើសស្ថិតក្នុងដៃកូរ៉េខាងជើង និងប្រជាជនកូរ៉េខាងជើងផ្ទាល់។
អត្ថបទទាក់ទង
យ៉ាងណាមិញ ក្ដីរំពឹងដែលឈានដល់ការរំសាយនុយក្លេអ៊ែរ ហើយកូរ៉េខាងជើងទទួលបានលើកលែងទណ្ឌកម្មជាថ្នូរនឹងការមានបាន ហាក់នៅឆ្ងាយនៅឡើយ ស្របពេលការចរចារវាងអាមេរិក និងកូរ៉េខាងជើងបានដើរលើផ្លូវដ៏លំបាកទៅហើយ។ មុនទៅដល់វៀតណាម លោក ប៉ុមប៉េអូ បានទៅក្រុងព្យុងយ៉ាងដើម្បីជជែកពីជំហានបន្តក្នុងការអនុវត្តតាមជំនួបមេដឹកនាំនៅសិង្ហបុរី។ ប៉ុន្តែក្រោយកិច្ចប្រជុំ ភាគីទាំងពីរបែរជាបង្ហាញជំហរខុសគ្នាស្រឡះ ហើយកូរ៉េខាងជើងថែមទាំងរិះគន់អាមេរិកខ្លាំងទៀតផង៕
Tag:
អាមេរិក
កូរ៉េខាងជើង
វៀតណាម
ម៉ៃ ប៉ុមប៉េអូ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
